كاسيت الماروتى و مشكلة التوكيل

[eslamelsaeed]

السلام عليكم انا هزعكم بكام سؤال كدا
أولا انا الحمد لله أشتريت ماروتى 2011 و روحت التوكيل اعمل صيانه الألف بس كنت عايز اركب كاسيت المهم فى التوكيل قالى مينفعش تركب الكاسيت برا التوكيل عشان العربية او الضفيره هتخرج من الضمان و انا قولتلوا طب اشترى الكاسيت و السماعات من برا و انت تركبهم قالى لا لازم تشترى الكاسيت من هنا فا دى حاجة ضيقتنى خصوصا انى عايز اشترى كاسيت من برا التوكيل عشان النوع الى عندهم مش عاجينى و فى نفس الوقت مش عايز اركبوا بره عشان مخرجش من الضمان و يتركب بطريقة نضيفة و فى مكانو و ما اضطرش اقص فى التابلوة الحته الى جنب الساعه و كمان عشان السماعات تركب ورا على الرف من غير ما اعمل رف خشب كل شوية يقع مع المطبات انا مش عارف اعمل اه يا ريت حد ينصحنى و شكرا انا طولت عليكم

[adelmof40]

السلام عليكم انا هزعكم بكام سؤال كدا


أولا انا الحمد لله أشتريت ماروتى 2011 و روحت التوكيل اعمل صيانه الألف بس كنت عايز اركب كاسيت المهم فى التوكيل قالى مينفعش تركب الكاسيت برا التوكيل عشان العربية او الضفيره هتخرج من الضمان و انا قولتلوا طب اشترى الكاسيت و السماعات من برا و انت تركبهم قالى لا لازم تشترى الكاسيت من هنا فا دى حاجة ضيقتنى خصوصا انى عايز اشترى كاسيت من برا التوكيل عشان النوع الى عندهم مش عاجينى و فى نفس الوقت مش عايز اركبوا بره عشان مخرجش من الضمان و يتركب بطريقة نضيفة و فى مكانو و ما اضطرش اقص فى التابلوة الحته الى جنب الساعه و كمان عشان السماعات تركب ورا على الرف من غير ما اعمل رف خشب كل شوية يقع مع المطبات انا مش عارف اعمل اه يا ريت حد ينصحنى و شكرا انا طولت عليكم

ايه التعنت الفارغ ده
هو كل اللي عليه يقولك البوار والامبير المسموح به
وانت تشتري اللي يتوافق
معاهم ويركبوا
لكن ايه اللي لازم تشتري من عندهم ادخل كلم شخص مسئول محترم
ايه ده
معقوله هذه العقليات

[dr.hazem]

باشا
اصلا لو كنت تعرف انك لو هتركب كاسيت غير ابو بكرتين بتاعهم هيركبوه في مكان الهوايتين الاماميتين
وبالتالي لو حبيت تركب تكييف مش هينفع!!

نصيحة ليكك ركبه بره وطنش ام التوكيل الزباله ده


تحياتي

[eslamelsaeed]

انا دخات اتكلمت مع واحد و قلتلوا انا مش عايز اشترى الكاسيت بتاعكوا و انتوا مش هتركبوا الكاسيت الى هجيبوا فا انا مضطر اركبوا بره بس مش عايز الضفيرة تخرج من الضمان قالى مش مشكلة ركبوا بره و احنا مش هنخرج حاجة من الضمان متقلقش الحمد للة انا كدا هروح اركب الكاسيت برة و انا مطمن متشكر يا رجالة و الحمد للة المشكلة اتحلت

[Amr Axel]

لا ده تهريج
ركب برة و سيبك من كلامهم مع ان ده اساسا ميطلعش من الضمان و حتي لو الضمان هو الضمان بيعمل ايه اساسا و لا ليه لازمة اسم فقط
اتوكل ع الله و ركب برة

[YahiaAshraf]

يا باشا دول عالم نصابه و اللكاسيت اللى عاوز تشتريه ده بتاع العربيه اصلا هم لما بتجلهم البضاعه يشيلوا الكاسيت و يبيعوه كماليات

[hamaza81]

يا باشا دول عالم نصابه و اللكاسيت اللى عاوز تشتريه ده بتاع العربيه اصلا هم لما بتجلهم البضاعه يشيلوا الكاسيت و يبيعوه كماليات

