عايز أفك تابلوة الماروتى ..

[ehab_11_22]

السلام عليكم ورحمة الله وبركاته

دلوقتى يا جماعة الأزاز الأمامى بتاعى كان أتكسر من مدة ووقع فى الهوايات بتاعة التابلوة

ولما الصيف دخل وهل علينا لما بحاول أشغل المروحة مزيكة حصبلة بتشتغل

فياريت لو حد هنا فك التابلوة يقولى أفكو أزاى ولو حد فكو برة ياريت بردو يقولى فكو بكام وفين

تحياتى
أخوكم أيهاب

[dr.hazem]

الموضوع مش سهل خالص عشان توصل للتلاجه اللي فيها المراوح
فك التابلوه هياخد منك وقت كبير ومتعب ومقرف وفي احتماليه انك تفكه وحاجات كتير متشتغلش...

عموما لو كنت لابد فاعلا

هتفك الكونصوله اللي في النص
وعندك بعد كده 6 مساميسر رابطه التابلوه
3 منهم بين الزجاج والتابلوه متغطيين بقطعه بلاستيك وباين انها سهل تترفع بمفك عاده
واحد جوه درج التابلوه
اتنين كل واحد منهم في طرف التابلوه من ناحية كل باب
قبل كل ده لازم تفك الطاره
ودي هتروح تفصل البطاريه عشان الكلاكس ميقرفكش
هتخلع الوش اللي مكتوب عليه ماروتي بانك تشده جامد من الطرف العلوي وهوا راكب باربع كليبسات

هتلاقي وراه في النص صاموله كبيره هتحتاج عشان تفكها مفتاح عجل صليبه مش بتاع العربية انما صليبه
وهتفكها بتاع لفتين
وتبتدي مرحلة المصارعه مع الطاره عشان تطلعها من مكانها
هتشدها وتخبطها جامد جدا وتفضل ترجرجها لعل وعسى انها تخرج من مكانها فعلا وده فعلا مش سهل
ممكن تستعين بالدبليو دي هيسهل المهمه لكن تأكد انك لازم تخبطها جامد...

الطاره اتحركت من مكانها ناحيتك 100 فل
كمل فك الصاموله وطلع الطاره بس ياريت تعلم مكانها على الترس اللي راكبه عليه بماركر عشان متركبهاش غلط

هتفك ضفاير الكهربا من تحت وتشيل الكاسيت
كده تبقالك لوحة العدادات
هتخلع الزرارين المدورين اللي في الجنب اليمين وهتفك من الفريمه السوده 4 مسامير
هتلاقي الفريمه طلعت في ايدك
كده التابلوه اتفك
وربنا يعينك على فك التلاجه

مش عايز احبطك بس الموضوع في مخاطره ومقرف وحتى لو صنايعي هيعمله هياخد منه وقت وبرضه متقدرش تآمنله

نصيحة طنش وخلي المزيكا شغاله وشوشه وهتلاقي الزجاج اللي جوا اتفتت يا اما روح لحد بتاع كاوتش خليه ينفض في مداخل الهوا من بره العربية وينفضهالك من جوه وان شاء الله تتحل


تحياتي

[ehab_11_22]

طبعا حضرتك مشكور جدا عل الرد

بس الصور الى فوق دى تعبرلك عن أنفعلاتى بالظبط لما كنت بقرا المشاركة بتاعت حضرتك

[ehab_11_22]

لو تسمح بس يا أخش أتش أم
واضح أنك بسم الله ما شاء الله عندك خبرة كويسة

عايز بس أستفسر منك عل حاجة أخيرة

فى أوقات كتير بحس أنى شامم ريحة بنزين وبتبقى قوية جدا وساعت تانية بتروح دا لما بطلع طريق سريع
لاكن لما بكون على الهادى بشم الريحة دى أوى

ممكن تفيدنى برأيك فى الموضوع دا

[dr.hazem]

طبعا حضرتك مشكور جدا عل الرد

بس الصور الى فوق دى تعبرلك عن أنفعلاتى بالظبط لما كنت بقرا المشاركة بتاعت حضرتك

ههههههههههههه
انا عارف وعشان كده قلتلك لا انصح

لو تسمح بس يا أخش أتش أم
واضح أنك بسم الله ما شاء الله عندك خبرة كويسة

عايز بس أستفسر منك عل حاجة أخيرة

فى أوقات كتير بحس أنى شامم ريحة بنزين وبتبقى قوية جدا وساعت تانية بتروح دا لما بطلع طريق سريع
لاكن لما بكون على الهادى بشم الريحة دى أوى

ممكن تفيدنى برأيك فى الموضوع دا

انا معنديش خبره ولا حاجه دنا غلباااااااااااان
بالنسبه لروائح البنزين
اللي انا متأكد منه ان مش المفروض يخشلك ريحة بنزين مطلقا الا في حاله واحده

