تكاليف عمرة الماروتى كام يااجدع شباب

[roaahim]

السلام عليكم يا شباب اخوكم كان معاه 127 ودخلتها فماروتى97 مع دفع فرق بسيط لان العربية رخصتها منتهية والمفروض انه حيروح يعملى شهادات بيانات وانا اكمل الباقى من فحص وتغير ملكية وفالجزء دة ليا سؤال هو كام مصاريف تسجلها فالشهر العقارى وكام الضرايب والتامين السنوى لها وهل لما حيروح يستخرج شهادة البيانات حيدفع الضرايب والمخالفات اللى عليها ل2011 والا ممكن يطلعها من غير مايدفع مخالفات وضرايب لانها منتهية من 2008 مكتوب فالرخصة تصريح مؤقت ملاكى وانا مش عارف ليه تصريح مش رخصة والفحص من 2010 تانيا ودة الاهم العربية صاحبها بيحلف انه عامل لها عمرة ماتور بس العربية فيها صوت تخبيط فالماتور وكذا ميكانيكى قالوه انه مغير طقم شنبر وصوت الخبط مادام بيزيد لما باجى احط رجلى على الدبرياج يبقى محتاجة عمود كرنك يروح مخرطة مع تغير حاجات فالماتور بعيد عن الجزء اللى فوق فكام تكاليف قطع الغيار دى مع فرضية عمرة كاملة انا مرتاح للعربية وناوى اشدها لانها بصراحة عربية خطيرة رغم العيوب اللى باقولكم عليها على راى استاذ السبعاوى تحطها على الحيط تجرى ترميها فحفرة تقب وياريت لو اسعار المروحة وشوية كماليات لانى ناوى اشدها انشالله وجزاكم الله خير

[sab3aawy]

1- مصاريف التسجيل معرفش لكن فى حدود عدة مئات لأن سيارات التمانينات حوالى 100 جنيه وسيارات اوائل الألفنينات بتبقى فى اواخر المئات يعنى 600-700
2- العرف انك تستلم عربيتك برخصة سارية او مدفوع ضرايبها حتى يوم البيع، اى حاجة غير كدة تبقى بالاتفاق بين البائع والمشترى وخصما من ثمن السيارة
3-الضرائب والتأمين السنوى بتاعها زى ال 127 بالظبط ، انا عملت لها ترخيص 3 سنوات دفعت فى المرور كله كله بما فيه التأمين والنماذج وكل حاجة حوالى 800 جنيه لل 3 سنوات، يعنى حوالى 270 جنيه للسنة ضريبة وتأمين ونماذج
4- تصريح مؤقت معناه ان الملف بتاعها تائه بين ادارات المرور، وبصراحة معرفش فىالظروف المنيلة اللى ادارات المرور فيها حاليا دى هيبقىالوضع ايه
4- صوت الخبط معناه ان فيه مشكلة فىالماتور غالبا زى ما الميكانيكية قالوا لك، اما ان البستم واسع علىالشمبر وبيخبط، او سبيكة كرنك واسعة أو بنوز متآكلة، الخ وهو ما سيستلزم فتح الموتور بد فتره، لكن هى عمرتها مش غالية،

لو عايز نصيحتى ، حتى لو هتدفع فرق الراجل يسلمك العربية برخصة سارية لكن متوطش نفسك فى لبخة ورق، الموتور آخره 1000 جنيه يوم م تصرف عليه، لكن الورق والمرور دى قصة غم

[love7amada]

الله ينور يا بشمهندس

[roaahim]

الله يكرمك يا بالشمهندس يبارك فيك