ليه المروتى بتترعش جامد ؟؟

[tito2020]

السلام عليكم

الحمد للهخلاص استلمت الماروتى و رخصتها النهارده من مرور الشروق
روحت المشوار ورجعت التجمع تانى بتاع 80 كيلو رايح جاى بعد ما ركنت وجيت اقفل المحرك العربيه وهيا بتبطل بتترعش جامد
فا استغربت دورتها تانى وقفلت برضه رعشه قويه كده

ايه الموضوع ده باه؟؟؟

[ihabchina]

اول ما العربية بتقف من مشوار كبير ارجوك سيب العربية دايرة لحد ما تسمع صوت المروحة وقفت خالص
ساعتها تعرف تبطل . انما لو بطلت فجأة هتلاقيها بترعش جامد جدا كمان

سيبها لحد ما تهدى من السخونة وبعدين بطل العربية

[tito2020]

متشكر جداا للاجابه يعنى موضوع الرعشه ده عشان المروحه كانت شغاله ولاعشان العربيه سخنه؟؟؟
وبعد كده استنى شويه لما اقف بيها حتى لو المروحه مش شغاله؟؟

[ihabchina]

بص يا تيتو فى واحد سواق شرحلى الحوار ده قالى لو انت بتجرى يا برنس ههه ينفع لما تقف بقف مرة واحده ققولتة لا طبعا ههه
قالى تمام يا صاحبى زيك زى العربية الصغيرة بالذات فى اى مشوار طويل تعملة اول ما تركن العربية استنى عليها اقل من نص دقيقة وبعدين بطل العربية قولتة والله نظرية برضة هههه

الرعشة عشان المروحة شغالة واكيد عشان العربية سخنة وهتلاقى امبير الحرارة فى النص تقريبا وبعد ما تركن العربية هتلاقى المروحة لسة شغالة لحد ما تلاقى المؤشر بنزل تدريجى والعربية بتهدى من السخونة كل ده على فكرة مش بياخد نص دقيقة

على فكرة كل الكلام ده فى الصيف بس . انما فى الشتاء مش هتحس بالكلام ده خالص

الحوار ده بيفكرنى بموقف كوميدى جدا لما تنزل رايح مشوار مع اصحابك وانت بس اللى عارف الطريق ولما يكون اصحابك دول واحد معاه نيسان صنى والتانى اوبترا والثالث اوبل فيكترا وكلة ينزل يركب عربية ويدور ويستنى البرنسيسة تسخن بقى هههههههه وياه بقى لما يبقى فى شتا وافتح الشفاط وقولها متحرجانش مع الناس بقى اسخنى خلينا نتحرك الناس مستنيانا وهى ولا معبراك وتسخن على مهلها ههههههههههههه

والناس تدعى عليك وتقولك يالا يا ايهاب اخلللللص بقى طلعت عين ابونا معاك هههههههههه انت وعربيتك

يا سيدى نسيت اقولك الف مبروك وربنا يباركلك فيها ويكفيك شرها

[dr.hazem]

الخلاصه لازم المروحه تكون وقفت لان ساعتها الكهربا بتبقى قليله وده بيخلي العربيه تترعش

تحياتي

[moustafamoussa]

روح التوكيل يظبط الكهرباء ...اللي اعرفة ان الكهرباء بتكون زيادة

[tito2020]

الخلاصه لازم المروحه تكون وقفت لان ساعتها الكهربا بتبقى قليله وده بيخلي العربيه تترعش

تحياتي

روح التوكيل يظبط الكهرباء ...اللي اعرفة ان الكهرباء بتكون زيادة

ايه يا جماعه اللخبطه دى يعنى بتكون الكهرباء قليله واستنى المروحه لما تقف ولا الكهرباء عليا اظبطها فى التوكيل؟؟؟

[dr.hazem]

روح التوكيل يظبط الكهرباء ...اللي اعرفة ان الكهرباء بتكون زيادة

ياعزيزي الكلام ده مش سليم

لو الكهربا قليله العربية بتفضل دايره وتتبرجل جامد
ولو الكهربا قليله جدا ممكن تفضل تتبرجل لمده نص دقيقه بعد اما تشيل المفتاح...
جرب تطفي العربية اول اما المروحه تشتغل واتفرج عاللي هيحصل


صاحب الموضوع...
متطفيش العربية لو المروحه دايره...

تحياتي

[خالد]

اول ما العربية بتقف من مشوار كبير ارجوك سيب العربية دايرة لحد ما تسمع صوت المروحة وقفت خالص
ساعتها تعرف تبطل . انما لو بطلت فجأة هتلاقيها بترعش جامد جدا كمان

سيبها لحد ما تهدى من السخونة وبعدين بطل العربية

كلام مظبوط 100 * 100

[sab3aawy]

الموضوع ده اسمه hot spots وبيحصل بسبب ان المحرك بيكون ساخن جدا بما يودى انه حتى بعد قطع الكهرباء عن البوجيهات تشتعل بعض دفعات الوقود الداخلة للمحرك ذاتيا من سخونة جدران غرف الاحتراق وتخلى المحرك يلف كام لفة زيادة، وهى مسألة ضررها الأساسى هو الضرر النفسى لأن الواحد بيحس ان العربية بتهبل، لكن ليس لها ضرر يذكر على محرك السيارة، وعلاجها هو ترك السيارة لتبرد قليلا وهى دائرة على السلانسيه قبل اطفاء المحرك زى ما كل الشباب قالوا

[tito2020]

متشكر جداا للجميع