ان يكون في تسريب من اي مكان

طيب الحل ايه؟؟
اولا
العربية بتعمل معاك كام كيلو في التفويله؟
بتحط بنزين كام؟
متأكد ان الريحه من عندك مش من عربيه جنبك وانت فاتح الهوايات ؟؟؟

طيب في حالة انك متاكد انها من عندك
دور العربية وخلي حد يدوس بنزين
وبص انت تحت العربية هل في تنقيط بنزين؟
افتح الكبوت وخليه يدوس برضو وشوف في تسريب؟؟

وان شاء الله ميكنش في حاجه بس انت تكون بتشم ريحة شكمان حد قدامك ولا جنبك وانت فاتح الهوايات عالوضع اللي بتجيب بيه هوا من بره....


وممكن تكون العمه مش راكبه صح فريحة البنزين بتدخلك

عموما منستعجلش شييك التسريبات وعلى تركيب العمه صح ونشوف الاخبار ايه

تحياتي

[ehab_11_22]

ههههههههههههه
انا عارف وعشان كده قلتلك لا انصح



انا معنديش خبره ولا حاجه دنا غلباااااااااااان
بالنسبه لروائح البنزين
اللي انا متأكد منه ان مش المفروض يخشلك ريحة بنزين مطلقا الا في حاله واحده

ان يكون في تسريب من اي مكان

طيب الحل ايه؟؟
اولا
العربية بتعمل معاك كام كيلو في التفويله؟
بتحط بنزين كام؟
متأكد ان الريحه من عندك مش من عربيه جنبك وانت فاتح الهوايات ؟؟؟

طيب في حالة انك متاكد انها من عندك
دور العربية وخلي حد يدوس بنزين
وبص انت تحت العربية هل في تنقيط بنزين؟
افتح الكبوت وخليه يدوس برضو وشوف في تسريب؟؟

وان شاء الله ميكنش في حاجه بس انت تكون بتشم ريحة شكمان حد قدامك ولا جنبك وانت فاتح الهوايات عالوضع اللي بتجيب بيه هوا من بره....


وممكن تكون العمه مش راكبه صح فريحة البنزين بتدخلك

عموما منستعجلش شييك التسريبات وعلى تركيب العمه صح ونشوف الاخبار ايه

تحياتي

مش عارف أشكرك على ذوقك ولا على سرعة أستجابتك ولا على أية ولا أية

ربنا يباركلك

[ehab_11_22]

أةةة صحيح

بالنسبة للعربية بتعمل كام فى الصفيحة
تقريبا 325 وللعلم أنا بعمل 70 كيلو فى اليوم منهم حوال 25 كيلو فى الزحمة والباقى فى المحور طريق سريع
وبستخدم بنزين 92

[dr.hazem]

نت تقصد في الصفيحه اللي هما ال 20 لتر مش كده؟؟

لو كده فده معدل ممتاز ولا اعتقد بوجود تسريب وهتلاقي غالبا الريحه من بره العربية من عربية تانيه ولا حاجه ومش من عندك....



تحياتي

[ehab_11_22]

نت تقصد في الصفيحه اللي هما ال 20 لتر مش كده؟؟

لو كده فده معدل ممتاز ولا اعتقد بوجود تسريب وهتلاقي غالبا الريحه من بره العربية من عربية تانيه ولا حاجه ومش من عندك....



تحياتي

قصدة 20 لتر فعلا

ومتشكر جدا لحضرتك

بس ياريت تبص على موضوع المياة الخضراء ،،، أستفسار مهم

عشان أنا كتبت لحضرتك مشاركة وياريت ترد عليا عشان لو كدا هاطلع على البنزينة وهاعمل مشكلة

[aymanay32]

بالنسبة لريحة البنزين فى السيارة
داخل كابينة القيادة
عاوزك تبص على خرطوم البنزين اللى ماشى من خلف عمود طارة الدركسيون
قادم مع سلك الايريال نفس الفتحة
الى خلف عمود الدركسيون الى الحوض بتاع العربية عند منتصف الطريق بين الدركسيون و مروحة التهوية
ممكن يكون فيه خرم صغير بيطلع عليك الريحة دى
و اصلا الخرطوم دة انا عاملة موضوع اسمه العلبة دى بتاعة ايه ممكن تدور عليه
و قادم من العلبة البيضاء بجوار زور التنك
انا عربيتى موديل 2009 و فيها الحاجات دى مش عارف انته ماروتى موديل كام
لان الموديلات القديمة مافيهاش الموضوع دة
و ان مكانش كدة اكشف على الخرطوم الكاوتش اللى واصل بين زور التنك و التنك
و ذلك بفك الجزء الشمال الذى يرتكز عليه رف الشنطة




.