العمر الافتراضي للماروتي

[amrfares]

ممكن اعرف العمر الافتراضي للماروتي مع الشغل النضيف والصيانه الدوريه وبعد كدة تفتح بقها زي مبيقولو

[love7amada]

متتابع اووووووي

[amrfares]

وانا كمان مستني الرد من اهل الخبرة

[hamaza81]

ياعم اهتم بعربيتك وحن عليها وخليها على الله

[أبو صلاح]

ياباش في مصر عربيات شغال من الخمسينات

خليها على الله

[aymanay32]

طالما ايدك فى العربية مش هتفتح بقها زى ما بتقول انما الاهمال يخليها تفتح كل شىء عليك مش بقها بس
و الخطوات بسيطة اهتم بالصيانه و خليك حساس مع العربية لو حسيت بحاجة او سمعت صوت غريب ما ططنش و روح للدكتور الميكانيكى على طول

[beckeryahia]

الماروتي عربية ضعيفة مقارنة يتفس الفئه السعرية ,, مش بتعجبني في سواقتها زي الفيورا او ال128 , وضعيفة في المطبات والشد , ماتنفعش مع الطرق الريفية خالص , عايزه شوارع مسفلتة ومافيهاش مطبات , تنفع مع بنت ساكنة في مصر الجديده او شاب جامعي بيروح بيها الجامعة بدل المواصلات او راجل كبير مشاويره لا تزيد عن 5 كيلو في اليوم , لكن انا مثلا شغلي بيتطلب امشي في طرق مكسره وريفية مسافة 100 كيلو يوميا مش نافعة معايا زي الفيورا.

[sab3aawy]

[QUOTE=beckeryahia;3873601109]الماروتي عربية ضعيفة مقارنة يتفس الفئه السعرية ,, مش بتعجبني في سواقتها زي الفيورا او ال128 , وضعيفة في المطبات والشد , ماتنفعش مع الطرق الريفية خالص , عايزه شوارع مسفلتة ومافيهاش مطبات , تنفع مع بنت ساكنة في مصر الجديده او شاب جامعي بيروح بيها الجامعة بدل المواصلات او راجل كبير مشاويره لا تزيد عن 5 كيلو في اليوم , لكن انا مثلا شغلي بيتطلب امشي في طرق مكسره وريفية مسافة 100 كيلو يوميا مش نافعة معايا زي الفيورا.[/QUOTE

على فكرة انا امتلكت ال 128 وال 127 والماروت ولفترات طويلة لكل منهم ، واقدر اقول بكل اطمئنان ان مينفعش نحكم على الماروتى من شكلها الخارجى بدون تجربة امتلاكها، المارونى شاسيهها مش بيفتح زى ال128 ولا بتتقلب مع اقل تغير فى طبوغرافية الطريق زى ال 127 ، ملفاتها مش واسعة زى ال128 ولا حتى ال127، واللى ركب الماروتى عارف ازاى قدرتها المرعبة على المناورة بتديلك امكانيةات حركة غير عادية فى الزحام ،بتجربة الشد ال128 وال127 مينفعش يتقارنوا بيها نهائى فىالتسارع ، انا لما بيكون جنبى حد ب 128 او 127 عايز يغلس مثلا بعتبر انه جاب لنفسه الأذية بمنتهى البساطة،حتى الشاهين بيتمسح بيها الأرض بعد 60 كم ساعة، الماروتى تتقارن باللانوس والأكسنت فى تسارعها، مش ببتدىا اقلق غير لما اسوف جنبى تاكسى فيرنا ناوى يغلس،، اما بالنسبة للمطبات فهى العربية الوخيدة ضمن ال 3 عربيات المذكوين اللى بمشى بيها فى مدقات قريتنا من غير ما اسمع(تريك، زييئ، زوووء، بوم، طاخ...) الى آخر السيمفونيات اللى كنت بسمعها من ال128 وال127 ، بسافر بيها من القاهرة للاسكندرية والساحل الشمالى وبرجع فى نفس اليوم وبصفة متكررة وبدون ادنى مشكلة من اى نوع، لذلك بكرر ان الشكل الخارجى مش هو الفيصل اللى نقدر نحكم بيه على قدرات عربية، الميزة الوحيدة لل 128 عن الماروتى هى ان الاولى واسعة وتشيل اسرة بشكل مستريح، اما ال 127 فمن تجربتى الشخصية مش شايف لها اى ميزة، خاصة بعد ما بقت قطع غيار الماروتى رخيثة ومنتشرة زى العربيات دى

