سؤال لخبراء السويفت

[abobode]

السلام عليكم ورحمة الله وبركاتة
معلش حتعبكم حيث انى محدث نعمة ومالك جديد للسويفت انى بقالى يومين احيانا لما ببطل العربية بتفضل شغالة شوية ومرة اضطريت انى اعشق وادوس فرامل واسيب الدبرياش علشان تبطل فهل دة تقديم كهرباء ولا ممكن سير الكتينة بيقولى فوق وافهم بقى انى عاوز اتغير وشكرا جزيلا لتعاونكم

[hazem_khidr]

اولا الف مبروك السويفت و ربنا يحمهالك:)
المشكله دي مشكله كهربا زايده
روحي للميكانيكي خليه ياخرها شويه

[furp]

السلام عليكم ورحمة الله وبركاتة
معلش حتعبكم حيث انى محدث نعمة ومالك جديد للسويفت انى بقالى يومين احيانا لما ببطل العربية بتفضل شغالة شوية ومرة اضطريت انى اعشق وادوس فرامل واسيب الدبرياش علشان تبطل فهل دة تقديم كهرباء ولا ممكن سير الكتينة بيقولى فوق وافهم بقى انى عاوز اتغير وشكرا جزيلا لتعاونكم

السلام عليكم

اخي العزيز

اولا الف مليون مبروك علي السويفت وان شاء الله تكون مبسوط بيها ومريحاك والعربيه دي جميله وفعلا هتحس انك راكب عربيه جيده

ثانيا معلش اعذرني انا لست من خبراء السويفت انا لسه العربيه برضك معايا مكملتش كام يوم بس اعتقد ان كلام الاستاذ حازم باشا خضر صحيح ميه ميه

وده لانه فاهم قوووووووي في السويفت ولان كمان فعلا دي مظاهر الكهربا الزياده وإن شاء الله حلها بسيط قوي

بس اعملها لان زي مانقص الكهربا بيتعب العربيه برضك زياده الكهربا ممكن يعمل مشاكل

وابقي قلنا عملت ايه

[abobode]

جزاكم الله خيرا ياجماعة والله يبارك فيكم ويحفظكم طمنتونى بس اللى مخوفنى ان الموضوع دة مابيحصلش كل مرةيعنى احيانا بتعملها واحيانا لا وبصيت على الاسبراتير لقيتة ثابت يعنى مابيلفش لوحدة زى حبيبتى الثانية ال128 كانت احيانا الكهربا بتتغير مع كل مطب ومعلش ياعمنا حازم سؤال ليك مين كويس اقدر اركب عندة سنتر وانذار فى طنطا

[nav man]

الف مبروك والاخوة قالوا كل حاجة