مشكلة فى الكهرباء

[emad0000]

العربية عندى ماروتى 2005 كانت بتسخن و عملتها جوان وش سلندر ودة قطع الحرارة تماما بس ظهرت مشكلة ثانية ان عند اضاءة النور الفيران او النور الواطى ا و العالى او عند تشغيل التكيف بلاحظ ان صوت الموتور وطى جدا وان عدد لفاتة قلت
جدا و كذلك سرعة مروحة التبريد على الرتاتير بتقل و مش عارف اية السبب

[josephn]

بيحصل ده عندى برضة

[dr.hazem]

اعتقد المشكله ان الكهربا واطيه شويه
حاول تظبطها
تحياتي

[love7amada]

طيب انا كمان عندي مشكله
انا دلوقتي بحط بنزين 80
البوجيهات متغيره من 4000 كيلو
الابلاتين متغير من 1000 كيلو
فلتر الهو متنضف من 500 كيلو
فلتر البنزين متغير من 4000 كيلو
العربيه لو انا لوحدي بتكون سحبها تحفه
لو اكتر من اتنين بتكون تقيله جدا و ممكن تسقف و لو مطلع بتبقي طلعاه بالعافيه

المشكله فين فهموني؟؟؟؟؟؟

[sab3aawy]

العربية عندى ماروتى 2005 كانت بتسخن و عملتها جوان وش سلندر ودة قطع الحرارة تماما بس ظهرت مشكلة ثانية ان عند اضاءة النور الفيران او النور الواطى ا و العالى او عند تشغيل التكيف بلاحظ ان صوت الموتور وطى جدا وان عدد لفاتة قلت
جدا و كذلك سرعة مروحة التبريد على الرتاتير بتقل و مش عارف اية السبب

على السلانسيه شوية من الكاربراتير واضبط الهواء، كلاهما له مسمار فى الكاربراتير من ناحية الكاربراتير المواجهة للحاجز بين غرفة المحرك وكابينة الركاب ويمكن لف كلا المسمارين باليد بدون ادوات

[sab3aawy]

طيب انا كمان عندي مشكله
انا دلوقتي بحط بنزين 80
البوجيهات متغيره من 4000 كيلو
الابلاتين متغير من 1000 كيلو
فلتر الهو متنضف من 500 كيلو
فلتر البنزين متغير من 4000 كيلو
العربيه لو انا لوحدي بتكون سحبها تحفه
لو اكتر من اتنين بتكون تقيله جدا و ممكن تسقف و لو مطلع بتبقي طلعاه بالعافيه

المشكله فين فهموني؟؟؟؟؟؟

اولا راجع البوجيها، لو لقيت طرف العازل الخزفى لونه اى لون غير الأبيض ارمى البوجيهات وهات غيرها ويفضل ان تكون إن جى كيه ، ممكن جدا تكون البوجيهات جديدة ومتكملش 2000 -3000 كيلو لأنها من نوع ردئ او حتى من نوع جيد لكن مرطبة

لو البوجيهات كويسة آخر السبراتير شوية عن طريق تهوية الصامولة 12 الحاكمة له ثم لفه لمسافة بسيطة جدا(2-3 مللى متر) فى اتجاه عقارب الساعة ثم اعادة ربط الصامولة الحاكمة

[l0new0lf]

بما ان الموضوع ماروتى واحد صديقى عنده مشكله مش عارفين حلها
المشكله بالليل بس و عمرها ما حصلت بالنهار و اكتشفنا ان لها علاقه بالنور
كل ما ينور النور امبير الحراره يعلى تدريجيا و فى خلال 5 دقائق تقريبا بيكون وصل اخره و فى نفس الوقت الموتور فعلا بيسخن جامد و نضطر نركن لغاية ما تهدى او نمشى من غير نور

[aymanay32]

بما ان الموضوع ماروتى واحد صديقى عنده مشكله مش عارفين حلها
المشكله بالليل بس و عمرها ما حصلت بالنهار و اكتشفنا ان لها علاقه بالنور
كل ما ينور النور امبير الحراره يعلى تدريجيا و فى خلال 5 دقائق تقريبا بيكون وصل اخره و فى نفس الوقت الموتور فعلا بيسخن جامد و نضطر نركن لغاية ما تهدى او نمشى من غير نور

ايوه صحيح الموضوع ده عمل فيه ايه
و وصل لغاية فين
انا كنت متابعة و بعدين فصلت من النت فترة طويلة و مش عارف عمل ايه

[l0new0lf]

مش عارفين له حل و سمعنا فتى كتير
بس شكلها كده هنكشف على الضفيره كلها لو معرفناش سبب مقنع

[love7amada]

لو مشكله الواحد داخ عليها كتير يبقي حلها التوكيل منعا للفتي و توفيرا للمال

[LORD.ADeL]

لو مشكله الواحد داخ عليها كتير يبقي حلها التوكيل منعا للفتي و توفيرا للمال

باشاا توكيل جنب حضرتك فى كل مكان
الدقي وفى ابو رواش
زيارة ليهم وهما عندهم الاجهزة خاصه بتعات العربيه وكل شي
يضبطو لك باذن الله منعاااا للفتي والهجص كتير بتاع صنايعيه وفر فلوسك للتوكيل احسن ومعلش حتى اذا كانو
هياخدو منك كتير بس انت تكسب انهم يرجعو لك عربيه زي الاول زيرووووووو واذا فى حاجه لاقدر الله بعد شغلهم تروح ترميها فى وشهم وهما يعلجو المشكل من غير ماتدفه مليم
وربنا يوفقك وباذن الله خير
والله مستعان