بالنسبة للسؤال الأصلى اعتقد ان 150 الف كيلومتر مع الصيانة الجيدة رقم معقول قبل ما تبتدى طلبات الماروتى تكتر

[dr.hazem]

[QUOTE=sab3aawy;3873601657]

الماروتي عربية ضعيفة مقارنة يتفس الفئه السعرية ,, مش بتعجبني في سواقتها زي الفيورا او ال128 , وضعيفة في المطبات والشد , ماتنفعش مع الطرق الريفية خالص , عايزه شوارع مسفلتة ومافيهاش مطبات , تنفع مع بنت ساكنة في مصر الجديده او شاب جامعي بيروح بيها الجامعة بدل المواصلات او راجل كبير مشاويره لا تزيد عن 5 كيلو في اليوم , لكن انا مثلا شغلي بيتطلب امشي في طرق مكسره وريفية مسافة 100 كيلو يوميا مش نافعة معايا زي الفيورا.[/QUOTE

على فكرة انا امتلكت ال 128 وال 127 والماروت ولفترات طويلة لكل منهم ، واقدر اقول بكل اطمئنان ان مينفعش نحكم على الماروتى من شكلها الخارجى بدون تجربة امتلاكها، المارونى شاسيهها مش بيفتح زى ال128 ولا بتتقلب مع اقل تغير فى طبوغرافية الطريق زى ال 127 ، ملفاتها مش واسعة زى ال128 ولا حتى ال127، واللى ركب الماروتى عارف ازاى قدرتها المرعبة على المناورة بتديلك امكانيةات حركة غير عادية فى الزحام ،بتجربة الشد ال128 وال127 مينفعش يتقارنوا بيها نهائى فىالتسارع ، انا لما بيكون جنبى حد ب 128 او 127 عايز يغلس مثلا بعتبر انه جاب لنفسه الأذية بمنتهى البساطة،حتى الشاهين بيتمسح بيها الأرض بعد 60 كم ساعة، الماروتى تتقارن باللانوس والأكسنت فى تسارعها، مش ببتدىا اقلق غير لما اسوف جنبى تاكسى فيرنا ناوى يغلس،، اما بالنسبة للمطبات فهى العربية الوخيدة ضمن ال 3 عربيات المذكوين اللى بمشى بيها فى مدقات قريتنا من غير ما اسمع(تريك، زييئ، زوووء، بوم، طاخ...) الى آخر السيمفونيات اللى كنت بسمعها من ال128 وال127 ، بسافر بيها من القاهرة للاسكندرية والساحل الشمالى وبرجع فى نفس اليوم وبصفة متكررة وبدون ادنى مشكلة من اى نوع، لذلك بكرر ان الشكل الخارجى مش هو الفيصل اللى نقدر نحكم بيه على قدرات عربية، الميزة الوحيدة لل 128 عن الماروتى هى ان الاولى واسعة وتشيل اسرة بشكل مستريح، اما ال 127 فمن تجربتى الشخصية مش شايف لها اى ميزة، خاصة بعد ما بقت قطع غيار الماروتى رخيثة ومنتشرة زى العربيات دى

بالنسبة للسؤال الأصلى اعتقد ان 150 الف كيلومتر مع الصيانة الجيدة رقم معقول قبل ما تبتدى طلبات الماروتى تكتر

كلام جميل جدا وموزون والحلو ان سبعاوي جرب العربيات دي فعلا
ارفع القبعه...


تحياتي

[khalidawad]

أسلام عليكم
الله يطمنك يا أستاذ سبعاوى
وانا معاك إن الماروتى تأخذ درجه من 10 أعلى من ال127 و ال 128 بالتأكيد

[dolly13]

على فكرة العربية جميلة جدا فى كل الطرق وفعلا قدرتها على المناورة هايلة وفى الطرق المكسرة هاتلاقيها حلوة جدا وده عن تجربة لانى امتلكتها سنتين وكنت بافضل اسافر بيها البلد لان حجمها مابيخلهاش تحك فى المطبات اطلاقا وعفشتها ناعمة و بجد لولا انها بقت صغيرة علية كنت كملت بيها فترة طويلة اوى

[Amr Axel]

