استحلفكم بالله العزيز الحكيم ان تردوا علي ضروري جدا

[sameh_74]

الأربعاء 29 جمادى الثانية 1432
ايه رايكم في السوزوكي ساموراي 83 حتي 85 هل هيا كويسة ولا وهل قطع الغير متوفرة وهل تتحمل السفر لمسافات طويلة وهل cc1000 كموتور كويس وهل ثمن 22000 جنية عليها كتير ارجو الرد السريع وهل هي بتستهلك بنزين كتير وهل هي تتحمل الاستعمال وهل تخدم اسرة مكونة من زوج وزوجة وطفلين والاهم هل ممكن ابعها بعد كده ولا اصبر شوية وشوف سوق الفيتارا للعلم انا دخلي علي يادوب ماشي والحمد لله
اقسم بالله لا اعلم اي شيء عن السيارات الاالقليل والقليل جدا جدا
اسال الله عز وجل ايوافقكم جميعا والمسلم مراة اخية والنصح واجب في من طلب النصيحة ولكم جزيل الشكر اخوكمsameh_74

[sniperfox]

والله معنديش فكره عن الموديل ده

[dr.hazem]

معنديش ادنى فكره عنها,,,

تحياتي

[graffittiii]

دي صور للعربية :




من خلال الصور هسال حضرتك سؤال ..
حضرتك شفت عربية زي دي ماشية ف الشارع قبل كده ؟؟..
أكيد لا وده معناه أنها مش منتشرة ولا أنصحك بيها إطلاقا ... خاصة كمان لو دي أول عربية لحضرتك ..

[dr.hazem]

انصحك ياعزيزي تعيد النظر في العربيه دي لانك هتتغلب فيها غالبا

لو انت وزوجتك وطفلين فكر في الماروتي او الكيابرايد هيأدو الغرض وسعرهم كويس وبيمسكو سعرهم


تحياتي

[madyyuri]

معرفش اي حاجة عنها

بس كان لازم ارد علشان الحلفان

[sameh_74]

شكرا لمن رد من السادة المحترمين وارجو الرد من من يعرف هذه السيارة ضروري جدا لاني ارتبط بكلمة
وشكرا جزيل لكم جميعا وجزاكم الله خير الجزاء

[hugan]

مبدا عام
عدم شراء اي عربيه نادره في السوق
وجع قلب في التصليح وعدم وجود قطع غيار
دائما خليك في المضمون

[abogogo]

انا كنت رديت على موضوع مشابة عن نفس العربية
العربية مش وحشة اطلاقا العربية قوية جدا بدليل انها عربية الجيش الهندي والشرطة الهندية قطع الغيار قليلة بس موجودة عند رامي اللي في احمد حلمي وفي قطع غيار ليها مشتركة مع موديلات السوزوكي الشائعه العربية في منها نوعين نوع شاسيه طويل بتكون اكبر شوية في الشنطة ونوع ساشية قصير والقصير الشائع منها ... عربية مجملها حلو ومن العربيات اللى نفسي اقتنيها .. الموديل الجديد منها اسمه سوزوكي جمني
عيوبها ضيقة في الكنبة الخلفية نتيجة وجود كرتيرات العجل الخلفي في الداخل ... التابلوه صغير جدا يكاد يكون غير موجود ... طبعا هي بعدد 2 باب ده بخلاف الباب الخلفي اللى بيكون فيه الاستبن ... طبعا الملافات تتاخد على الحنين
العربية موجودة بس مش بكترة بس احيانا باشوفها يمكن عشان حاتطها في دماغي واي عربية تحطها في دماغك تشوف منها كتير تقريبا موديلات الثمانينات يابانية الصنع اما التسعينات هندية الصنع اما موديلات الالفينات اسمها جمني يعني 80 و90 اسمها ساموراي 2000 اسمها جمني
ارجو ان اكون افدتك وربنا يوفقك ولو احتجت اي معلومة عنها كلمني على الخاص
العربية اللى انت هاتشتريها بتاعة دكتور في 6 اكتوبر لونها ابيض ؟؟

[ahwafy]

السلام عليكم جميعا

أنا للاسف معلوماتي عن العربية دي بسيطة لكن نتاج بحث على النت لأني بقالي فترة بدور على عربية في حدود المبلغ اللي بتقول عليه

المهم نتائج البحث كالاتي:

الاغلبية أجمعت ان العربية حلوة من حيث القوة لكن للاسف الثبات في الضياع بمعنى ان العربية ممكن تقلب على سرعة قليلة في المنحنيات، السرعة قد ايه أو درجة المنحنى قد ايه معنديش فكرة لكن انا اتصور انها عاملة زي الدايهاتسو التيريوس 1 وأظن ديه مشكلة ممكن التغلب عليها اما بتهدئة السرعة أو انك تحط جنوط عريضة
بالنسبة لباقي المواصفات فأظن abogogo رد عليها

أكتر حاجة لفتت انتباهي ان العربية دي منتشرة في الخليج! بيعدلو فيها كتير وممكن تلاقيلها فيديوهات على اليوتيوب

أرجو اني أكون أفدت وعذرا على الرغي

أحمد حمدي

[aymanay32]

الله ينور عليك يا ابو جنة
العربية دى عجبانى انا كمان و شكلها جامد و تستحمل معايا
بس المشكلة عندى العيال و كمان مشكلة البابين و باحس انى نزلت من مستوى الماروتى الى النيفا
لان النيفا اقرب شكل ليها مع اعتبارها اصغر من النيفا

[omskmaher]

معرفش اي حاجة عنها

بس كان لازم ارد علشان الحلفان

+111111111111111111111111111111

[sameh_74]

الخميس 1 رجب 1432
اشكركم جميعا وافادكم الله عز وجل بعلمكم في الدنيا والاخرة واجعله نواه علم الايمان واليقين في حب الله وحب لقائه عز وجل
السؤال الاهم الان هل اشتري ولا لا واي موديل 83 ولا 85 ووافقكم الحفظ الرحيم العفو الكريم في ان نكون من اهل النصح والخير
وشكرا مقدم
معلومه العد الاكبر هو يكون بأذن الله تعالي هو معيار الشراء من عدمه
واخر قولا الحمد لله رب العالمين
وسبحان الله وبحمده اشهدلا اله الا انت استغفرك واتوب اليك

[Dr.Rayyan]

اول مره اسمع عنها
انا اسمع عن الجيمنى بس

[highlink2]

بلاش تشتريها هاتتعب فى تصليحها وفى ركوبها وفى بيعها دا لو عرفت تبيعها ياريت تتجدعن شويه وتجيب فيتارا3باب 1600
سعرها معقول من38 الى 45 الف موديلات97 الى99