ذراع الاشارة الشمال

[aymanay32]

عندى مشكلة من امس ان ذراع الاشارة الشمال توقف عن العمل بعد انكسار الزجاج الامامى

حيث كنت على الدائرى و بالصدفة انطلقت زلطة ماكرة لتصطدم بالزجاج الامامى و لانى كنت مركبة طبقة واحدة
فكل اللى حصل انه نزل كله مرة واحدة و الصوت كان عامل زى انفجار و تطاير فى وحهى و على ملابسى و داخل ملابسى ايضا و وصل حتى الكنبة الخلفية لانى كنت على الدائرى اقصى اليسار و باقصى سرعة و حدث ما حدث و نزل فى كل حتة
و على الدركسيون و داخل كل شىء
و الحمد لله ان ربنا سترها و خرجت بالسلامة و انى كنت لابس النظارة فلم تحدث اصابات غير بسيطة فى الوجه
و لذلك انصح بعدم تركيب الزجاج طبقة واحدة نهائيا

المهم مطولش عليكم انى بعدها مش بتشتغل معايا الاشارة الشمال اليمين فقط اللى بتشتغل ممكن يكون حصل حاجة لذراع الاشارة و خصوصا انى وجدته نازل لتحت لان قطعة من الزجاج نزلت عليه
و ان اضطريت لتغييرة يتكلف كام






.

[love7amada]

الف حمدلله ع السلامه فعلا بجد زجاج الدوبلكس مفيش
طيب ما تروع لصنايعي يفك الدركسيون الاول و يشوف فيه ايه ؟؟

[aymanay32]

الف حمدلله ع السلامه فعلا بجد زجاج الدوبلكس مفيش
طيب ما تروع لصنايعي يفك الدركسيون الاول و يشوف فيه ايه ؟؟

الله يسلمك بالمناسبة انا ركبت الزجاج عند الحرمين اللى انته قولت عليه

و مشكلتى انى مش فاضى فى الوقت الحالى علشان اروح لصنايعى يبص حتى على الذراع مش يفكه كمان و قدامى اسبوع و لا اثنين و افضى و اروق و اصلحة و نعمل المشوار بتاع المشمع البلاستيك اللى اتفقنا علية قبل الثورة

[dr.hazem]

ألف سلامه عليك يا أستاذ أيمن
ممكن تكون حتة زجاج محشوره فيه
لو عندك بلاور ممكن تجرب تنفه وتنفض الدركسيون كله والعربية بالمره من بقايا الزجاج...
لو مشتغلش غيره وهوا بيتباع عادي ومعتقدش انه غالي...


ربنا يعوض عليك والحمد لله انك بسلامه,,,


تحياتي

[love7amada]

هوا انا اللي قلت ع الحرمين؟؟
انا كنت قلت لحضرتك ع زجاج الحاجه
االحرمين اسمه مش غريب عليا
بس انا لما غيرت بعد الحادثه كان من عن الحاجه اللي ف عين الصره بالاماره و بالنسبه لموضوع المشمع يا ريت و الله و تكون مقابله بالمره لينا كلنا احسن عندي العربيه مبهدله خالص

[love7amada]

هوا انا اللي قلت ع الحرمين؟؟
انا كنت قلت لحضرتك ع زجاج الحاجه
االحرمين اسمه مش غريب عليا
بس انا لما غيرت بعد الحادثه كان من عن الحاجه اللي ف عين الصره بالاماره و بالنسبه لموضوع المشمع يا ريت و الله و تكون مقابله بالمره لينا كلنا احسن عندي العربيه مبهدله خالص

[LORD.ADeL]

ألف سلامه عليك يا أستاذ أيمن
ممكن تكون حتة زجاج محشوره فيه
لو عندك بلاور ممكن تجرب تنفه وتنفض الدركسيون كله والعربية بالمره من بقايا الزجاج...
لو مشتغلش غيره وهوا بيتباع عادي ومعتقدش انه غالي...


