محتاج رايكم ومساعدتكم

[becatcho]

انا يا جماعه بفكر اشتري ماروتي باذن الله لان زي مانتوا عارفين العربيات بقت نار كمان عشان قطع الغيار وتوفير البنزين بس انا ليا سؤال انا شغلي يبعد عن بيتي 60 كيلو بروح خمس ايام في الاسبوع تفتكروا الماروتي تستحمل معايا ولا هتجيب جاز بسرعة وياريت لو حد يعرف سعرها دلؤتي كام بالظبط يقولي

[إبراهيم المصرى]

على حد علمى 38000 بس فكر فى اللادا 2107 ب 45 و1600 هتستحمل معاك عربية بتاعت شغل
وربنا يوفقك فى اللى فيه الخير
ومتنساش الاستخارة

[becatcho]

الادا معرفش والله بس بحسها خشنه اوي ومقرفه ومفيش حد عمرك تشوفه بيشكر فيها ابدا

[becatcho]

كمان افتكر ان الماروتي موفره اكتر بكتير من الادا

[becatcho]

بعدين افتكر كمان الادا الي 45 الف دي مصري مش الروسي

[dr.hazem]

ياباشا يعني 120 كيلو يوميا
ايه المشكله
انا بعمل بمعدل يومي عالاقل 80 كيلو يوميا ومفيش مشاكل ولله الحمد و120 كيلو مش حاجه عالعربية طالما صياناتها الدوريه هتتعمل في وقتها وكل حاجه تتم متابعتها اول باول


تحياتي

[becatcho]

معلش بعد اذنك انتا معاك موديل كام وايه اخبارها معاك؟

[dr.hazem]

معلش بعد اذنك انتا معاك موديل كام وايه اخبارها معاك؟

انا معايا موديل 2007
والحمد لله كافياني شر المواصلات والقرف
الحمد لله



انصحك بيها وتوكل على الله وربنا يكتبلك كل خير ان شاء الله
تحياتي

[becatcho]

طيب في الاربع سنين دول عملت معاك مشاكل كبيرة ولا كله اي كلام

[Amr Axel]

اتمني الموضوع ده يفيدك

http://www.nilemotors.net/Nile/229742-a.html

و اقولك توكل ع الله و جيبها ع الاقل هترحمك من ذل و هانة المواصلات و تروح و تيجي في اي وقت براحتك او تحب تشتري حاجة تشيلها و تنقلها في العربية و هكذا

و بالتوفيق ان شاء الله

[hamaza81]

العربية بسم الله ماشاء الله تروح بيها اي مشوار وتسافر بيها أي حتة مش هاتقولك لا
بس انت تتابع صيانتها كويس وهي عمرها ما هتكسفك

بس عشان متقولش ماحدش قالك
العربية خفيفة ومش بتاعة جري
يعني 100 أو 110 آخرك عشان تعرف تتحكم في العربية كويس وتحافظ على الموتور

[becatcho]

كدا كدا حضرتك عارف مفيش اصلا طرق في مصر تقدر تجري عليها اكتر من كدا انا محتاجها عشان شغلي وكمان لو عوزت انزل انا ومراتي وابني نشتري اي حاجة لاني بتبهدل عشان اشتري اي حاجة ده غير ذل التاكسيات والقرف الي حضرتك اكيد عارفه انا والله فكرت كتير فيها لان هي مناسبه لامكانياتي وكمان لقيت ناس هنا كاتبه انهم ركبوا ليها تكييف كدا تبقى 100 100 ومش ناقصها حاجة مع اني شفت موضوع التكييف ده بيفكوا العربيه كلها مش عارف ده يخرجها بره ضمانها ولا ايه؟

[hamaza81]

كدا كدا حضرتك عارف مفيش اصلا طرق في مصر تقدر تجري عليها اكتر من كدا انا محتاجها عشان شغلي وكمان لو عوزت انزل انا ومراتي وابني نشتري اي حاجة لاني بتبهدل عشان اشتري اي حاجة ده غير ذل التاكسيات والقرف الي حضرتك اكيد عارفه انا والله فكرت كتير فيها لان هي مناسبه لامكانياتي وكمان لقيت ناس هنا كاتبه انهم ركبوا ليها تكييف كدا تبقى 100 100 ومش ناقصها حاجة مع اني شفت موضوع التكييف ده بيفكوا العربيه كلها مش عارف ده يخرجها بره ضمانها ولا ايه؟

أنا بفضل الله لسة مركب تكييف من كام يوم في توكيل ساندن المعادي
بس مافكيتش التابلوه بالكامل زي ما الزملاء عملوا

أما بالنسبة لموضوع الضمان
أعتقد بنسبة كبيرة إن تركيب التكييف يخرج العربية من الضمان
لكن انت لو هاتشتريها زيرو وبتفكر تركب تكييف
يبقى إمشي بيها الأول 10000 كم وتابع صيانتهم في التوكيل
عشان لاقدر الله لو في عيب صناعة أو أي حاجة تستفيد بالضمان

وربنا يوفقك للي فيه الخير

[becatcho]

مبروك على التكييف بس عمل معاك كام وشغال تمام ولا ايه؟