صوت الماروتي عالي

[M.Al-Hefnawy]

اختي معاها ماروتي 2008 كل فترة لازم العربية صوتها يعلى واستهلاكها في البنزين يزيد عن المعدل الطبيعي.

أنا عملتلها الصيانة مرة واحدة في التوكيل وظبطوها لكن بعد كده رجعت تعلى تاني مش عارف أيه السبب في كده.

آخر مرة ظبطها عند ميكانيكي بردو بتعامل معاه وفاهم كويس لكن الوضع كما هو عليه تشتغل شوية كويس تقريبا اسبوع او 10 ايام وبعد كده صوتها يعلى تاني.

[dr.hazem]

ممكن توضح اكتر؟؟ يعني ايه بيعلى؟؟
اثناء السلانسيه ولا وهيا ماشية ولا ايه العالي؟
وقولي بالمره نوع الزيت اللي بتحطه ايه؟
فلتر الهوا اخباره ايه؟
العربيه عامله كام كيلو؟
يعني اديني لمحة بسيطه ووصف اكتر وان شاء الله اقدر افيدك


تحياتي

[M.Al-Hefnawy]

أيوة صوتها عالي أثناء السلانسية فعلاً

بحط زيت شل هيلكس بـ 105

فلتر الهواء جبنالها واحد جديد

العربية ماشية دلوقتي 20 ألف كيلو

[dr.hazem]

أيوة صوتها عالي أثناء السلانسية فعلاً

بحط زيت شل هيلكس بـ 105

فلتر الهواء جبنالها واحد جديد

العربية ماشية دلوقتي 20 ألف كيلو

اوكي الموضوع بسيط ان شاء الله

طبعا في حاجه لازم تتأكد منها
ان اختك متكونش بتشد الشفاط بتاع التشغيل وتنساه
كتير بتحصل وطبعا هيخلي العربية صوتها اعلى من التنين
ههههههههههههههههه

ده اول واهم حاجه لانه الاحتمال التاني مش هيكون خلال 10 ايام من الصيانه...

يبقى ايه الاحتمال التاني؟؟؟
في احتمال ان مسمار البنزين بتاع الكربيراتير عالي وده فعلا لما بتظبطه صعب جدا انه لوحده يرحله ويتغير فتعلى العربية تاني عشان كده انا برجح الاختيار الاول,,, الشفاط

يأكد موضوع الشفاط ده لو العربية بتنتش مع الغيار الاول والتاني او بتنط لان العربية بتبقى عاليه ساعتها كمان,,,

في حاجه تالته كنت شرحتها هنا بالفيديو للشباب
هحطلك الفيديو بتاعها لانها خطيره وبتعمل نفس العرض ده برضو وممكن كمان وانت ماشي تخلي الفرامل متجاوبش معاك كويس وتحس ان العربية دايسه بنزين لوحدها
في جلده كده على واير البنزين بتكون اتحركت من مكانها
بس دي بقا مش كل 10 ايام برضو لكن لو كانت مرحله اساسا ومحدش خد باله هتلاقيها عشوائيه
يعني ممكن تمشي مظبوطه وفي نص الطريق تلاحظ العربية كأنها دايسه بنزين

هحطلك الفيديو وشوفها سهل قوي انك تعملها ومش هتاخد 10 ثواني

ImageShack® - Online Photo and Video Hosting

الزيت شغال طالما ان العربية مرتاحه عليه
لو هتغير لنوع تاني ارشحلك الكالتكس هافولاين 10 آلاف كيلو الذهبي...

وبرضو البوجيهات ممكن نبص عليها بصه من باب صيانة ال 20 ألف ليس اكثر

عموما لو انتا ساكن قريب من النزهة الجديده ممكن تعدي عليا ابصلك بصه لو مش هتعرف تشوف الحاجات اللي قلتلك عليها دي...

تحياتي

[love7amada]

حازم حازم
انا مش ساكن جنب النزهه بس ممكن اعدي برده تبصلي بصه
هههههههههههه
تعرف اناا فعلا عايز حد يشيكلي ع الموضوعع بتاع الجلده ده عشان ساعات بحسها بتجري و ساعات مظبوطه
انا رحت شيكت ع تيل الفرامل اللي هوا خلعه خالص وورهوني ووراني واحد متاكل و صده كان بتاع السيفيك طلع هوا هوا فعلا
و عايز انقل الكاسيت فوق و اركب الكونصول
و اه هوا زيت كالتكس ده بكام باع ال 10000 كيلو
يمكن لو جيتلك اغيره ع الناصيه و بعدها ادخلك مع ان عندي كالتكس برده ع الناصيه احنا برده مش اي كلام

