بالله عليكم ساعدونى

[satoabdo]

انا عندى عربية سوزكة التو 2008 800 سى سى وكنت عايز اسافر بيها شرم الشيخ وناس كتير قالولى مش حينفع فانا كنت عايز اعرف حينفع ولا لا ولو ينفع اعمل اية علشان اسافر وانا متطمن وشكرا ليكم للاهتمام

[shshmoh]

لو محافظ على الصيانه الدوريه للعربية
و بتعمل مراجعه كويس على السوائل و العربية قبل الرحله
توكل على الله

[Amr Axel]

لا العربية تستحمل ان شاء الله
اهم حاجة تكون بس بتعملها صيانة و مش مخليها محتاجة حاجة

و قبل ما تسافر اعمل الآتي
- تتأكد ان وظايف العربية شغالة تمام مفيهاش مشكلة ( يعني الدوارة طقم الكهربا و الفرامل و دبرياج و الفتيس و العفشة ) و اتأكد ان السيور تمام لو لسه مغيرها زي سير الكاتينة و الدينامو يبقي خلاص عادي كده
يعني تشوف كل وظايف العربية

و بعد ده اعمل الآتي :
- غير زيت الموتور و شوف زيت الفتيس و الفرامل لو محتاجين يتزودوا

- شوف القربة و الريداتير و نضف فلتر الهوا

- اكشف ع العجل كله بالاستبن و ظبط ضغطه

و يفضل لو نيتروحين لأنه بيحافظ ع ضغط العجل في درجات الحرارة المختلفة بس لو مش عايز عادي مفيش مشاكل الهوا حلو برده في الحر ههههه
و شيك ع الكوريك و مفتاح الربط

- راجع كل الانوار في عربيتك تكون شغالة عشان لو الدنيا ليلت

-فول بنزين

- خد معاك جيركن فيه بنزين احتياطي

- جيركن مية


و شوف الموضوع ده لو معاك بعض الحاجات ديه هتفيدك زي منفاخ الهوا او المثلث العاكس او شنطة الاسعافات.....الخ....ألخ

http://www.nilemotors.net/Nile/195073-a.html

و اخيرا اي حاجة للحماية الشخصية تكون في جيبك طول الوقت سواء طبنجة او الكترك شوك او حتي شومة اي حاجة تحمي بيها نفسك تكون معاك
و تخلي بالك من اي شخص تشك فيه و متفكرش تنزل من عربيتك ابدااا لأي حاجة تحصل او تشوفها متنزلش الا في حالة الضرورة القصوي اللي هي لا مفر منها بس كده

اتمني مكونش نسيت حاجة

و اتوكل ع الله و سافر

و تروح و ترجع بالسلامة ان شاء الله :)

[Amr Axel]

و ديه برده تكون عارفها احتياطي لأي حاجة

http://www.nilemotors.net/Nile/222390-a.html

[adelmof40]

و ديه برده تكون عارفها احتياطي لأي حاجة

http://www.nilemotors.net/nile/222390-a.html

خالص تحياتي لك اكسيل علي هذا الدعم الرائع للقسم ومساعدة الاخرين
وانا من اشد المتابعين لموضوعاتك القيمة

[Amr Axel]

[quote=adelmof40;3873644068]

خالص تحياتي لك اكسيل علي هذا الدعم الرائع للقسم ومساعدة الاخرين
وانا من اشد المتابعين لموضوعاتك القيمة

[/quote

شكرايا استاذ عادل و ديه حاجة بسيطة و الله
طالما في ايدي افيد غيري يبقي حرام عليا لو امتنعت عن الافادة

قال رسول الله صلي الله عليه و سلم : " من استطاع ان ينفع اخاه فليفعل"
"خير الناس انفعهم للناس"

[satoabdo]

بارك الله فيك والله يا اكسيل فعلا خير الناس انفعهم للناس وربنا يجعلة فى ميزان حسناتك