الحمد لله بقيت واحد من اهل السوزوكي

[furp]

السلام عليكم

اخواتي الاعزاء

الحمدلله اخيرا بعد تدوير ما يقرب من 5 شهور لف علي عربيات اشتريت سوزوكي سويفت موديل 94 شنطه والحمدلله فابريكه بالكامل وكمان بشدها دلوقتي علشان اريح دماغي منها

بس طبعا هيا مفهاش كماليات ايه رايكم اركب زجاج كهربائي وسنتر وكده ولا بلاش علشان ميقرفنيش في العربيه بعد كده

وايه اهم نصايحكم الغاليه علشان احافظ علي العربيه دي

وربنا يبارك فيكم جميعا

[fahd_628]

الف الف مبروووووووووك

انا رأى بلاش زجاج كهرباء خليك فى سنتر و كدة يبقى تمام

[mohamed ibiza]

زي فهد و حاول تحطلها عتب و اكصدامات فيبر عريضه و جنوط 15 و فرد 195\55 عشان العربية كانت عندنا و ثباتها مش اوي لانها خفيفة موووووووووووووت












Ibiiiiiiiiiiiiiiiiiiiiiiiiiiizzzzzzzzzzzzzzzzzzzzz zaaaaaaaaaaaaaaaaaa For Ever

[Mzeid]

أولاَ 1000 1000 مبروك و ربنا يعطيك خيرها و يكفيك شرها و يبارك لك فيها إن شاء الله ..
ثانياَ اسمع كلا فهد و محمد وركب بس سنتر و جنوط ..
أهم حاجة بقى إنك تنضفها يعني لو فيها خرابيش و لا أي حاجة ادهنها و لو مفيهاش حاجة اغساها عند مغسلة محترمة لأن حتى لو العربية قديمة بس نظيفة هتبقى في عين صاحبها أحسن من مليون فيراري لما تبقى واقفة نظيفة و بتلمع قدامه أما لو حالة الصالون مش قد كدة حاول اظبطها عند أي سروجي يركبلك فرش جديد و ينظفلك الأبواب و التابلوه .. و إن شاء الله تحافظ عليها و تأدي الغرض ..
:):)

[furp]

الف شكر ياجماعه وربنا يبارك فيكم يارب

وإن شاء الله اعمل بنصايحكم كلها لانها نصايح غاليه وتحترم

وبالنسبه للكاوتش هي فيها طقم كاوتش جديد تيوبلس وفيها جنط ياباني اصلي

وانا بشدها دلوقتي وبغير كل حاجه فيها مش مظبوطه بما فيهم الفرش هيا فيها فرش الفابريقه وعليها فرش جلد كويس

وإن شاء الله هركبلها السنتر وهظبط البويه بتاعتها ضمن الشده والله المستعان

والف شكر ليكم ويارب يوفقكم جميعا للخير

[hazem_khidr]

الف الف مبروك و ربنا يحفظهالك\.
94 يعني المفروض ياباني و فيها تكييف اصلي
يا تري جبتها بكام و فين الصور تفرجنا:)
و اي سؤال عن السويفت اسأل و اخوك حازم يرد عليك:)
لانها معايا بقالها فتره و حافظها كويس

[محمد عز]

مبارك عليك ياباشا

[furp]

اخواتي الاعزاء

الف شكر ليكم جميعا وبالاخص استاذ حازم ولكل من شرفني بالرد والف شكر ليكم جميعا

وبالنسبه للعربيه ياستاذ حازم هيا مصري مش ياباني وفاضية مفهاش اي حاجه وانا جبتها ب25.500 بس دلوقتي بشدها بالكامل يعني هتقفل ب28.500 بالسنتر والانزار والجنوط وكل ما فيها

هتتشد بالكامل وإن شاء الله او ماتخلص من الشده هنزلها علي طول وياريت رأيك ياباشا

ويارب اكون وفقت فيها

وياريت بقي ياستاذ حازم نصايحك الغاليه

وشكرا جزيلا لكم جميعا اخواني

[ows212]

100000 مبروك العربية ربنا يديك خيرها ويكفيك شرها

[mo7amed_omara]

1000 مبروووك

[hazem_khidr]

ما شاء الله تمنها كده كويس اوي.
بالنسبه للنصايح فاهم حاجه خلي بالك من السقف بتاعها لان ضعيف جدا و البارومه بتدخله بسهوله.
لو لقيت بارومه عالجها بقصدير مش عند السمكري علشان السقف ما يموجش منك.
قطع الغيار بقي عندك محلات كتير في احمد حلمي و كلها سوزوكي بس جديد و استعمال
دا رقم محل اسمه ميدو 2 في شارع احمد حلمي و المسئول اسمه رامي
25797749 و الموبايل 012480867 عندهم كل حاجه و جديد و استعمال و انا مجربه قبل كده و شاري من عنده بس فاصل معاهم علي خفيف.
خد بالك من الرداغ بتاعها لانه بيبقي تحت الكنبه الخلفيه و لو لقيت العربيه مش بدور في مره تعرف ان العيب منه و تجيب الرداغ بتاعها ما تسمعش كلام اللي يقولك نركب رداغ في سدر العربيه .
لو حتجيب حاجه في العفشه هاتها جديده و اشتري دماغك ما تسمعش كلام اللي يقولك دا استعمال و ياباني و الكلام الفارغ دا العفشه تبقي جديده خصوصا المساعدين و الاسكترا.
و شوف اي حاجه عاوز تعرفها انا تحت امرك:)

[abdelaziz-waleed]

الف مبروك ربنا يعطيك خيرها ويكفيك شرها

[اسلام المصرى]

بسم الله الرحمن الرحيم
ألف مبروك لحضرتك :) ربنا يباركلك فيها و يعطيك خيرها و يبعد عنك شرها.

[furp]

السلام عليكم

اخواتي الاعزاء

الف شكر ليكم جميعا بجد انتم ناس هايلين ومحترمين وبتحبوا الخير لكل الناس ودي من اهم صفات المسلم

وشكرا لكل من رد عليا وزودني بكلمة مبروك وربنا يجعلها في ميزان حسناتكم جميعا

وشكرا لكل شباب ورجال هذا المنتدي وربنا يجعلنا دايما عوننا لبعضنا البعض وربنا يدينا الخير وريبعد عننا اي شر

وشكرا جزيلا

[nav man]

الف مبروك ربنا يباركلك فيها انا من مالكي السويفت من زمان93 عربية موتورها كويس اوى