ريحة بنزين وأنا سايق

[ehab_11_22]

يا جماعة أنا بقالى مدة بشتكى من ريحة بنزين قوية جدا وأنا سايق ومش بتظهر على طول غير بعد مابسخن العربية وأمشى بيها حوالى 5 أو 6 كيلو

راجعت على كل حاجة وروحت لميكانيكى وقالى أن كلو تمام

وأمبارح بس قابلت جارى هو بيفهم شوية فى العربيات والعادم الى خارج من الشوكمان كان ريحتو نفاذة أوى المهم قالى نبص على البوجيهات

ولقيت واحد فعلا من التلاتة مسود شوية المهم غيرتوو بواحد تانى

فى ملحوظة تانية ... أنا لما بفتح تانك البنزين بعد أى مشوار طويل المفروض بحس بكبس هواء جامد

بقالى مدة أول مابفتح تانك البنزين مبلاقيش الضغط دا

ياريت يا جماعة الى عندو أى معلومة يساعدنى بيها ..

[dr.hazem]

يا جماعة أنا بقالى مدة بشتكى من ريحة بنزين قوية جدا وأنا سايق ومش بتظهر على طول غير بعد مابسخن العربية وأمشى بيها حوالى 5 أو 6 كيلو

راجعت على كل حاجة وروحت لميكانيكى وقالى أن كلو تمام

وأمبارح بس قابلت جارى هو بيفهم شوية فى العربيات والعادم الى خارج من الشوكمان كان ريحتو نفاذة أوى المهم قالى نبص على البوجيهات

ولقيت واحد فعلا من التلاتة مسود شوية المهم غيرتوو بواحد تانى

فى ملحوظة تانية ... أنا لما بفتح تانك البنزين بعد أى مشوار طويل المفروض بحس بكبس هواء جامد

بقالى مدة أول مابفتح تانك البنزين مبلاقيش الضغط دا

ياريت يا جماعة الى عندو أى معلومة يساعدنى بيها ..

اول اما تلاقي بوجيه مهبب ملهاش حل تاني
خليط البنزين والهوا عندك مش مظبوط والبنزين اللي داخل كميته عاليه
ولازم يبان له اعراض زي
اولا هباب عالبوجيهات مش لازم كلها لان العربية لما بتشد البوجيهات بتنظف
ثانيا تحس بخنقه لما العربية تيجي تدور سواءا الصبح وكتير والعربيه سخنه بعد مشوار كأنها بتشرق
ثالثا ريحة البنزين النفاثه من العادم
رابعا استهلاك بنزين عالي

غالبا المشكله عندك مش في مسمار الصلانسيه
انما المسمار الصغير بتاع البنزين هيحتاج يتخفف شويه

وزياده البنزين في الخليط تعمل فعلا ريحة بنزين جوه العربيه
الحاجه التانيه اللي انتا بتقول انها مش موجوده هو وجود تسريب...


بالنسبه للضغط المفروض ميكونش في ضغط والصح انك متحسش بضغط جوه تنكي البنزين
لان ليه ميكانزم تنفيس معينه مش هيحصل الضغط اللي بتقول عليه الا لو كان التنفيس متوقف


تحياتي

[ehab_11_22]

يعنى أنت رأيك أشيك على الكربرتير ولا أعمل أية ؟؟

[dr.hazem]

الكربيراتير سليم ان شاء الله
ظبط خليط الهوا والبنزين مش مظبوط
حاول تفتح مسمار البنزين شويه بحيث يقل كمية البنزين اللي داخله للحريق يا اما روح لحد يظبطلك خليط الهوا والبنزين


تحياتي

[moustafamoussa]

الكربيراتير سليم ان شاء الله
ظبط خليط الهوا والبنزين مش مظبوط
حاول تفتح مسمار البنزين شويه بحيث يقل كمية البنزين اللي داخله للحريق يا اما روح لحد يظبطلك خليط الهوا والبنزين


تحياتي

اعرف ميكانيكي جامد في شبرا ... ش عبد القادر طة - الساحل -شبرا -امام مستشفي الرمد
محمد - 0163897897

[l0new0lf]

مسمار البنزين الى حضرتك بتتكلم عليه الى هو مسمار الهوا
صح؟

[dr.hazem]

مسمار البنزين الى حضرتك بتتكلم عليه الى هو مسمار الهوا
صح؟

لا
مسمار الهوا ده عندنا في الماروتي اللي هو الكبير وده اللي بيتحكم في الصلانسيه
انما مسمار البنزين عندنا مسمار رفيع وبرضو تقدر تلفه بالايد
هحاول اجيبلكم صوره توضح هو مين

وممكن انك تلف المسمار بعدد لفات معينه وبالتالي لو معرفتش تظبطه ترجعه زي ما كان


تحياتي

[dr.hazem]