ربنا يعوض عليك والحمد لله انك بسلامه,,,


تحياتي

++++++++1
والف سلامه ع حضرتك وقدر الله وماشاء فعل

[josephn]

قدر و لطف

[alking_2006]

الف الف سلامة عليك يا جميل قدر الله و ما شاء فعل
بالنسبة للذراع ممكن يكون فعلا حته زجاج محشورة فيه و مش محتاجة صنايعى

انتا تعالى عند السره بتاعة الكلاكس حط ايد يمين الكلاكس و ايد شمال الكلاكس من ورا و شدا سره الكلاكس على ناحيته هيطلع معاك لأنه على كلبسات

بعد كدا حرك ذراع الأشارة الشمال فوق و تحت و حاول تبص جوا علشان تشوف فيه حاجة محشورة و لا ايه
لو احتجت تفك الدركسيون يبقى هات مفتاح العجل و فك الصامولة اللى ماسكة الدركسيون و هات قلم و علم علامة على الدركسيون قبل ما تخلعه بحيث انك لما ترجع تركبه تانى يدخل فى نفس مكانه (السن فى السن) و انتا لما تفكه هتفهم انا بتكلم على ايه

و يا سلام بقى لو جبت wd40 و اديته بختين و بختين على ذراع الأشارة و بختين على ذراع المساحات

و ابقى طمنى

[aymanay32]

فعلا انا محتاج افك الدركسيون لانه كان بيزيق قبل الموضوع دة و كنت عاوز احط له زيت بس بطل دلوقتى
انا الزجاج جيبته من الحاجة يا اسلام مش الحرمين
الحرمين ده اصلة كان معلق فى دماغى لانى اول مرة غيرت الزجاج الامامى عندة اما الثانية كانت فى الفيوم و الثالثة كانت فى نزلة السمان و الرابعة الحالية فى الحاجة اللى فى شارع فيصل بعد المريوطية
و بالنسبة للبلاور انا جربت الموضوع دة لان العربية كمان كانت عاوزة تتنظف و ملاحظتى ان الذراع ما بيروحش عند الاخر علشان يدى الاشارة الشمال فممكن تكون قطعة زجاج صغيرة دخلت جوة و لصقت بيه علشان كدة الجزء ده لازم يتفك كدة

[aymanay32]

و دى صورة العربية فى شارع فيصل قبل تغيير الزجاج

http://www4.0zz0.com/2011/04/03/23/896640217.jpg

.

[love7amada]

انا كمان كنت مركب عند الحاجه و كان الدوبلكس الاصلي بتاع الماوتي ب 200 جنيه بالتركيب

[aymanay32]

انا كمان كنت مركب عند الحاجه و كان الدوبلكس الاصلي بتاع الماوتي ب 200 جنيه بالتركيب

دا اخد منى 250 جنية مش 200 جنية
بس اللى ملاحظه انه فيه نسبة ضئيلة فامية فى الزجاج اللى ركبهولى

[love7amada]

لا انا كلمتهم ف التليقون قالولي 220 و لما رحت هناك دفعت 200 بس
هوا انا مغير ف الفرع اللي ف عين الصيره مش اللي ف اخر فيصل
بس هوا انت مكنش دوبلكس صح؟؟
لكن اللي ب 250 ده الدوبلكس الجديد

[aymanay32]

انا خلصت المشكلة
و اليكم الخطوات
1- فك الجزء الاسود من التابلوه اللى امام الدركسيون
و ذلك بفك البكرتين اللى فى الجنب اليمين بتوع المروحة و التكييف و زرار التشغيل للمروحة
ثم فك الاربع مسامير اثنين فوق و اثنين تحت مع ملاحظة ان الاثنين اللى فوق يحتاجوا مفك مش طويل قوى علشان ما يعاكسكش
2- فك لقمة الدركسيون و يفضل حبوطك و الجلوس فى الدواسة و ستجد ثلاثة مسامير يمين و ثلاثة شمال بس خلى بالك فيه مسمارين هتلاقيهم شكل بعض احفظ مكانهم علشان دول اللى بيثبتوا اللقمة
ستجد الجزء السفلى سقط و تقوم برفع الجزء العلوى اللى عن الزرار الاحمر بتاع الانتظار
3- وجدت ان زراع الاشارة يتحرك لليمين و عندما احركة على الشمال و لانه بلاستيك و فوق هذا البلاستيك قطعة زجاج صغيرة تمنعه من الذهاب الى اخر المشوار بتاعة
قمت بازالتها بمفك صغير حتى وقعت فى الارض
ثم تم تركيب باقى اللقمة و التابلوه و ارجاعهم كما كانوا
و اشكر كل اللى ساهم و ساعدنى بافكارة و اقتراحاته
ايمن حنفى



.