عايز رايكم بصراحه

[arc_adham]

السلام عليكم
بافكر اشترى عربيه ماروتى و ناس كتير خوفونى منها
اتمنى منكم تقولوا رايكم ايه هل اشتريها و لا لا ؟؟
و هل تستحمل سفر و لا لا ؟؟
و ايه مشاكلها و اخبار قطع غيارها و الاهم هل ينفع اركب لها تكيف ؟؟؟؟
و شكرا

[Amr Axel]

العربية عملية و بتستحمل سفر بالرغم ان موتورها صغير لكن عربية حمالة و بتعيش
و ملهاش مشاكل غير ان حجمها صغير و مش نازلة بكماليات يعني انت تجيب تركب
قطع الغيار متوافرة و بشدة و رخيصة جداااا

و بالنسبة التكييف اتفضل الموضوع ده
http://www.nilemotors.net/Nile/216353-a.html

و ديه مميزات و عيوب الماروتي

http://www.nilemotors.net/Nile/229742-a.html

بس للأسف المشكلة الوحيدة اللي فيها دلوقتي
ان الوكيل رفع السعر اووي بقت فاضية 39 الف و فيه عضو معانا قال انهم منزلين عرض العربية فيها كماليات ب41 الف تقريبا


و بالتوفيق ان شاء الله

[arc_adham]

طيب يعنى اتوكل على الله
طيب
سمعت انها فاضيه ب 39 الف ؟؟

طب مافيش مكان بتتباع فيه تكون كامله بدل ما العب فيها انا و اركب انا الحاجه

[Amr Axel]

مانا قولتلك فاضية بــ39 الف و فيه عرض في التوكيل تشتريها فيها بعض الكماليات زي كاسيت و سماعات و فرش جلد و انذار و سنتر لوك و غطا بــ40100 الف
و ده موضوع العضو اللي قال ع العرض اللي منزله التوكيل

http://www.nilemotors.net/Nile/238403-2011.html

[arc_adham]

شكرا لاهتمامك و ان شاء الله ربنا يقدم الى فيه الخير

[arc_adham]

كنت اتمنى ان باقى الاعضاء يقولوه رايهم

خصوصا فى موضوع التكيف لان الموضوع ده قلقنى جدااااااااااااااااا

فى واحد قالى انى لو ركبته هاعمل عمره للماتور ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Amr Axel]

hm414 مركبه و قال ان الحمد لله مفيش اي مشاكل و مش مأثر ع العربية زي ما الناس متخيلة
و اسأله بنفسك و هو يفيدك في الموضوع لأنه اول مجرب :)

[love7amada]

انا كمان ناوي اركبه
دوس يا معلم و هاتها و لو تعرف تجيبها كسر زيرو يبقي وفرت حلو جدا
يعني 2011 و عامله 5000 و لا 7000 هتكون سعرها ارحم من ضربه ال 39

[arc_adham]

منين اجيبها كسر زيرو ؟؟

[arc_adham]

و هل فعلا التكميف مش هاياثر ؟؟؟؟؟؟؟؟؟؟؟؟؟؟ على الموتور

[arc_adham]

اتمنى رد من اللى ركبوه لها تكيف
لان محتاج اخد قرار

[love7amada]

دور ع كونتاكت كارز و مصراوي و اكيد هتلاقي حد بيبعها و حالتها كويسه؟
انا جبتها عامله 5800 كيلو ب 29000 و مفيهاش خدش و فيها فرش و راكب كاسيت بيونييرز و سماعات كينوود

[hamaza81]

أنا لسة مركب تكييف قريب
وما أقدرش أقولك هل بيأثر على عمر الموتور واللا لا لإنه يادوب لسة بقاله 3000 كم
لكن لحد دلوقتي الامور ماشية كويس الحمد لله
أنا صراحة في الأول ماكنش في دماغي موضوع التكييف
عشان كدة اشتريت الماروتي زيرو
لكن مع الوقت حسيت إنه لابد منه
وأنا مش ناوي أبيع العربية أو أغيرها في الوقت الحالي
فركبت التكييف
بالنسبة لحالته هو في النهار كويس جدا للكرسيين اللي قدام
بالليل بيسقع العربية كلها وبيخليها تلاجة
تأثيرة على السحب زيه زي أي عربية بتشغل فيها التكييف
السحب بيقل شوية لكن مش بتبقى كساح يعني

بص
نصيحة من الآخر
عايز تركب عربية مكيفة أشتريها تكون نازلة مكيفة من بلدها
يعني بثمن الماروتي زيرو ممكن تشتري هيونداي إكسيل أو أكسنت مستعملة وممكن تستلقط دايو لانوس
وتكون حالتها حلوة وتكون أصلا بتنزل مكيفة
إنما تشتري ماروتي زيرو وتركبلها تكييف ما انصحكش
الواحد بيشتري العربية زيرو عشان يريح دماغه ويعمل صيانتها في التوكيل
وتركيب التكييف بيخرج العربية من الضمان
وأعتقد لازم يبقى إيدك في العربية بعديها على طول عشان تتابع كل حاجة من سيور وفلاتر وصيانات

[arc_adham]

الحمد للهو شكرا للتصحيه
كده واضح انى هابعد عنها خالص

[sab3aawy]

انا فى رأيي اللى مامعاهوش فلوس يركب زيرو، المستعمل ده للأغنياء
انا بعد ما طلع اكتاف اهلى فى المستعمل قررت ان الزيرو مفيش اجدع منه حتى ولو ماروتى، العربية انا جبتها زيرو وعامل بيها 43 ألف كيلومتر فى 3 سنوات منهم 10 آلاف كيلومتر بعد تركيب التكييف، وبدون ادنى مشكلة والحمد لله وبسافر بيها الى اقصى الأرض،والمستهلكات كلها عبارة عن بنزين وزيوت وسيور وبوجيهات وابلاتين وتيل فرامل امامى ، حتى فلتر البنزين بتاع الفابريكة وكوندنسر الفابريكة لسة ماشى بيهم، ومية التبريد بتاعت الفبريكة غيرتها فقط لما ركبت التكييف، ولو رجع بيا الزمن هكرر نفس التجربة تانى، العربية الزيرو بتبقى عارف تاريخها بالمسمار، لكن العربية المستعملة بعد ما تشتريها كل كام يوم تكتشف فيها مصيبة شكل متدارية ، حتى لو خليت شيخ الصانيعية بتعا العربيات يكشف لك عليها مافيش فايدة، وتلاقى نفسك عمال تكع، وتصرف، وتكع، وتصرف، وتكع ، وتصرف، لحد ما تصرف نظر عن ركوب العربيات خالص