ياجماعة الله يكرمكم انا محتاااااارة اوي ممكن تساعدوني

[KINGMDAH]

السلام عليكم ورحمة الله وبركاته

ياجماعه انا محتارة انا معايا مبلغ صغير يطلع تقريبا 13 الف

وكنت خلاص بدور على 127 لانها صغيرة وانا لسه بتعلم السواقه بس ناس كتيرة كرهتني فيها هي وال 128 علشان موديلاتهم قديمه

واللي يقول اللي يشتريهم لازم يعمل اشتراك عند الميكانيكي علشان كل شوية هيروحله وانا معنديش حد يودي ويجيب حتى زوجي قالي انا ماليش دعوه بعربيتك لو عطلت لانه مش فاضي يودي عربيته هو

المهم لقيت واحده عارضه عربيتها ماروتي 2008 عامله 9000 كيلو فقط ولسه باكياس المصنع وفابريكه ماعدا البابين الشمال راشين نضافه ده على حسب كلام البنت وعارضاها على 27500 ومش عارفه ده كويس ولا ايه ؟

انا لو ضغطت نفسي ممكن اجمع المبلغ ده بس مش هيبقى معايا ولا مليم بعدها

محتارة جداا اجيب الماروتي دي لاني حاسه انها لقطه ولا اجيب على قد اللي معايا واتعلم فيها وابقى ابيعها بعدين رايكم يهمني جدااا ممكن تفيدوني قبل يوم الجمعه لان صاحبتها قالت انها هتنزل بيها سوق الجمعه لو مرديتش عليها

[ashouhdy]

العربية لقطة !! بنت بيوت ذى ما بنقول و ممكن تظبتى السعر شوية كمان بس حكاية رشة نضافة دى اكيد مش تمام هى ممكن تكون اتخبطت واتسمكرت وبعدين اترشت

[KINGMDAH]

العربية لقطة !! بنت بيوت ذى ما بنقول و ممكن تظبتى السعر شوية كمان بس حكاية رشة نضافة دى اكيد مش تمام هى ممكن تكون اتخبطت واتسمكرت وبعدين اترشت

جزاكم الله خيرا

مش عارفه اشكر حضرتك ازاي على سرعة ردك بس حضرتك كده خوفتني انا سألتها هي اتخبطت قالت لا هي رشه نضافه بس وبعدين السعر اظبطه ازاي يعني تقريبا كده اخدها على كام

وبعدين في حاجه عايزة اسأل عليها هي البنت مش المالك الاول يعني صاحبة العربيه باعتها لمعرض والمعرض باعها لتاجر وهي اشترتها من التاجر وعاها 3 توكيلات او اتنين مش فاكره هل ده هيعمل مشكله ولا عادي


ودي صور العربيه

دي صور العربية الماروتي

[dr.hazem]

السلام عليكم ورحمة الله وبركاته

ياجماعه انا محتارة انا معايا مبلغ صغير يطلع تقريبا 13 الف

وكنت خلاص بدور على 127 لانها صغيرة وانا لسه بتعلم السواقه بس ناس كتيرة كرهتني فيها هي وال 128 علشان موديلاتهم قديمه

واللي يقول اللي يشتريهم لازم يعمل اشتراك عند الميكانيكي علشان كل شوية هيروحله وانا معنديش حد يودي ويجيب حتى زوجي قالي انا ماليش دعوه بعربيتك لو عطلت لانه مش فاضي يودي عربيته هو

المهم لقيت واحده عارضه عربيتها ماروتي 2008 عامله 9000 كيلو فقط ولسه باكياس المصنع وفابريكه ماعدا البابين الشمال راشين نضافه ده على حسب كلام البنت وعارضاها على 27500 ومش عارفه ده كويس ولا ايه ؟

انا لو ضغطت نفسي ممكن اجمع المبلغ ده بس مش هيبقى معايا ولا مليم بعدها

محتارة جداا اجيب الماروتي دي لاني حاسه انها لقطه ولا اجيب على قد اللي معايا واتعلم فيها وابقى ابيعها بعدين رايكم يهمني جدااا ممكن تفيدوني قبل يوم الجمعه لان صاحبتها قالت انها هتنزل بيها سوق الجمعه لو مرديتش عليها

السعر مش لقطه ولا حاجه
انا عربيتي ججبتها من سنه 2007 باكياسها وسنتر وانذار وكاسيت وكانت عامله 10 آلاف وجبتها ب 27 وفبريكا بالكامل

بالسعر ده تجيبي 2007 فبريكا بره وجوه وبالكتير ماشيه 20 ألف

ولو هيا نزلت يوم الجمعه عربيتها مش هتجيبلها اكتر من 24500 عشان البابين المرشوشين

في احد الاخوة هنا عارض عربيته 2007 ومكيفه وفبريكا بره وجوه واخر سعر جاله 27500

ممكن تكلميه وتشوفي العربيه...


