ايهما افضل السويفت ولا الاكسل

[slow_song]

السادة الخبراء انا معايا فى حدود 24 الى 28 الف
محتار بين السويفت و الاكسل و الاكسنت والاسكودا فيلشيا
مع العلم انى عايز عربية استهلاكها فى البنزين كويس وبتسافر وواسعه
ياريت سرعه الرد

[beshomilan]

السادة الخبراء انا معايا فى حدود 24 الى 28 الف
محتار بين السويفت و الاكسل و الاكسنت والاسكودا فيلشيا
مع العلم انى عايز عربية استهلاكها فى البنزين كويس وبتسافر وواسعه

حضرتك المبلغ ده يجيبلك سويفت اه وعلى 28 وهتكون كويسة
انما يادوبك اكسل 1300 على 28 الف بس مفيهاش كماليات وممكن هاتشباك فى نفس السعر..طبعا بعد الفصال
وسكودا فيليشيا مش هتقل عن 30 الف
انما انسى تماما الاكسنت لانها معدية ال 35 الف

وانا شايف ان السويفت حلوة بس خفيفة اوى بس مش فى وسع الاكسيل طبعا ولا شكلها
والاكسيل عن تجربة ممتازة جدا وقطع غيارها فى الارض ومصنعيات ممتازة جدا وعربية فيها كل اللى تتمناه

[slow_song]

شكرا على رد حضرتك بس السؤال 28000 هيجيبو سويفت فول اوبشن باور و تكيف وسنتر و زجاج كهربه ولا فاضية وبالنسبة للسويفت انا حاببها جدا بس عايز أعرف ماهى مشاكلها من حيث موضوع الثبات- قطع الغيار-المتانة

[beshomilan]

انا تحت امرك فى اى حاجة
السويفت هتيجى كاملة وتمام بالمبلغ ده بس انا بصراحة رايي الاكسيل افضل بمراحل ودى وجهة نظرى المتواضعة ولو ركبت الاتنين هتعرف الفرق الشاسع بينهم
والثبات بتاع السويفت ضايع تماما لانها عاملة زى الورقة اما الاكسيل الثبات محترم لحد 120 ولو بالجنوط هيكون افضل جدا
قطع الغيار متوفره فى السويفت وقريبة جدا من اسعار الاكسيل الرخيصة جدا والمنتشرة بشكل يماثل ال 128
اما المتانة فاتنين مصنعين من ورق معاد تصنيعه بس يمكن احساسى ان السويفت انشف (وده احساس فقط)
اعاده البيع الاكسيل تكسب بمراحل
ربنا يوفقك وتشترى حاجة كويسة بس اهم شىء الحالة الممتازة فى اى عربية
وده موقع تقدر تعرف منه كل الاسعار وتشترى عربيتك منه وانا مشترى عربيتى منه
ContactCars

[slow_song]

ياباشا بجد انا متشكر ليك جدا بس معلش اعذرنى حضرتك فاهم الواحد بيبقى محتار قبل الشراء , النهاردة فيه واحد صحبى قالى متجيب ريجاتا احسن وتكون موديل 88 اوة 89 كاملة , بصراحة مش عارف انتا ايه رايك هل هى احسن من الحاجات اللى انا سألتك عليها ولا ايه

[hamaza81]

نصيحة ماتدخلش في سكة الريجاتا
الريجاتا عربية جميلة جدا وكانت معايا وكانت فوق الممتازة
بس المشكله انك عشان تلاقي ريجاتا كويسة ناااااااااااااااادر

الرينج بتاع السعر بتاعك دا ممكن تجيب بيه اكسل 1300 سي سي
بس اعتقد مافيش فيها باور
احتمال تبقى مكيفه او غير