العربية بتسخن فى اول 1000 كيلو

[shshmoh]

الحمد لله تم استلام الماروتى الحلوه من اسبوعين من سمير ريان و السعر بعد الفصال و الخناق 36500
من غير كاسيت ولا انذار
علشان انا سالت مودرن موتورز و قالو ان العربيه بتنزل منغيرهم و بعض المعارض بتركبهم و طبعا انواع زى الفل
المهم بعد التليين و الاستخدام على الطريق الدائرى فقط كان الموضوع زى الفل الحمد لله
ولكن بعد صيانه 1000 فى توكيل مودرن موتورز ال فى اخر طريق السندباد تحت الكوبرى يمين
حسيت ان العربية مش تمام و رجعت تانى و المهند قالى ده زى الورد و الفل تانى يوم نازل من التجمع الى المطرية " موطنى الاصلى "
حسيت بسخونه زياده و المروحه شغاله هلى طول و بتفصل دقيقة و ترجع تانى و بعد فترة العربيه بتنتش
عرفت ان الحرارة مش تمام و هى بتعدى النص بحته صغيرة و ترجع تانى فى النصف " هل ه طبيعى ان العداد يكون فى المنتصف ؟"
ركنت شوية و بعدين اتحركت كانت العربية تمام بس حاسس انها مبرجله شويه و بعد 5 دقائق رجع الموضوع التنتيش تانى و بتبطل
رحت لميكانيكى حبيبى قالى ده ترموستات كوعه المياه معلقه
ممكن نشلها و تجرب ولما فكها العربيه كانت تمام و الحرارة بتوصل قبل النصف بشوية و تنزل تانى ده مع الزحام و فى السريع بتكون عند الربع الاول
ده الموضوع من طقطق الى سلام عليكم
ياريت من الزملاء الاعزاء النصيحه و الافادهبخصوص تجربه الاستغناء عن الترموستات بتاعت كوعه المياه او اشترى وحده و اركبها و لو هشترى اجبها اصلى منين و الف شكر

[dr.hazem]

الحمد لله تم استلام الماروتى الحلوه من اسبوعين من سمير ريان و السعر بعد الفصال و الخناق 36500
من غير كاسيت ولا انذار
علشان انا سالت مودرن موتورز و قالو ان العربيه بتنزل منغيرهم و بعض المعارض بتركبهم و طبعا انواع زى الفل
المهم بعد التليين و الاستخدام على الطريق الدائرى فقط كان الموضوع زى الفل الحمد لله
ولكن بعد صيانه 1000 فى توكيل مودرن موتورز ال فى اخر طريق السندباد تحت الكوبرى يمين
حسيت ان العربية مش تمام و رجعت تانى و المهند قالى ده زى الورد و الفل تانى يوم نازل من التجمع الى المطرية " موطنى الاصلى "
حسيت بسخونه زياده و المروحه شغاله هلى طول و بتفصل دقيقة و ترجع تانى و بعد فترة العربيه بتنتش
عرفت ان الحرارة مش تمام و هى بتعدى النص بحته صغيرة و ترجع تانى فى النصف " هل ه طبيعى ان العداد يكون فى المنتصف ؟"
ركنت شوية و بعدين اتحركت كانت العربية تمام بس حاسس انها مبرجله شويه و بعد 5 دقائق رجع الموضوع التنتيش تانى و بتبطل
رحت لميكانيكى حبيبى قالى ده ترموستات كوعه المياه معلقه
ممكن نشلها و تجرب ولما فكها العربيه كانت تمام و الحرارة بتوصل قبل النصف بشوية و تنزل تانى ده مع الزحام و فى السريع بتكون عند الربع الاول
ده الموضوع من طقطق الى سلام عليكم
ياريت من الزملاء الاعزاء النصيحه و الافادهبخصوص تجربه الاستغناء عن الترموستات بتاعت كوعه المياه او اشترى وحده و اركبها و لو هشترى اجبها اصلى منين و الف شكر

