باركولي استلمت السيلاريو

[khaled_k_m2000]

والله ياجماعه اللي خلاني اكتب الموضوع دا حاجتين
اول حاجه اني الحمد لله استلمت العربيه النهارده وعايز افيدكوا زي افادتوني الفتره اللي فاتت دي
وتاني حاجه عايز تعليقاتي عليها

العربيه ماشاء الله تكيفها حلو جدا (تلاجه) على اول درجتين
صوت الكاسيت عالي ونقي جدا
العربيه ثابته جدا وسحبها هايل
الشكل بالنسبه لي هو احلى شكل في فئتها بعد البونتو
وانت قاعد مابتسمعش الا صوت خفيف من بره
التابلوه شيك وفخم وماتحسش ان العربيه صغيره
فولتها ب 60 جنيه واخدت حوال 32 لتر
دي تعليقاتي من اول يوم اما ملاحظاتي
الشنطه ديقه نسبيا
كنت فاكر ان فيها انذار وطلع مفيش
فيها مكان للشاحن بس مافيهاش ولاعه
اخر حاجه هي الشركه اللي قسطت معاها وهي شركة كونتكت
بصراحه شركه ماعندهاش ريحة التنظيم وعندهم مشاكل داخليه كتير وبيحاولوا يشرحوهوا للعميل عشان يعزرهم
بس ماحدش المفروش يكون ليه ذنب في مشاكلهم
بس نفتكرلهم انهم الشركه الوحيده اللي بتقسط اسلامي
والناس هناك ببتعامل باحترام
بس واضح ان الشركه هي اللي بدات تخيب

ادعولي وهاحاول ارفعلكوا صورها قريب

[dr.hazem]

ألف مبروك ياعزيزي وربنا يديك خيرها ويكفيك شرها

تحياتي

[love7amada]

ربنا يباركلك فيها

[YoussefMostafa]

الف الف مبروووووووووك وربنا يباركلك فيها

[HOSSAM99]

السلام عليكم و رحمة الله و بركاته
ألف مبروك
و ربنا يكتب لك فيها خيرا كثيرا

[omar_saad]

السلام عليكم و رحمة الله و بركاته
بارك الله لك في السيارة .
ياريت بس لو تسمح معلومات اخري بخصوص السيارة - مساحة العربية سيلاريو تكفي 5 اشخاص مرتاحين و اللا لا - بعد ما ركبتها - ترشحها ليا اكتر و بلاش اسبرانزا 113 - مع وضع فرق السعر في الاعتبار طبعا - و هل سالت عن قطع الغيار اسعارها ايه ؟ - انت قولت ان العربية ثابتة علي الطريق - بس ده لحد سرعة كام مثلا؟
[marq="3;right;3;scroll"]ارجو الرد للاهمية[/marq]

[mmffor]

الف الف مبروك
انا برشح العربية لكمالياتها و سعرها
انت جبت اي فئة؟

[khaled_k_m2000]

mmffor
omar_saad
HOSSAM99
YoussefMostafa
love7amada
hm414



الله يبارك فيكو جميعا وشكرا على ردودكوا السريعه
بالنسبة للاسئله
مساحة العربية تكفي 5 اشخاص من الحجم المتوسط ولو بتقارن بينها وبين السبيرانزا
هاتكون مقارنه مش في محلها لانك بتقارن صيني بياباني وبعدين انا كنت داخل فيها وصراحه العربيه دي ماحدش شكرلي فيها
خليك في دي احسن وفرق السعر مش كبير انت مش بتشتري عربيه كل يوم واولا واخيرا استخير وتوكل على الله
العربيه ثابته معايا لحد 90 والتكييف على 2 وطبعا ماطلعتش بيها عن كده عشان انا في اول 100 كيلو
قطع غيارها سالت على السوزوكس عموما هو مش غالي ودي بالذات الارخص في فئتها مثلا الفانوس الخلفي هنا في حدود 300 واعرف ان البيكانتو في حدود 500
دا بالنسبه لاستاذ عمر
اما الاستاذ mmffor
فانا جبت الفول مانيوال وفعلا كلامك صحيح هي كمالياتها هايله
ومناسبه جدا لسعرها ومتوقعلها زياده في السعر وانتشار اكتر من البيكانتو

ومتشكر جدا جدا على ردودكوا ومحتاج دعواتكوا عشان ربنا يسترها معايا
واي اسئله او اي حد محتاج حاجه انا تحت امركوا

[eng_yeso]

استاذ خالد بما انك كنت من ملاك السبارك وحاليا من ملاك السيلاريو ؟ فيا ريت كدة تديلنا مقارنة سريعة بينهم من حيث كل شىء ووجهة نظرك انت وانهى احسن يعنى ؟؟

[omar_saad]

شكرا جزيلا يا استاذ خالد
بارك الله لك فيها

[MohssenRashed]

مبروك ياباشا و ربنا يديك خيرها ان شاء الله

[alking_2006]

الف الف مبروك يا باشا و ربنا يكفيك شرها

[khaled_k_m2000]

omar_saad
mohssenrashed
alking_2006

جزاكم الله خيرا جميعا
والله يبارك فيكم جميعا ومحتاج دعواتكم والله

اما بالنسبه للاستاذ eng_yeso
فانا ماكنتش من ملاك سبارك بس انا شغال في منصور واعرف ناس معاها سبارك
بالنسبه لي الشكل في السلاريو احلى بكتير وخصوصا مع الجنوط
دا غير ان السيلارو اوسع من جوه في الكراسي والعكس بالنسبه للشنطه
عوامل الامان طبعا لا تقارن
والصاج في السبارك خفيف قوي واي خبطه تعوجه
واخيرا انت برضو بتقارن ياباني بكوري
ومستورد بتقفيل مصري
والفرق 8 الاف بس
يعني من 56 ل 64
ولو عايز تسال على اي حاجه تخص الاسبارك قولي وانا ممكن اسالك

[karimzoheir]

alf alf mabrook ya basha , so2aly bas estalamtaha ba3d ad eh?men el ta3akod?

[egyptiandiver]

الف مبروووووووووك