altooooooo

[rere555]

السلام عليكم ورحمة الله وبركاتة
اذيكم ياجماعة انا كنت عايزة اسال علي الالتو وموديلتها واسعارها وايه الموديل اللي يكون اوتوماتيك ومش غالي وايه الوانها وهي مناسبة لبنت ولا تنصحوني بنوع ايه انا كنت بفكر في الشيري ومش لاقية ولا كلمة حلوة عليها ومش عارفة بصراحة احترت

[Amr Axel]

السلام عليكم ورحمة الله وبركاتة
اذيكم ياجماعة انا كنت عايزة اسال علي الالتو وموديلتها واسعارها وايه الموديل اللي يكون اوتوماتيك ومش غالي وايه الوانها وهي مناسبة لبنت ولا تنصحوني بنوع ايه انا كنت بفكر في الشيري ومش لاقية ولا كلمة حلوة عليها ومش عارفة بصراحة احترت

انا مش عارف عايزة جديد و لا مستعمل لكن عامة

اولا اتفضلي ديه مميزات و عيوب الالتو

http://www.nilemotors.net/Nile/224984-a.html

بالنسبة للموديلات من 2009 و انتي نازلة 2008-2007
لأن الالتو اللي نزلت ابتداءا من 2010 و 2011 نزلت تحت اسم سيلاريو و سعرها عالي في الستينات

بالنسبة لموديل 2009 لما كانت زيرو 800 سي سي كانت فاضية بــ45 الف - تكييف فقط 48 الف - فول اوبشنز 52 الف
فمستعمل فاضية مثلا هتكون في التلاتينات و هكذا و بتعتمد ع الحالة
و مفيش منها اوتوماتيك مانيوال بس
و الوانها اسود و ابيض و ازرق و احمر و فضي
و افضل موديل 2008 و 2009 لأنهم الشكل الافضل من اللي قبليه
و هي مناسبة لأي حد تمشي عائلي و شبابي
و طبعا مفيش وجه مقارنة بينها و بين الشيري لأن السوزوكي ياباني و ديه صيني

و لو شايفة سعر الالتو عالي ممكن تجيبي سوزوكي ماروتي و هي زيرو دلوقتي بـ 38 الف و طبعا لو مستعملة سعرها بيقل و يفضل انك تجيبيها موديل حديث
و هي عربية كله بيشكر فيها و هتساعدك لو لسه جديدة في السواقة عشان ابعادها بالاضافة لرخص و توافر قطع غيارها اكتر من الالتو

و ديه مميزات و عيوب الماروتي
http://www.nilemotors.net/Nile/229742-a.html

و بالتوفيق ان شاء الله

[rere555]

شكرا كتييييييييييييير يااستاذ اكسيل بجد معلومات مفيدة جدا وشكرا كتيييييييييييييير

[Abdm]

ذى ما قال أستاذ أكسيل بالضبط مع أضافة رأى الشخصى

لو حضرتك تحبى تركبى زيرو نظرا لعدم وجود الآلتو زيرو الآن أخر موديل كان 2009 لو عرفتى تلاقى ألتو نظيفة أستعمل محترم هتبقى أكيد أحسن لكن ممكن تشترى الماروتى عربية جميلة وحمولة قوى بس زيرو مش مستعمل

لو هتشترى مستعمل يبقى ألتو
لو هتشترى زيرو يبقى ماروتى

والله الموفق والمستعان