[dr.hazem]

حازم حازم
انا مش ساكن جنب النزهه بس ممكن اعدي برده تبصلي بصه
هههههههههههه
تعرف اناا فعلا عايز حد يشيكلي ع الموضوعع بتاع الجلده ده عشان ساعات بحسها بتجري و ساعات مظبوطه
انا رحت شيكت ع تيل الفرامل اللي هوا خلعه خالص وورهوني ووراني واحد متاكل و صده كان بتاع السيفيك طلع هوا هوا فعلا
و عايز انقل الكاسيت فوق و اركب الكونصول
و اه هوا زيت كالتكس ده بكام باع ال 10000 كيلو
يمكن لو جيتلك اغيره ع الناصيه و بعدها ادخلك مع ان عندي كالتكس برده ع الناصيه احنا برده مش اي كلام

اسلام اسلام
والله يارجاله كلكو ليكم وحشه
وفعلا عايز اظبط مقابله للكل لكن للاسف في ظل الاوضاع الامنيه اللي احنا فيها دي مش هنعرف نظبط معاد كويس

ايا كان
تعالا ياباشا تنورني اصلك بصه عالجلده ونشوف موضوع الكاسيت
وفعلا سمعت كتير ان تيل السيفيك بيركب على الماروتي وتمام التمام بس انا لسا بدري عالتيل
لاني فحصته عند تكنو ون وقالولي كمان 20 ألف كيلو كده
الكاسيت فوق احلى واريح وهتحس انك راكب عربية حلوة
تحت معجبنيش خالص وخصوصا اني كنت بستخدم الكونصول بحط فيه شرايط وحاجات

زيت الكالتكس اخر مره غيرته كان ب 230 بالتغيير
غالي اه لكن الحقيقه ريحلي العربية ونزلته على 10 كيلو فعلا وكان لسه لزوجته كويسه
معرفش ايه اللي خلاني غيرت لفيسكو عشان اجربه ومستني امشي عليه شويه وهرميه وارجع للكالتكس
وعلى فكره
الراجل اللي عندي فكالتكس عالناصيه صنايعي كويس جدا وخليته امبارح غيرلي زيت الفتيس والعربية فرقت بعده برضه من حيث نقل الغيارات

في اي وقت تنورني بس كلمني قبلها ولا ابعتلي رساله عشان ميكونش عندي نبطشيه ولا حاجه وربنا ييسر الاحوال للجميع

تحياتي

[love7amada]

تمام التمام
خلاص انا هظبط الكاشات و اظبط بعدها معاك
انا عندي حاطط فيسكو 2000 بقاله 3000 كيلو بس قرف المره ديه بالذات
معرق ع الموتور ع طول و صوته حشن و عالي جدا حتي الميكانيكي لما شاف العربيه قالي غيره

[love7amada]

و الكاسيت فعلا انا هايز اطلعه عشان الكونصول بالذات عشان العرببيه مفيهاش مكان الواحد يحط حاجه نهائي فمش معقوله ده كمان يكون متشال

[love7amada]

مقولتليش زيت الفتيس غيرته بكام و غيرته ليه ؟؟

[love7amada]

انا كمان لسه بدري جدا ع التيل الراجل طلعه لقاه فيه لحم كتير يعني هبص عليها ع ال 30 الف و انا دلوقتي ماشي ف ال 14 الف

[dr.hazem]

تمام التمام
خلاص انا هظبط الكاشات و اظبط بعدها معاك
انا عندي حاطط فيسكو 2000 بقاله 3000 كيلو بس قرف المره ديه بالذات
معرق ع الموتور ع طول و صوته حشن و عالي جدا حتي الميكانيكي لما شاف العربيه قالي غيره

انا حطيت فيسكو 3000 وماشي عليه دلوقتي 4 آلاف كيلو
اول ألف كيلو مكنتش العربية مظبوطه بحكم اني كنت بجرب حوارات البوجيهات لحد موصلنا للكود الصح للعربية
وقتها كان البخر عالي والزيت نقص شويه
لما اتظبطت عالبوجيهات زودته وكل اللي ملاحظه ان صوت المكنه عالي وزي ميكون عايظه تظبط تاكيهات
وانا متأكد ان كل ده بسبب الزيت مش اكتر وهرجع المره الجايه للكالتكس ان شاء الله...

[dr.hazem]

و الكاسيت فعلا انا هايز اطلعه عشان الكونصول بالذات عشان العرببيه مفيهاش مكان الواحد يحط حاجه نهائي فمش معقوله ده كمان يكون متشال

على فكره هترتاح وانتا بتغير اي حاجه وانتا سايق لانه اقربلك وهتخلي شكل العربية احلى وحاول تشوف حد يقص بنضافه ولو انها في الاخير مش هتفرق صدقني لان الكاسيت بيغطي شكل اي حاجه...

