ارتفاع صوت الموتور عند تشغيل النور العالى

[aymanay32]

مش عارف ليه صوت الموتور بيعلى لما بشغل النور العالى
لاحظت الحكاية دى من كام يوم لما كنت فى منطقة هادئة
و اعتقد ده ممكن يكون سبب لزيادة درجة حرارة السيارة
مش عارف السبب
بس كان فيه واحد مرة بيشتكى من الحكاية دى و مش عارف عمل ايه و السبب طلع فين
حد عنده اى فكرة ليه بيحصل كدة




.

[love7amada]

اه و لو عندنا ار بي ام هتلاقي بيعلي و لو سلامسيه هترج انا مش عارف ايه السبب بس هوا عندي انا كمان و ع فكره الدينامو و البطاريه عندي تمام

[hamaza81]

مش عارف ليه

بس الغريبة اني بحس بالعكس عندي

لما بشغل النور بحس ان صوت الموتور هدي شوية

وكذلك لو المروحة اشتغلت بحسن ان صوت الموتور هدي برضه

[micromoud]

انا عندى بيحصل الموضوع دا وانا لسه بسخن الموتور بحس ان النور بقى حمل عالموتور وهى عالسلانسيه

[aymanay32]

تقريبا فيه حاجة بتخلى العربية تعلى الكهرباء
و يمكن علشان كدة بتنزل كهرباء العربية عالية شوية و احنا بنوطيها
ممكن تكون عدم قدرة من العربية على تحمل حمل زائد

[dr.hazem]

لو اي جزء بيحتاج كهرباء عاليه من الدينامو المفروض اول اما يشتغل يوطي صوت الماتور لانه بيحمل عالدينامو وبالتالي الماتور
طيب الحل ايه؟؟
حاجه من اتنين
اما تعلي الصلانسيه او انك متشغلش الحاجه دي الا لو ماشي في خط طوالي...
مستحيل ان صوت الماتور يعلى لو عليه حمل
المفروض يوطى
ولو العربية كهربتها متأخره المفروض ده يخليها تترعش وتترج


تحياتي

[exact]

مش عارف ليه صوت الموتور بيعلى لما بشغل النور العالى
لاحظت الحكاية دى من كام يوم لما كنت فى منطقة هادئة
و اعتقد ده ممكن يكون سبب لزيادة درجة حرارة السيارة
مش عارف السبب
بس كان فيه واحد مرة بيشتكى من الحكاية دى و مش عارف عمل ايه و السبب طلع فين
حد عنده اى فكرة ليه بيحصل كدة




.

الموضوع ده طبيعي جدا...المفروض الار بي ام يزيد حوالي 50 عند تشغيل اي حمل كهربي زي النور ومروحة الصالون والمكيف او سخان الزجاج الخلفي عشان الدينامو يولد كهربا كافيه والعربية متهداش
كون ان بيحصل تقل فالعربية فده حاجة طبيعية برضه عشان فيه حاجة اسمها تيار عكسي بيتولد جوه الدينامو وده بيخليه يكلبش...كأنه موتور فبيبدأ يقاوم الحركة بعض الشئ

وان كنت لا انصح بالتدخل في ظبط المصنع...ولو كربيراتيرك زي السويفت هتلاقي على الجنب اليمين من العربية دراع بينزل اول اما تقيد النور وده اللي بيعلي العربية شوية اول ما تقيد النور...تعرفه بانك تقف جنب الكربيراتير وتركز قوي على الادرعة وتخلي حد يقيد النور العالي من غير ما يدوس بنزين وتشوف ايه اللي هيتحرك وممكن تظبطه عن طريق المسمار الموجود في طرف الدراع

[aymanay32]

الموضوع ده طبيعي جدا...المفروض الار بي ام يزيد حوالي 50 عند تشغيل اي حمل كهربي زي النور ومروحة الصالون والمكيف او سخان الزجاج الخلفي عشان الدينامو يولد كهربا كافيه والعربية متهداش
كون ان بيحصل تقل فالعربية فده حاجة طبيعية برضه عشان فيه حاجة اسمها تيار عكسي بيتولد جوه الدينامو وده بيخليه يكلبش...كأنه موتور فبيبدأ يقاوم الحركة بعض الشئ

وان كنت لا انصح بالتدخل في ظبط المصنع...ولو كربيراتيرك زي السويفت هتلاقي على الجنب اليمين من العربية دراع بينزل اول اما تقيد النور وده اللي بيعلي العربية شوية اول ما تقيد النور...تعرفه بانك تقف جنب الكربيراتير وتركز قوي على الادرعة وتخلي حد يقيد النور العالي من غير ما يدوس بنزين وتشوف ايه اللي هيتحرك وممكن تظبطه عن طريق المسمار الموجود في طرف الدراع

اشكرك على النصيحة
و جارى تنفيذها



.