تحياتي

[dr.hazem]

وآدي لنك الموضوع

http://www.nilemotors.net/Nile/217045-a.html

تحياتي

[KINGMDAH]

جزاكم الله خيرا اخي hm414 وبارك فيكم

انا بس والله جاهله جدااا في موضوع العربيات والاسعار وكنت فكراها كده لقطه يعني رأي حضرتك احاول معاها على 24500 ولو رضيت يبقى كويس هو ال 24500 ده مناسب ليا جدااا ربنا يكرمك جميعا على سرعة ردودكم ومساعدتكم وهشوف اللينك اللي حضرتك حاطه وربنا ييسر

[ashouhdy]

جزاكم الله خيرا

مش عارفه اشكر حضرتك ازاي على سرعة ردك بس حضرتك كده خوفتني انا سألتها هي اتخبطت قالت لا هي رشه نضافه بس وبعدين السعر اظبطه ازاي يعني تقريبا كده اخدها على كام

وبعدين في حاجه عايزة اسأل عليها هي البنت مش المالك الاول يعني صاحبة العربيه باعتها لمعرض والمعرض باعها لتاجر وهي اشترتها من التاجر وعاها 3 توكيلات او اتنين مش فاكره هل ده هيعمل مشكله ولا عادي


ودي صور العربيه

دي صور العربية الماروتي

يعنى تخلص على 25الف وتبقى كدة كلك كرم :)) شوفى اللينك اللى زميلنا حطة

[KINGMDAH]

طيب انا هحاول معاها وان شاء الله خير ربنا يكرمكم والله انا كان سهل اوي ينضحك عليا وكنت هحس ان كده لقطه وانا شفت اللينك ربنا ييسر

طيب معلش سؤال اخير هو موضوع التوكيلات ده هيعمل مشكله خاصة انا مش من القاهرة ولا ايه

[ashouhdy]

لازم تتأكدى من صحتها و انتى حتسجلى العربية فى المرور برخصة بأسمك بأثبات التوكيلات دى وخلاص على كدة

الفكرة ان الترخيص بأسمك والغتء التوكيلات بيتكلف حوالى الف جنية .... لكن التوكيل ويتسجل فى الشهر العقارى ميكلفش حاجة

وهى بصراحة شكلها بخيلة انها تمشى ب 3 توكيلات عشان مترخصش

[dr.hazem]

انا مبحبش كتر التوكيلات الحقيقه لكن بما انها معرفتك فانتي خدي العربية وسجليها باسمك وانتهى الموضوع...

عموما فعلا السعر بالكتير 25 لان العربية راشه مهما كانت نضافه او غيره ده سعرها لو راشه
لو مكنتش راشه كنت هقولك لاتقل عن 28500 وان 27500 سعر كويس لان العربية يادوبك زي مبتقولي عامله 9000 كيلو

وايا كان في الاول والآخر صلي استخاره وربنا يكتبلك اللي فيه الخير وحنا موجودين وفي الخدمه ان شاء الله


تحياتي

[KINGMDAH]

والله انا موضوع التوكيلات ده قلقني

انا اصلا حاليا مش هيكون معايا المبلغ على بعضه فمش عارفه بقى اجيب ماروتي بردوا بس موديل قديم شويه 97 او 98

على اساس انه هيكون سعرها معايا لاني كده مش معايا حاليا غير في حدود 18 الف ولا اجيب 127 معروضه عليا موديل 87 والميكانيكي اللي جايبها بيقول انها كويسه وان شاء الله متعطلش ب 15500

ولو فكرت ابيع بعد كده مين فيهم تتباع اسرع ومين فيهم اسهل بالنسبه لواحدة مبتدئه في السواقه انا مش عايزاها كتير يعني يادوب اروح شغلي وارجع واودي ابني المدرسه غير كده بفضل الله معانا عربيه زوجي بنروح بيها في كل حته