إحقاقا للحق - العربية بتنزل من بلدها من غير كاسيت وهم مرة واحدة عملوها وركبوا كاسيت وانذار وسنتر في موديل 2010 بس كاسيت صني طبعا

[ehab_11_22]

أتوكل على الله وركب

بس نصيحة متجيبش سماعات كبيرة

عشان لما تيجى تفتح فى الرف اللى ورا لو السماعات كبيرة هتبقى حمل على الرف ومع الوقت هتلاقى الرف أتنى منك وهايخنقك

بالتوفيق أن شاء الله

[hossamoda]

السلام عليكم انا هزعكم بكام سؤال كدا
أولا انا الحمد لله أشتريت ماروتى 2011 و روحت التوكيل اعمل صيانه الألف بس كنت عايز اركب كاسيت المهم فى التوكيل قالى مينفعش تركب الكاسيت برا التوكيل عشان العربية او الضفيره هتخرج من الضمان و انا قولتلوا طب اشترى الكاسيت و السماعات من برا و انت تركبهم قالى لا لازم تشترى الكاسيت من هنا فا دى حاجة ضيقتنى خصوصا انى عايز اشترى كاسيت من برا التوكيل عشان النوع الى عندهم مش عاجينى و فى نفس الوقت مش عايز اركبوا بره عشان مخرجش من الضمان و يتركب بطريقة نضيفة و فى مكانو و ما اضطرش اقص فى التابلوة الحته الى جنب الساعه و كمان عشان السماعات تركب ورا على الرف من غير ما اعمل رف خشب كل شوية يقع مع المطبات انا مش عارف اعمل اه يا ريت حد ينصحنى و شكرا انا طولت عليكم

عن تجربة سابقة انا عربيتى موديل 2010 وروحت سألتهم من سنة فاتت قالى لا عادى لو عايز تركبه بره مش مشكلة . دى اول نقطة انما بقى تانى نقطة ان مافيش حاجه اسمها ضمان قولى انت كدا يعنى ايه ضمان انا كل 5000 او 10000 بروحلهم للصيانه بيغيروا زيت وكمان طقم الكهرباء وياخدوا مصنعية مبالغ فيها باستثناء طبعا الالف الاولى مش بياخدو مصنعية لانها مجانا انما بعد كدا مافيش حاجه اسمها ضمان . النقطة الثالثة بقى والاهم انك لما تجيب الكاسيت هاييجى مكان الكاسيت القديم بس اكبر طبعا الصنايعيى هايقولك هاشيل الساعه قوله لا ماتشيلهاش وخليه جنبها هايقولك مش هاينفع قوله لا هاينفع هايبقى طالع بره سنة صغيرة كدا مش مهم بس تحافظ على الساعه ولما تركب ماحدش هايلاحظها ده اللى انا عملته ولو خايف على الضفيرة هى مش قصة كبيرة ولا حاجه ولو انت فى شبرا ممكن اوصفلك واحد فى الخلفاوى استاذ فى الكاسيت الملحوظة الاهم والاهم وماتغلطش الغلطة اللى انا غلطتها انك ماتغيرش السماعات اللى فى العربية لازم تتغير لانها ضعيفة جدا كل ده لو العربية اصلا فيها كاسيت قديم.

[meemo]

ياسيدي الفاضل انا عربتي 2009 ونفس القصة بالظبط حصلت معي بنفس التفاصيل جبت كاسيت بايونير وانا راجع اجازة وانا بعمل صيانة ال5000 خدت الكاسيت والسماعات مباشرة ورحت واديتهم الكاسيت والكاسيت ركب مكان الفتحات بتاعت التكيف اللي فوق الساعة وخدو تركيب كاسيت وسماعات مصنعية 100 جنيه
بصي ياسيدي روح توكيل ابورواش واسال علي استاذ عبد الجواد والرجل بصراحة محترم ومش بيعقد المسائل
بس انا في عندي مشكلة في مكان الكاسيت انه بيلم تراب مش ممكن وده مش بيخلي الس دي يطلع ويخليه يعلق واضطر اروح اعمل تنطيف للكاسيت في توكيل بايونير ب30 جنيه

[mrghost]

انا قصيت المكان اللى جنب الساعه وركبت كاسيت اللى هو راديو وفلاشه فقط والعربيه موديل 2010 ومن ساعه ماجبناها ومرحناش التوكيل نهائى واى شغل بعمله بره بصراحه