زيزي
كل الحكايه انهم في التوكيل علو الكهربا شويه وهما دايما بيعملو كده
ارجعلهم وقولهم وطو الكهربا فقط
ترموستات كوعة ايه اللي تبوظ ولا تعلق في 1000 كيلو
واوعى وانا بحذر اهو اوعى تشيلها لاي سبب كان الا لما تبقى تبوظ وبعدها تغيرها فورا
لان الثيرموستات بيحافظ على ان حرارة الميه تفضل ثابته
لو شلتها
المياه هتبرد وانتا ماشي وتدخل عالمكنه وهيا سخنه مولعه وهوب تطيرلك وش سلندر
وبعدين عربيتك في الضمان واول 1000 وتوديها لحد بره
والله انك قلبك قوي جدا جدا
عموما ارجعلهم او لو عايز تروح لاي حد يظبطلك الكهربا فقط لاغير ومتسمعش كلام حد تاني
وبعدين طالما الحراره عالنص او حواليها وبتنزل تاني يبقى الثيرموستات شغال وبيخلي المروحه تشتغل وتفصل يعني انتا في السليم
بالذات لو بتحط بنزين 80 هتلاقي الموضوع فرق معاك لانهم فعلا بيعلو كهربة العربية وده معروف عنهم واغلب الشباب هنا بترجعلهم في ساعتها تقولهم وطو الكهربا لان المروحه شغاله علطول......


تحياتي

[shshmoh]

شكرا للرد و النصيحه بس لما شلت الترموستات و مسكتها و حاولت احركها كانت فعلا مش بتتحرك و نشفه اوى
و على العموم اجيب غيرها منين و تكون اصليه علشات متعملش كده تانى
و شكرا

[shshmoh]

وياريت حد يعرفنى عداد الحراره فى الطبيعى بيكون فين انا بيوصل عندى الى النصف و بعدين المروحه تشتغل و ينزل تانى شويه
ارجو الافاده

[dr.hazem]

وياريت حد يعرفنى عداد الحراره فى الطبيعى بيكون فين انا بيوصل عندى الى النصف و بعدين المروحه تشتغل و ينزل تانى شويه
ارجو الافاده

عزيزي
الحراره فعلا بوصل النص وساعتها المروحه بتشتغل فورا وترجعها لقبل النص بشويه
لو على طريق طوالي المفروض متوصلش النص وتفضل عالتلت الاول....
ده الطبيعي

منين تشتريها اصليه رأيي وديها الضمان بس معتقدش انها بايظه عندك

تحياتي

[shshmoh]

بعد الفحص و الاطلاع على تفاصيل موتور الماروتى
توصلت الى ان ترموستات كوعه المية ليها فائده فى الشتاء فقط
علشان بتخلى المية تلف حولين الموتور فقط علشان تخلى درجه الحرارة مستقرة و مناسبة لعملية الاحتراق ولكن فى حالة ارتفاع درجه الحرارة تفتح الدوره على الريداتير لتبريد المياه
ده فى الشتاء
لكن فى الصييف لو استغنيت عنها مش مهم ولكن ده افضل لتبريد الموتور علشان بيخلى دورة المياه اوسع يعنى مش بتلف حولين الموتور بس عدم وجودها بيخلى دوره المياه حولين الموتور و الريداتير فتبرد افضل و اسرع مع درجات الحرارة العالية
و عملية الفك و التركيب 5 دقائق فقط علشان كده انا هشترى وحده من دمشق و اخليها عندى اركبها فى الشتاء القادم ان شاء الله
و الف شكر على المشاركه و ارجو عمل استفتاء بنعم او لا
مش على الدستور لكن على الترموستاتا بتاعت الكوعه
وشكرا

[dr.hazem]

بعد الفحص و الاطلاع على تفاصيل موتور الماروتى
توصلت الى ان ترموستات كوعه المية ليها فائده فى الشتاء فقط
علشان بتخلى المية تلف حولين الموتور فقط علشان تخلى درجه الحرارة مستقرة و مناسبة لعملية الاحتراق ولكن فى حالة ارتفاع درجه الحرارة تفتح الدوره على الريداتير لتبريد المياه
ده فى الشتاء
لكن فى الصييف لو استغنيت عنها مش مهم ولكن ده افضل لتبريد الموتور علشان بيخلى دورة المياه اوسع يعنى مش بتلف حولين الموتور بس عدم وجودها بيخلى دوره المياه حولين الموتور و الريداتير فتبرد افضل و اسرع مع درجات الحرارة العالية
و عملية الفك و التركيب 5 دقائق فقط علشان كده انا هشترى وحده من دمشق و اخليها عندى اركبها فى الشتاء القادم ان شاء الله
و الف شكر على المشاركه و ارجو عمل استفتاء بنعم او لا
مش على الدستور لكن على الترموستاتا بتاعت الكوعه
وشكرا

