عايز أعرف مكان بيبيع السوزوكي زن

[bassemali]

السلام عليكم
أصدقائي الأعزاء أخويا عايز يشتري عربيه وأنا رشحتله السوزوكي زن بس عايز معرض بيبعها علشان ينزل يشوفها فياريت لو حد يعرف معرض بيبعها يقولي هو أخويا ساكن في المعادي بس مش شرط يكون في المعادي أي حته بس تكون عنده بضاعه حاضره عشان يشوفها الأول لأنه مايعرفهاش .... وشكرا

[bassemali]

أيه ياجماعه ماحدش رد يعني

[TaoTao]

وكيل سوزوكي شركة مودرن موتورز، مكانهم في الدقي ورا المركز القومي للبحوث (ده مركز الصيانة) وليهم معرض في الدقي برضه في الشارع اللي على ناصيته قسم الدقي أو في المنطقة اللي حواليه مش فاكر بالظبط أنا لمحته هناك

[bassemali]

ألف شكر ياتاج بس أنا سألت توكيل سوزوكي ( السعودي) قالي بطلنا نشتغل فيها مش عارف الكلام ده صح ولا لأ مش عارف هل مودرن موتورز عنده معروضه ولا لأ عشان أخويا عايز يشوفها

[bassemali]

ياجماعه أرجوكم ساعدوني ضروري

[aliabutaleb]

مش العربية الزن دي يا جماعة اللي هي بقت الألتو دلوقتي ولا أنا غلطان؟؟

[bassemali]

أيه ياجماعه ماحدش عارف ألاقيها فين؟

[bassemali]

أيوه ياأبو رقيه هيا الألتو دلوقتي الزن دي الشكل القديم من الألتو

[ramyfawzy]

شوف يا باسم باشا
السوزوكي زن اسمها دلوقتي التو وموديلات 2008 وهيه 800 سي سي وفيه منها فاضية خالص (تعمل في حدود 42 الف) ومكيفة بس (بـ 45 الف) اما الكاملة بـ 48 الف
وفي منها بقى 1100 سي سي كاملة بس بـ 55 الف
ممكن تنزل مدينة نصر هتلاقيها موجودة في شارع الطيران في معرض جولدن تريد او
معرض فرست كار (بعد الحديقة الدولية عند وندرلاند) امتداد عباس العقاد
وكمان عند اوتو سمير ريان (عند نادي المقاولين في الاوتوستراد)
اي خدمة يا مان

رامي (ابو احمد)

[bassemali]

ألف شكر يارامي باشا بس ده معناه أن الزن اللي كانت 1000 سي سي ب 47000 خلاص بح ولا أيه؟

[ramyfawzy]

للاسف الزن خلاص بح من فترة كبيرة
وكمان سمعت انها كانت اصلا موديل 2006 وكانت متخزنة في بعض المعارض وبعدين طلعهوا بكميات كبيرة واتباعت بالسعر اللى انت كاتبه
الالتو الجديدة نزلت موديل 2007 ودلوقتي في منها 2008
على فكرة هيه عربية ممتازة ولذيذه وكمان استهلاك بنزين ممتاز بس هيه هتكون حلوة جوه البلد يعني مش عربية سفر وهلك
قول لاخوك يتفرج عليها يمكن تعجبه
والله المستعان

رامي (ابو احمد)

[عبد الرحمن اسامه]

انا معايا الزن من حوالى بزبت ١١ شهر، و عملت بيها ٢٥٠٠٠ كيلو، و اليكم المفاجئة بسافر بيها كتير جدا، يمكن مرتين او ثلاثه فى الشهر بروح المنصورة.

العربية جميلة جدا، و حمولة جدا جدا، و ثابتة، انا جايبها من سمير ريان السنة الفاتت بس واضح فعلا انها كانت متخزنة، و على فكرى هما هيقولو انها ٣ سلندر و مكتوب فى الرخصة كده، لكن هيا ٤ سلندر، ١٠٠٠ سي سي، انا جايب الكاملة، تكييف + ٢ ازاز كهربا + سنتر، ب٤٧.٥

استهلاك البنزين حوالى ٢٣٠ كيلو فى الصفيحة، العربية كاربياتير مش انجكشن.
العربية مفيهاش حاجة و جميلة جدا، بس متهيألى لو جبت التو جديدة او سبارك يكون احسن.

حد عارف الالتو الجديدج تأفيل هندى بردو ولا يبانى؟

[bassemali]

أسف للتأخير بس الألتو الجديده تأقفيل هندي برضه يا عبدالرحمن والمشكله الكبيره عند أخويا هيا السعر يعني الزن كانت مناسبه من حيث السعر 47000 و 1000 سي سي كامله جميله جدا لكن الألتو 800 سي سي أعتقد انها ضعيفه قوي ولا رأيكم أيه ؟

[ramyfawzy]

على فكرة هيه مش ضعيفة والفرق بينها وبين الزن حوالى 200 سي سي يعني مش الفرق الرهيب
وبعدين السوزوكي طول عمرها بصنع عربيات جامدة وبتستحمل
وامبر دليل على كده الماروتي لحد دلوقتي بينتجوها وممتازة في المشاوير جوه البلد وكمان بره البلد
وبعدين هتدفع 1000 جنيه زيادة على 47000 جنيه وتجيب الكاملة منها
وربنا يوفقك

رامي (ابو احمد)

[bassemali]

ألف شكر يارامي باشا أنا هاقول لأخويا وربنا يقدم مافيه الخير ( الجمله دي حسستني أنه هيخطب مش هيشتري عربيه) ههههههههه