ادي الصورة
زرار رقم اتنين هو المنشود
اما زرار واحد فهو بتاع الصلانسيه



من طرق ظبط مسمار الهوا
لو الصلانسيه عندك مظبوط
هتقفل المسمار عالاخر وتفتحه تاني لحد اما توصل لأر بي ام من 850 الى 950
وواضح من الطريقه دي انك هتحتاج ار بي ام وده مش عندنا
الطريقه التانيه
عند الناس المتخصصه للكربيراتير
في اجهزة متخصصه بتقيس نسبة ال CO في العادم
المفروض عندنا لو الخليط مظبوط والصلانصيه على 900 ار بي ام المفروض الكربون يكون نسبته من 0.5 - 1.5


وهيا دي طرق الظبط العلميه
طرق الظبط بالاحساس دي نفس الكلام بس انت اللي هتحس ان الصلانصيه كده مظبوط وان العربية مظبوطه وده بالذات لو انت والعربية عشره وعارفها كويس وعارف هيا بتبقى مظبوطه صوتها بيبقى ازاي وكده....




تحياتي

[l0new0lf]

المسمار رقم واحد ده الى بيسند بدال البنزين عشان مينزلش و ده الى بتعلى منه الهربيه و توطيها اكنك بتدوس بنزين و هو ده بتاع السلانسيه
المفروض رقم 2 ده هو مسمار الهوا الا اذا كان فيه مسمار تانى فى الفتحه الى على شمال المسمار رقم 2 هانزل ابص عليها كويس و ارجع لك
لانه عن طريقه انت بتزود او بتقلل نسبه الهوا الى بتتخلط مع البنزين عشان تظبط نسب الخليط
و على فكره انت بتظبط نسب الخليط و بعد كده بتعلى العربيه او توطيها على حسب ال ار بى ام الى انت عايزه
علشان كده المنجد العربى هو بس الى بيظبط مسمار الهوا عن طريق عداد ال ار بى ام

[aymanay32]

ادي الصورة
زرار رقم اتنين هو المنشود
اما زرار واحد فهو بتاع الصلانسيه



من طرق ظبط مسمار الهوا
لو الصلانسيه عندك مظبوط
هتقفل المسمار عالاخر وتفتحه تاني لحد اما توصل لأر بي ام من 850 الى 950
وواضح من الطريقه دي انك هتحتاج ار بي ام وده مش عندنا
الطريقه التانيه
عند الناس المتخصصه للكربيراتير
في اجهزة متخصصه بتقيس نسبة ال co في العادم
المفروض عندنا لو الخليط مظبوط والصلانصيه على 900 ار بي ام المفروض الكربون يكون نسبته من 0.5 - 1.5


وهيا دي طرق الظبط العلميه
طرق الظبط بالاحساس دي نفس الكلام بس انت اللي هتحس ان الصلانصيه كده مظبوط وان العربية مظبوطه وده بالذات لو انت والعربية عشره وعارفها كويس وعارف هيا بتبقى مظبوطه صوتها بيبقى ازاي وكده....




تحياتي

انا معنديش ار بى ام فى العربية

[aymanay32]

انصح بمراجعة الخرطوم اللى خارج من التنك و ماشى داخل السيارة خلف عجلة القيادة و لونة احمر
الخطوات تبدا بفك مسامير الجنب الشمال عند الشنطة و فك الفبرة و متابعته من عند زور التنك

[love7amada]

طيب يا حازم انا كل ما افتح التنك بيكون مكبوس هوا و بيعمل صت تنفيس جامد

[dr.hazem]

طيب يا حازم انا كل ما افتح التنك بيكون مكبوس هوا و بيعمل صت تنفيس جامد

مش عارف بس انا متأكد من ان العربية فيها نظام لتنفيس الضغط ده
اعتقد العلبه اللي متوصله بزور التنك هي المسؤوله عن كده
اللي كان استاذ ايمن صورها
ممكن تفك الفبره اللي ورا وتراجع زي مقال استاذ ايمن

وممكن تراقب الموضوع ممكن مبيحصلش الا لو التنك مليان عالآخر وانت راكن في شمس مثلا
حاول لما تفول متملاش العربية لحد اما البنزين يطلع من الزور للآخر
المفروض تتملي لحد اما المكنه بتاعة البنزينه تقف
لكن محدش في مصر بيعمل كده وعمال المحطات بيستغربو لما اقولهم اول اما تتك متكملش

وكمان حاجه
لما تلاقي المسدس بيتكتك كتير ده غالبا بنزين وحش لان المسدس حساس لو اي حاجه غير البنزين بتتضخ جواه المفروض بيفصل....

[love7amada]

ده ساعات بمون من بنزينات ما يعلم بيها الا ربنا بيفضل يفصل كل ما يشغله و مما يشتغلش الا لو فضل دايس هوا

[dr.hazem]

ده ساعات بمون من بنزينات ما يعلم بيها الا ربنا بيفضل يفصل كل ما يشغله و مما يشتغلش الا لو فضل دايس هوا

لما تيجي تمون قول للراجل يحط المسدس عالسرعه البطيئه
لو المسدس فضل يفصل عالسرعه البطيئه يبقى 100% البنزين فيه حاجه