اظن بعد النهارده لازم نركب التكييف على آخر الاسبوع ده..

[dr.hazem]

السلام عليكم ورحمة الله وبركاته
يا جماعه باختصار شديد
انا نويت اركب التكييف في العربية لاننا داخلين على صيف حار جدا جدا ورمضان جاي ان شاء الله

ياريت ياجماعه لو في حد عايز يركب نرتب مع بعض ونتوجه سوية خلال الاسبوع ده نركبه مع بعض

كذا مره قلنا هنركبه وميحصلش نصيب لكن معتقدش ان احنا دلوقتي ينفع نتأخر
مين معايا في التركيب؟؟؟
انا هصلي الاستخاره وهدبر المبلغ بتاع التركيب

انا بفضل نركبه عند توكيل ساندن نفسهم
او الاقتراح بتاع اخونا سبعاوي بس يأكدلنا الخبر وناخد خطوة ايجابيه
انا نويت وان شاء الله هنفذ خلال اسبوع

واللي خايف يحمل عالعربية يستحمل بقا هو العذاب والجحيم
النهارده سقت ساعه واحده بس وطلعت البيت بنطلوني من اوله لآخره مبلول والتيشيرت كمان
ربنا يقدرنا ونعمل حاجه كويسه ان شاء الله


تحياتي للجميع

[love7amada]

طيب شوفلي التكلفه كده كام ؟؟ و انا هشوف هقدر ادبرهم و لا لأ

[zaza_lanos]

ياريت تعرفنا التكلفة كام

[dr.hazem]

بالنسبه للتكاليف
لو هتركب كل القطع والكباس استيراد بيتراوح من 1500 الى 2200 بالمصنعيات بكله بس في الحاله دي مفيش ضمان اطلاقا

لو هنركب عند اللي قالنا عليه بشمهندس خالد عمر هيبقى جديد وكل القطع جديده ساندن هيكلف 2650 جنيه ومش عارف موضوع الضمان

لو هنركب عند توكيل ساندن اللي في المعادي هيبقى ب 3200 بضمان سنتين عندهم واعتقد ده افضل خيار بالنسبالي عشان موضوع الضمان


ايه رأيكم؟؟؟
وبشمهندس سبعاوي مستني تأكيدك وياترى اللي تعرفه هيدينا ضمان وبجد انا محتاج الموضوع ضروري ياجماعه


تحياتي

[love7amada]

مش عارف الصراحه طيب شوف انت هتثيت علي ايه و انا هحاول اشوف الحو عندي ف البيت عامل ازاي هيوافقوا و لا هيقلوا يعني هوا الميكروباص كان مكيف

[elpasha1]

سؤال يا جماعة
هى الماروتى تستحمل التكييف والسحب يبقى عامل معاها اية ...اللى اعرف انها 800 cc و3 سلندر

[sniperfox]

اى عربيه تستحمل التكيف بس تجيبو حاجه اوريبه من سعت المحرك واعتقد اكتر حاجه حتكون اوربيه بتاع الدايو ماتيز او شيفورليه سبارك او تويوتا ياريس

[medo_sirion]

الغريبة ان لاقيت فى الرخصة انها 4 سلندر مش 3

[zakiali]

متابع باهتمام هذه التجربة ويريت تعمل تقرير مصور بعد التركيب

[sab3aawy]

انا بإذن الله ناوى اركبه على الأسبوع الجاى عند الراجل اللى انا قلت عليه، هو بيدى ضمان سنة من عنده والقطع كلها جديدة، ميزته بالنسبة لى انى هبقى واقف على الشغل كله لأن موضوع التوكيلات ده بيقلقنى فى اسلوب التعامل بالشوكة والسكينة وحضرتك ويا مستر ومتعرفش ايه اللى بيتعمل فىالعربية، وانا ليا شوية ملاحظات لازم اضمن انها تتنفذ علشان كدة لازم اقف على الشغل، الراجل كان كلامه المبدأى 2750 وممكن نفاصل، وطبعا فيه الخيار التانى بتاع التوكيل وفيه والخيار بتاع الراجل بتاع الفيوم اللى عنده حاجات استيراد وكل واحد له انه يختار السكة اللى يحس انه قلبه ميال لها، عموما لو حد جاى معايا ممكن نروح نعربن الراجل آخر الأسبوع

[hamaza81]

كان نفسي اكون معاكم
بس للأسف الماديات مش متظبطة خالص

ان شاء الله الصيف الجاي

بس اي كان اختياركم، ياريت الموضوع يراعي فيه الضمان
وتابعونا بالتفاصيل الله يباركلكم عشان الواحد يستفيد

[hamaza81]

الغريبة ان لاقيت فى الرخصة انها 4 سلندر مش 3

يا راجل
وانا برخص قلت للموظفة انها 3 سلندر
وكتبت على الملف انها 3 سلندر
ولما الرخصة طلعت لقيها 4 سلندر
رجعتلهم تاني في ساعتها قبل ما استلم النمر
قولتلهم دي 3
راحوا عدلوها بكوريكتور وخلوها 3 وغلفوها تاني

اصلها مسألة مبدأ

[dr.hazem]

انا بإذن الله ناوى اركبه على الأسبوع الجاى عند الراجل اللى انا قلت عليه، هو بيدى ضمان سنة من عنده والقطع كلها جديدة، ميزته بالنسبة لى انى هبقى واقف على الشغل كله لأن موضوع التوكيلات ده بيقلقنى فى اسلوب التعامل بالشوكة والسكينة وحضرتك ويا مستر ومتعرفش ايه اللى بيتعمل فىالعربية، وانا ليا شوية ملاحظات لازم اضمن انها تتنفذ علشان كدة لازم اقف على الشغل، الراجل كان كلامه المبدأى 2750 وممكن نفاصل، وطبعا فيه الخيار التانى بتاع التوكيل وفيه والخيار بتاع الراجل بتاع الفيوم اللى عنده حاجات استيراد وكل واحد له انه يختار السكة اللى يحس انه قلبه ميال لها، عموما لو حد جاى معايا ممكن نروح نعربن الراجل آخر الأسبوع

طالما في ضمان انا معاك وجاهز للعربنه
ياترى امتى ممكن يابشمهندس نعمل الموضوع ده؟؟؟

لان الموضوع بالنسبالي حياة او موت
ههههههههههههههه


تحياتي

[ihabchina]

بقولك اية يا حازم ما تعمل تليفون للتوكيل بتاع ساندن اللى فى المعادى اللى كنا بنتكلم علية انا وانت
وشوف كده الاحوال اية عندهم ولو ينفع نقف على الشغل وبتاخد منهم كام يوم؟

حاجة تانية مهمة جدا. فاكر لما قولتلى انك قريت على النت على موقع هندى ان لازم المروحة تتغير وتبقى اعلى شوية؟
افتكر كده وشوف

احنا فعلا هنتسلق الصيف ده جاى ربنايسترها عليها

[hamaza81]

ممكن في حاجة كمان تتعمل ودي نقدر نعملها كلنا سواء اللي هايركبوا تكييف او اللي مش هايركبوا

في ستيكر عازل حراري - شفاف وليس فامية - بس يكون سعره حنين شوية
لو فكرتوا في الموضوع دا هايفرق كتير باذن الله بعد تركيب التكييف