معلش والله عارفه اني تعبتكم بس ظني فيكم خير لاني فعلا والله محبطه ومش لاقيه حد يساعدني ولا يسأللي حتى

[KINGMDAH]

وايا كان في الاول والآخر صلي استخاره وربنا يكتبلك اللي فيه الخير وحنا موجودين وفي الخدمه ان شاء الله

جزاكم الله خير على الدعاء والمساعده والله ده ظني فيكم ربنا يكرمكم

وعلى فكرة البنت مش معرفتي ولا حاجه انا شفت انها عارضه عربيتها في احد المنتيات فسألتها عليها بس لكن حتى مشفتهاش ولا شفت العربيه

[HOSSAM99]

السلام عليكم
أنا مش عارف حضرتك هاتقبلي الفكره و لا لأ
و هي : أن طالما الماروتي مش متاحه دلوقتي يبقي أدور علي حاجه تانيه ياباني و يكون شكلها مقبول و تكون واسعه شويه و قعدتها مريحه
و بالوصف ده تبقي المازدا 323 مو 1982
عربيه أقتصاديه _ كبيره_ قطع غيارها رخيصه_ عربيه شككلها مقبول_سواقتها تقترب من عربيات موديلات التسعينات_موتورها قوي _ و سعرها نضيفه و لا تحتاج مصاريف ينحصر بين 17 ألف :20 ألف
و أنا عن نفسي 127 عمرها ما ركبت فيها مره و نزلت مرتاح أبدا

[KINGMDAH]

السلام عليكم
أنا مش عارف حضرتك هاتقبلي الفكره و لا لأ
و هي : أن طالما الماروتي مش متاحه دلوقتي يبقي أدور علي حاجه تانيه ياباني و يكون شكلها مقبول و تكون واسعه شويه و قعدتها مريحه
و بالوصف ده تبقي المازدا 323 مو 1982
عربيه أقتصاديه _ كبيره_ قطع غيارها رخيصه_ عربيه شككلها مقبول_سواقتها تقترب من عربيات موديلات التسعينات_موتورها قوي _ و سعرها نضيفه و لا تحتاج مصاريف ينحصر بين 17 ألف :20 ألف
و أنا عن نفسي 127 عمرها ما ركبت فيها مره و نزلت مرتاح أبدا

وعليكم السلام ورحمة الله وبركاته

جزاكم الله خير على المساعده بس انا والله معرفش اصلا العربيه اللي حضرتك بتقول عليها بس لما دورت لقيتها كبيرة اوي وانا زي ماقلت لسه بتعلم السواقه وخوافه كتير ولحد دلوقتي لسه ممشيتش في وسط البلد

علشان كده عايزة اصغر عربيه ممكنه وده اللي خلاني افكر في 127 لانها صغيرة وبردوا فكرت في الماروتي لانها مش اكبر كتير

كمان انا مشاويري مش كتير على قد لمرواح والمجي من المستشفى واني اودي الاولاد المدرسه بس كده يعني لا هسافر بيها ولا هروح مشاوير بعيده

والله انا محتارة فعلا ناس تقول حلوة ال 127 وناس كرهتني فيها وزوجي اخر مازهق مني قاللي نجيب 127 تتعلمي فيها وبعدها بشويه اكون كملت الفلوس وابيعها واجيب حاجه احسن

معلش بس سؤال ايه اللي مش مريح حضرتك في 127

[dr.hazem]

18 ألف تجيبلك ماروتي 99 -2001 وهتكون فبريكا دواخل

وعموما الماروتي عربية ممتازه وابن خالتي معاه 99
وزميلنا هنا كنج معاه 99 وكلهم مبصوطين معاها

من سنه لما كنت بدور على عربية ماروتي رحت لتاجر معرفه وكان عنده ماروتي 2005 راشه بره وقالي يديهاني ب 19 ونص

ايا كان صلي الاستخارة ومتستعجليش والماروتي رأيي مهما كانت هتفضل احسن من انك تجيبي عربية موديلها قديم جدا واعتقد فرق 10 سنين في الموديل بين ال 127 والماروتي هيخلي الماروتي مهما كانت هتكون احسن


تحياتي