مرايه الماروتي و الحل النهائي

[love7amada]

كتير مرايتهم الجانبيه اتكسرت و مش عارف يعمل ايه
انا كانت عندي المرايه اليشمال مكسوره و كانت متغيره بواحده معفنه جدا جدا جدا
حتي من القاعده بتعاتها مفيش مقارنه بينها و بين الاصل و المرايه كمان وحشه
رحت كاسر المرايه النهارده
و كان عندي القعده القديمه
رحت ناقل السوسته و الصاموله و كل حاجه من القديمه للجديده و ركبتها كمان ع قاعده القديمه و بقت ممتازه جدا
نيجي للمرايا ان حازم قال ع واحد عن الحريه بيعملها زي الاصليه ب 50 جنيه و ان ف حل تاني انك تحط عليها المرايات الصغيره المقعره
و ده اللي عملته
جبت اتنين ازاز جوا فريم استالس مش استالس كلها و لزقت واحده عليها و الدنيا اختلفت جدا جدا جدا
و التانيه ممكن تلزقها ع مرايه الصالون ع اليمين هتعمل معاك احلي شغل مش عايز اقولك انك هتستغني عن المرايه اليمين و هتعتمد ساعتها ع مرايه الصالون و الشمال انت كده كده لازق واحده و ظابطها
اللي مرايتهم اتكسرت يجربوا موضوع تغيير القاعده و يدخلوا يقولوا رأيهم رجعت اصليه و لا لأ

[dr.hazem]

ياباشا منا قلت قبل كده ان الحل هو نقل القاعده وملهاش حل تاني
هههههههههههههههههههههههههه

وعندي انا ناقل القاعده وشغاله زي الفل برضو
موضوع المرايه المحدبة على مراية الصالون صعب لان المرايه اللي هتتحط حتما ولابد هتكون صغيره ومش هيبان منها حاجه وهتضايقك لو بتسوق بالليل
لو لابد تعمل حاجه ممكن تركب مرايه اكبر في الصالون من الموجوده حاليا

بالنسبه للي عند مول الحريه اعتقد ان المرايه هتقف كده غاليه بس الحق يقال مراية الابعاد احسن 100 مره من المرايات المحدبة اللي بتتلزق خصوصا بالليل
النهار بتبقى حلوة لكن بالليل ربنا يعينك لانها بتصغر العربيات جدا


وكده كده هتظطر انك تدفع تمن المرايه المعفنه وارخص سعر لقيته ليها هو 15 جنيه

وتمن المرايات المحدبه الحجم الصغير الجوز ب 3 جنيه والكبير الجوز ب 5


تحياتي

[dr.hazem]

الحاجه اللي ممكن اضيفها هي لحماية اي مرايه من الكسر

خطوتين
الاولى انك ترخي الصاموله اللي بتربط المرايه شويه بحيث تبقى حركتها معقوله يعني متتقفلش من الهوا وفنفس الوقت تبقى خفيفه عشان لو اي خبطه خدتها يا تفتح يا تقفل بدون كسر

الخطوة التانيه ترشلك رشة دبليو دي على المفصله بتاعتها برضو لتسهيل عملية الفتح والقفل

انا بعد ما جربت ان المرايه اتكسرت مني عملت كده في التانيه وخدت خبطات كتير لكن الحمد لله كانت بتفتح او بتقفل بسهوله فمكنتش بتتكسر وربنا يسترها علينا جميعا


تحياتي

[love7amada]

و الله ما كنت خدت بالي يا دكتور من انك قلتها انا قلت افيد الناس بس
بالنسبه للمرايه الكبيره ف الصالون كانت عندي و فكيتها عشان كبيره وواكله الازاز القدماني و منظر مش تمام
انا ملزقتهاش بس انا حطيتها و بصيت كانت جامده فعلا
لسه بكره هجرب و اقول النتيجه