الكلام ده ظبوط نوعا ما
اهم فايده للثيرموستات تكمن في الشتاء
لكن احنا حاليا مرحلة انتقاليه مابين الشتا والصيف
وانا عند رأيي انك لو هتغيرها غيرها دلوقتي بلاش بعدين ده الجرح بيبقى سهل في اوله مع احترامي للفنان فضل شاكر
هههههههههههههههههههههههههه
تحياتي

[shshmoh]

عملت جوله ميدانية موسعه فى الورش بتاعت السابع ( اخر شارع الطيران )
وتم العثور على مجموعه ورش ميكانيكى و كهربائى فى نفس الورشه و ناس بتوع غيار زيت و عندهم معدات الشفط
و ايضا واحد بتاع قطع غيار كبير اسمه ابورامى
بس الصنيعية اجمعوا على ان قطع الغيار المتوفره اصليه بس غالية
فممكن تجيب الحاجه من دمشق و تخليه هو للطوارىء فقط

[sab3aawy]

الهند بلد حارة ، وهم كانوا أولى بفك الثرموستات مننا لو كان عدم وجوده افيد للسيارة

المحرك افضل مدى حرارى لصحته هو المدى حول 90 درجة، لكن فك الثرموستات يؤدى الى ان العربية تكون باردة جدا فى الشتاء والمشاوير الطوالى ويؤدى الى تشغيب المحرك لفترة طويلة وهو بارد فى الصباح قبل ان تسخن المياه، وكل هذة الأشياء تودى الى مشاكل فى المحرك، وحتى لا يعتقد البعض ان الكلام ده مجرد فتى، كان عندى عربية شاهين زمان وقمت بفك ثرموستات الكوعة بتاعها انطلاقا وراء نصائح الميكانيكية، النتيجة كانت ان التشغيل البارد لفترة طويلة للمحرك فى الصباح الللى بدوره بيؤدى الى ارتفاع لزوجه الزيت لفترة طويلة قبل ان يدفأ ويفك ادى الى ان مع الوقت عمود الكامة تآكلت منه الطبقة السطحية لكامتين من كامات العمود نتيجة لتأخر وصول الزيت لهم فىالصباح وقل سمك الكامة حوالى مللى متر او اكتر، وده كان بيودى الى حودث صوت نقر اثناء دوران المحرك فى الصباح لحد ما يسخن، ولم يخلصنى من صوت النقر ده سوى تغير عمود الكامة بكامله وضبط التاكيهات
التشغيل اليارد للمحرك ضار جدا بنفس ضرر التشغيل المفرط السخونة، علشان كدة كل مصنعى السيارات ينصحوننا دائما بعدم القرص علىالمحرك وهو بارد، وثرموستاات الكوعة هو ما يحقق تقليل فترة برودة المحرك صباحا ومنع برودة المحرك فى الطوالى، وعلشان كدة بنلاقى كل السيارات الحديثة حرارتها بتوصل لحد قبل النص بشرطة مهما كان الجو بارد او حار، مهو المصنع كان يقدرو يخلوها تلاجة زى ما كانت العربيات اليابانى والكورى زمان وكانت الناس تفرح ان المؤشر مش بيعلا عن ال50 او ال 60 ، لكن ديلوقتى كل العربيات الحديثة-بما فيها اليابانى والكورى اللى كانوا تلاجة زمان- مصممة بحيث الحرارة تبقى فى مدى ضيق قريب من ال 90 للحفاظ على المحرك ولكى يطول عمره، لذلك اذا كان ثرموستات الكوعة بايظ انصح بتغييره وليس بإلغاءه

[shshmoh]

هركب واحد ان شاء الله بس قبل الشتاء بشويه