مساعدين الماروتي

[beckeryahia]

انا عندي عربية ماروتي المساعدين بتاعتها طرية جدا , فهل ده طبيعي والراجل بتاع العفشة قالي انهم كويسين وان الماروتي مساعدينها طرية كده ؟
وسؤال عن الثبات انا بحس ان العربية هايجة بعد 110 اية السبب..؟

[dr.hazem]

انا عندي عربية ماروتي المساعدين بتاعتها طرية جدا , فهل ده طبيعي والراجل بتاع العفشة قالي انهم كويسين وان الماروتي مساعدينها طرية كده ؟
وسؤال عن الثبات انا بحس ان العربية هايجة بعد 110 اية السبب..؟

هوا انا مش فاهم يعني ايه طرية جدا بس لو تقصد ان العفشه بتحسسك بكل المطبات فده الطبيعي بتاعها وده اللي يتناسب مع وزنها

اما عن بعد ال 110 هقولك انتا قلبك جامد قوي انك اساسا تفكر تمشي بيها فوق ال 110 علاوة على انك تمشيها اساسا
ههههههههههههههههههه

اما عن موضوع هايجه ده فبرضو مش فاهم قصدك لكن انتا ساعتها هتحس انك طاير فوق الريح لان العربية خفيفه قوي والهوا بيخففها اكتر
حاول متزودش عن ال 100 بيها لانها مش ثقيله قوي وكده كده عشان تحافظ على المكنه بتاعتها

وللعلم بالشئ انا مش بقلل من امكانياتها
معانا ناس قفلت عدادها عال 150 وعادي الدنيا فلة بس محتاج طريق يساعدك وتكون العربية محمله عشان تكون راسيه
لكن الموضوع خطر جدا وربنا يستر طريقنا جميعا

تحياتي

[love7amada]

انا بجيب بيها يوميا فوق ال 120 بس بجد قلق جدا العربيه لو داست ع قشره موزه الواحد هيكون ف خبر كااااااان
انا ناوي ان شاء الله مزودش عن 80 احسن الواحد كل يوم بيشوف كارثه مش حادثه

[sab3aawy]

العربية بطبيعتها عفشتها طرية مش رياضية، يعنى مناسبة للطرق الوعرة والمطبات اكثر من كونها مناسبة للجرى

ونظرا لخفة وزن العربية وعفشتها الطريه العربية مش آمنة بعد 100، كفايه عليها 90-100 ومتزودش اكتر من كدة غير لما تكون بتعدى من حد ولفترة قصيرة علشان الأمان