مراكز صيانة السوزوكي

[islamnabil]

السلام عليكم
انا حبيت ان احنا نتشارك مع بعض في اماكن و اسعار مراكز الخدمة لسيارات سوزوكي

ياريت لو كل واحد معاه سوزوكي يقول بيعمل الصيانة فين و ايه اخبار قطع الغيار و المصنعية لكل خدمة

انا امتلك سوزوكي بالينو مانيوال 1998 من اقل من اسبوع و لسه ماعملتش فيها اي حاجة
بس العربية عايزة تظبيطات عادية يعني ظبط الانجكشن و تربيط العفشة و كده

الراجل اللى اشتريت منه العربية قالي على مركز الخدمة اللي كان بيتعامل معاه

هو اسمه مهندس محمد امين و مكانه في شارع مؤنس من شارع الشيخ ريحان خلف وزارة الداخلية

مالك السيارة القديم قالي ان عنده كل حاجة من خدمة و قطع غيار

بس انا الصراحة اول مرة اركب عربية و طبعا ماتعاملتش مع مراكز صيانة قبل كده
فانا عايز اعرف لو حد جرب الراجل ده يقولى ايه اخبارة او لو حد يعرف مراكز خدمة موثوق فيها للسوزوكي و خصوصا البالينو يقول

و ياسلام لو قدرنا نعمل دليل لمراكز الخدمة و اسعار الخدمات و قطع الغيار

جزاكم الله خيرا

[hazem_khidr]

اهلا و سهلا بيك اخي العزيز
بالنسبه لمراكز خدمه سوزوكي فراجع اللينك دا.http://www.nilemotors.net/Nile/showthread.php?t=764
بالنسبه للمركز اللي بتقول عليه جربه مش حتخسر حاجه طالما صاحب العربيه كان بيتعامل معاه و استني برضه رد باقي الاعضاء,
و بما انك من اوائل لناس تمتلك بالينو في المنتدي يا ريت تقولنا انطباعك عنها ايه.
و لو روحت للمركز دا يا ريت تشوف قطع الغيار اسعارها ايه و مدي توافرها و يا تري في استعمال منها ولا لاء؟

[islamnabil]

شكرا اخي حازم على ردك
زي مابقولك العربية لسة ماكملتش معايا اسبوع و دي اول عربية امتلكها
فحكمي عليها ممكن مايكونش موضوعي كفاية
بس على العموم انا متفائل خير و العربية بسم الله ما شاء الله لغاية دلوقتي ماشية معايا زي الفل من حيث السحب و الثبات
و ان شاء الله اروح المركز في اقرب فرصة و احكيلكم على التفاصيل

[mta112]

السلام عليكم
اولا الف مبروك على العربية و ربنا يديك خيرها ويكفيك شرها ان شاء الله
ثانا اما بالنسبه للعربية في ممتازة انا عندي سوزكي بالينو موديل 1997 كنت شاريها من توكيل سوزوكي (مودرن موتورز) و هي معايا اكتر من عشر سنين و العربية بسم الله ما شاء الله شغالة زى الفل ومشتكتش منها لغية دلوقتي .
انا بعمل صيانة العرية عند التوكيل سوزوكي الى فى الدقي و بصراحة الناس هناك محترمة جدا في التعامل و في الصيانة و بالنسبة للمصنعية تعتبر رخيصة عن باقي التوكيلات الأخرى و قطع الغيار متوفر و سعرها معقول .

و اي استفسار انا تحت امرك

[islamnabil]

السلام عليكم
اولا الف مبروك على العربية و ربنا يديك خيرها ويكفيك شرها ان شاء الله
ثانا اما بالنسبه للعربية في ممتازة انا عندي سوزكي بالينو موديل 1997 كنت شاريها من توكيل سوزوكي (مودرن موتورز) و هي معايا اكتر من عشر سنين و العربية بسم الله ما شاء الله شغالة زى الفل ومشتكتش منها لغية دلوقتي .
انا بعمل صيانة العرية عند التوكيل سوزوكي الى فى الدقي و بصراحة الناس هناك محترمة جدا في التعامل و في الصيانة و بالنسبة للمصنعية تعتبر رخيصة عن باقي التوكيلات الأخرى و قطع الغيار متوفر و سعرها معقول .

و اي استفسار انا تحت امرك

شكرا اخي الكريم على ردك
و دي حاجة كويسة جدا انى لقيت حد معاه بالينو في المنتدى
ان شاء الله نقدر نفيد بعض

[memo_bmw]

السلام عليكم
مبروك عليك العربية ويحفظهالك ربنا ويديك خيرها ...
انا كمان معايا بالينو موديل 1999 من سنتين والحمدالله مريحانى جداااااااا ، وملقتش مشاكل فى قطع غيارها الا انها يابانى وطبيعى يكون فى فرق بسيط فى السعر عن باقى الموديلات بس انا بصراحة متعملتش مع مركز الصيانة بتعاعها لحد دلوقتى بس سمعت انه كويس ، اما عن العربية فهى ممتازة وعزم الموتور شديد لانة 16v وانجيكشن بالمقارنة بنفس الفئة دى زى الانسر والانوس والريو ، وانا كونت بدور عليها والحمدالله ربنا وفقنى فى واحدة حالتها ممتازة .

[hazem_khidr]

السلام عليكم
مبروك عليك العربية ويحفظهالك ربنا ويديك خيرها ...
انا كمان معايا بالينو موديل 1999 من سنتين والحمدالله مريحانى جداااااااا ، وملقتش مشاكل فى قطع غيارها الا انها يابانى وطبيعى يكون فى فرق بسيط فى السعر عن باقى الموديلات بس انا بصراحة متعملتش مع مركز الصيانة بتعاعها لحد دلوقتى بس سمعت انه كويس ، اما عن العربية فهى ممتازة وعزم الموتور شديد لانة 16v وانجيكشن بالمقارنة بنفس الفئة دى زى الانسر والانوس والريو ، وانا كونت بدور عليها والحمدالله ربنا وفقنى فى واحدة حالتها ممتازة .

طب ممكن يا ساتاذ ميمو تقول انت بتجيب لها قطع غيار منين؟
و هل قطع غيارها متوفره ولا بتلاقي صعوبه في الحصول عليها

[fayed_fikry]

اخوانى الاعزء ممكن تغيدونى عن العربية دى انامعجب بيها اوى وبردو محتار بنها وبين البرتون ويرا و الفاميلى ومش علرف اعمل ايه بجد ياريت تساعدونى من حيث قطع الغيار عند المحلات العادية متوجدة وولا لازم توكيل جزاكم الله خيرا