[dr.hazem]

مقولتليش زيت الفتيس غيرته بكام و غيرته ليه ؟؟

انا رحت اشتريت 2 لتر زيت موبيل 90 وخليت الصنايعي اللي في محطة كالتكس هنا يغيرهولي

اللتر كلف 17 جنيه والصنايعي ده تديله اللي فيه النصيب لانه حبيبي يعني مش قضيه
انا غيرته من باب التغيير مش اكتر
هههههههههههههههه
تقدر تقول كنت بجرب
انا اللي اعرفه انه بيتغير كل 30 ألف
انا عامل 24 ألف وكانت الغيارات شويه تقيله ساعات يعني فقلت اجرب واشوف الاخبار ايه وهشحم بلية الفتيس برضو قريب وهكذا اكون عملت صيانه وقائيه مش اكتر
والنتيجه حلوة جدا لان الغيارات بقت سلسه وكمان كان في ونه خفيفه جدا جدا ساعات بتطلع وراحت

[dr.hazem]

انا كمان لسه بدري جدا ع التيل الراجل طلعه لقاه فيه لحم كتير يعني هبص عليها ع ال 30 الف و انا دلوقتي ماشي ف ال 14 الف

اها التيل الفبريكا سبحان الله بيقعد كتير انا لما كشفت كان في صيانة ال 20 ألف والراجل قالي لسا قدامك كمان 20 ألف
وعشان كده لو هغيره هبقى اغيره في التوكيل لانه مش خساره انه يتغير عندهم كل 45 ألف ولا حاجه كده...
وعقبال اما تعمل ال 100 ألف ان شاء الله


عماله تتنطط فدماغي فكرة تركيب التكييف دلوقتي
ايه رأيك؟؟

[M.Al-Hefnawy]

جزاك الله كل خير ... احنا جبنا العربية كانت عاملة 16 الف كيلو وغيرتلها البوجيهات والفلتر والزيت والحاجات دي.

بالنسبة لموضوع الشفاط لأ مش مرفوع ... بس ممكن تقولي مكان مسمار البنزين اللي الكربيراتير فين؟

وهابص بردو على جلده سلك البنزين دي.

اوكي الموضوع بسيط ان شاء الله

طبعا في حاجه لازم تتأكد منها
ان اختك متكونش بتشد الشفاط بتاع التشغيل وتنساه
كتير بتحصل وطبعا هيخلي العربية صوتها اعلى من التنين
ههههههههههههههههه

ده اول واهم حاجه لانه الاحتمال التاني مش هيكون خلال 10 ايام من الصيانه...

يبقى ايه الاحتمال التاني؟؟؟
في احتمال ان مسمار البنزين بتاع الكربيراتير عالي وده فعلا لما بتظبطه صعب جدا انه لوحده يرحله ويتغير فتعلى العربية تاني عشان كده انا برجح الاختيار الاول,,, الشفاط

يأكد موضوع الشفاط ده لو العربية بتنتش مع الغيار الاول والتاني او بتنط لان العربية بتبقى عاليه ساعتها كمان,,,

في حاجه تالته كنت شرحتها هنا بالفيديو للشباب
هحطلك الفيديو بتاعها لانها خطيره وبتعمل نفس العرض ده برضو وممكن كمان وانت ماشي تخلي الفرامل متجاوبش معاك كويس وتحس ان العربية دايسه بنزين لوحدها
في جلده كده على واير البنزين بتكون اتحركت من مكانها
بس دي بقا مش كل 10 ايام برضو لكن لو كانت مرحله اساسا ومحدش خد باله هتلاقيها عشوائيه
يعني ممكن تمشي مظبوطه وفي نص الطريق تلاحظ العربية كأنها دايسه بنزين

هحطلك الفيديو وشوفها سهل قوي انك تعملها ومش هتاخد 10 ثواني

imageshack® - online photo and video hosting

الزيت شغال طالما ان العربية مرتاحه عليه
لو هتغير لنوع تاني ارشحلك الكالتكس هافولاين 10 آلاف كيلو الذهبي...

وبرضو البوجيهات ممكن نبص عليها بصه من باب صيانة ال 20 ألف ليس اكثر

عموما لو انتا ساكن قريب من النزهة الجديده ممكن تعدي عليا ابصلك بصه لو مش هتعرف تشوف الحاجات اللي قلتلك عليها دي...

تحياتي