اخيرا استلمت العربيه من العمره

[Italiano81]

ما حدش ادانى رايه فى الاسعار ده
عموما انا اشتريت حاجتين جداد وقولت اقول اسعارهم
1- فانوس اشاره شمال 25 ج
2- مقوى اضاءه 25 ج
3 - بطاريه المانى 350 ج + القديمه

[Amr Axel]

ده حضرتك عملت عمرة كاملة بطقم الكهربا بكله كنت جبت موتور افضل :)
و فيه حاجات سعرها اعلي حاجات بسيطة بالنسبة للأسعار اللي اعرفها او سمعتها
بس ليا استفسار حضرتك كتبت انك صرفت فوق الــ3000 جنيه و كل اللي حضرتك كاتبه بالبطارية بكله لا يتعدي 2000 جنيه ؟؟!!
و بالنسبة موضوع سينسور المروحة و كل دقيقة بتشتغل مع انه مش داخل دماغي من الراجل ده بس حضرتك تابع و شوف الكلام ده صح و لا لأ متخدش كلمة من واحد و تمشي عليها لازم تتابع بنفسك و تروح لغيره و تتأكد

[Italiano81]

بوص يا باشا الحاجات الى فوق ديه ضيف عليها 610 خراطه وزيوت مصنعيته ال 3000 دول غير البطاريه

[Italiano81]

بلنسبه للسينسور الميكانيكى قالى كده لان البطاريه باظت عنده فا بدل ما يقول ان البطاريه باظت قالى على الفيلم ده

[love7amada]

عاجبني انا موضوع الاعار ده بس هيا حلوه لو شنبر و لا نص عمره لكن فعلا بدل كل ده الواحد يجيبلها ماتور ماتمدش فيه ايد افضل
بس بجد مشاركاتك ممتازه
اه نوع البطاريه ايه ؟؟
و كام امبير ؟؟
و عندك الكاوتش اخباره ايه؟؟ عشان لو هتغيره قريب كمان كام شهر اغيره معاك يمكن الراجل ينزلنا لو سوا

[Italiano81]

اسلام باشا ايه اخبارك
كل سنه وانت طيب
البطاريه فارتا المانى وجيبتها امبارح من غطاطى و هى 40 امبير بس لما روحتيلو مرديش ينزل عن 360 الكوتش انا هاجيب اوريب لانى ماشى من غير استبن لانه ضرب بس لما الظروف تسمح عشان صرفت كتير الشهر الى فات بس عموما فيه واحد فى العمرانيه سالته بلصدفه وكان عنده جود يير اندونيسى بي 230

[love7amada]

اسلام باشا ايه اخبارك
كل سنه وانت طيب
البطاريه فارتا المانى وجيبتها امبارح من غطاطى و هى 40 امبير بس لما روحتيلو مرديش ينزل عن 360 الكوتش انا هاجيب اوريب لانى ماشى من غير استبن لانه ضرب بس لما الظروف تسمح عشان صرفت كتير الشهر الى فات بس عموما فيه واحد فى العمرانيه سالته بلصدفه وكان عنده جود يير اندونيسى بي 230

و انت طيب يا باشا
كويسه البطاريه ما شاء الله ربنا يباركلك فيها
الكاوتش شايف ان 230 كتير ع جوددبير ده كان ف ناس بتقول 175
عموما ممكن عشان الصيف ف الاسعار رافعه هستني للشتاء ف نصه كده و اشوف
هوا انت عربيتك موديل كام و عامله كام كيلو

[Italiano81]

عربيتى موديل 2000 وعامله 108 الف كيلو