بص الموضوع مش موضوع ماروتي و لا رمسيس حتي
طالما انت بتحافظ ع العربية يعني مش بتقرص عليها في الجري و لا مطبات جامد و بتمشي عادي و بتغيرلها الحاجات الدورية يعني مش مخليها محتاجة حاجة هتفضل معاك سنين السنين يمكن كمان تورثها لاحفادك ان شاء الله ههههههه
انما لو انت مثلا بتكبر دماغك و تسيبها فترات و عدم اهتمام طبيعي العربية هتتعب و مش هتقعد و تفضل تدفع ع الفاضي و المليان يعني زي ما بنقول الوقاية خيرا من العلاج
ده بالنسبة الحاجات العادي اما بقي انها تبتدي تفتح بوقها جامد فبعد حوالي 3-4 سنين بالكتير اوي ان شاء الله
العربية مع صاحبي اهله اشتروها اوائل الالفينات لكن محافظين عليها و بعدها ادهاله و جابوا عربية تانية و العربية بسم الله ما شاء الله تقول انها لسه موديل 2010 لأنه مش مخليها محتاجة حاجة

و بالنسبة لرد استاذ \ beckeryahia

انا مستغرب لرد حضرتك اولا الماروتي زي ما استاذ سبعاوي قالك تسارع حلو جدا و جبت بيها 120 ع كوبري اكتوبر بليل بالاضافة انها حلوة جدا في المناورات وسط البلد و ده نظرا لأن حجم العربية و تناسب الموتور معاه
و بالنسبة مقارنة بينها و بين الـ128 و لا 127 الماروتي تكسب في التسارع لكن ال128 و الــ127 اقولك تكسب في قوة الصاج عن الماروتي
اما بالنسبة للشاسيه بالعكس العربية ديه شاسيها مش بيتأثر زي ما حضرتك متصور و ده برده راجع لأن قوة الموتور متناسبة مع قوة الشاسيه
ع عكس مثلا حاجة زي الفيرنا الشاسيه بيفتح عالطول بسبب ان الشاسيه ضعيف و مش متوافق مع قوة الموتور
و انا سافرت بالماروتي اكتر من مرة قبل كده اسكندرية و اسماعيلية و كنا محملين 3 ورا كمان
و العفشة الي حدا ما ضعيفة في المطبات لكن محدش ياخد مطب يعني ع سرعة 30 و يكون محمل ناس هههههه بالنسبة للنقر و الفتحات التي تتميز بها شوارعنا الجميلة فالعربية تمام فيها
بالاضافة كمان ان شغلها مش معقد و اي حد فاهم يشتغل فيها
و طبعا قطع غيار رخيصة و متوافرة اكتر من الــ128 نفسها اللي قطع غيارها في السوبر ماركت ههههههه

و ع فكرة انا مش من مالكي السوزوكي ماروتي عشان محدش يقول بتدافع عنها عشان عربيتك انا معايا التو هههه

و بالتوفيق ان شاء الله

[sh_masry]

هههههه , العربيه دى جميله جدا جدا جدا .... انا بضحك علشان لسه جايب واحده من حوالى اسبوعين و كنت هابيعها و نزلت فعلا اعلان ليها هنا فى الموقع و قلت اكسب فيها الف وللا الف و نص بدل من ركنه الفلوس كده , و بعد ما نزلت الأعلان كنت باسوقها و اعمل بيها مشاويرى , و بعد ما جه واحد علشان يشترى فعلا قلتله انا العربيه عجبتنى و احلوت فى عينى و غيرت رأيى و مش هابيع خلاص ........ العربيه ممتازه فعلا فى المناوره و فى استهلاك البنزين ..... على فكره العربيه اللى معايا موديل 95 و زى الفل و فعلا اساسياتها سليمه ميه فى الميه و كتير كشفوا عليها و قالولى العربيه دى فعلا لقطه ... و الحمد لله ...... يعنى من 95 و العربيه ماشيه تمام التمام و الناس بتشكر فيها , يبقى العربيه عمرها الأفتراضى على حسب استخدامك انت

[meemo]

بصراحة العربية معي من 2009 زيرو الحمد لله زي الفل السنة اللي فاتت سفرت بيها مرسي مطروح وكانت محملة انا ومراتي وابني وبنتي واخت المدام واحنا راجعين محملة اكتر بالهدايا واللب والزيتون وووو وكانت زي الفل الحمد لله لاسخنت ولا اي حاجة وكنت بجيب بيها 120

[dr.hazem]

بصراحة العربية معي من 2009 زيرو الحمد لله زي الفل السنة اللي فاتت سفرت بيها مرسي مطروح وكانت محملة انا ومراتي وابني وبنتي واخت المدام واحنا راجعين محملة اكتر بالهدايا واللب والزيتون وووو وكانت زي الفل الحمد لله لاسخنت ولا اي حاجة وكنت بجيب بيها 120

عاش من سمع صوتك يادكتور

تحياتي