اخر كلام فى تكيف الماروتى

[arc_adham]

مساء الخير
ان شاء الله هاشترى ماروتى
بس بحثت و لقيت تضارب فى الاراء بخصوص التكيف

ناس تقول ينفع و ناس تقول الموتور هايخرب لا قدر الله

ياريت اللى مركب تكيف لها يقول رايه بصراحه و شكرا

[Amr Axel]

بص يا ريس سيبك من الناس اللي بتقول و تفتي من غير ما يشوفوا او يجربوا بنفسهم سواء اجابتهم اه او لأ
و زي مقولتلك في الموضوع التاني اسأل hm414 هو مركب التكييف في الماروتي

[dr.hazem]

http://www.nilemotors.net/Nile/216353-a.html

انا كملت 10 آلاف كيلو وانا مركب التكييف
لو انت هتمشي في شوارع مزحمة ولن تزيد سرعتك عن 30 متركبهوش لانك مش هتستفاد جامد
انما لو الطرق اللي هتمشي فيها كويسه هيبقى تمام التمام ومش هتحس انك دفعت جنيه فحاجه ملهاش لازمه
تكلفة التركيب بالنسبالي كان 2700 جنيه شامله كل القطع جديده لنج وبضمان سنه

موضوع اللي يقولك الماتور يخرب قوله مكنتش نزلت في الهند اللي جوها اصعب مننا بتكييفها...



للاسف انا حاليا بره مصر ولا كنت وريتهولك عالطبيعه


تحياتي

[emad0000]

انا عربيتى مارورتى 2005 مركب لها تكيف من ساعة ما استلمتها و عاملة دلوقتى 150000 كيلو و العربية تمام و الحمداللة بس لما تركب تكيف حاول تغير مروحة الردياتير بمروحة سرعتها اشد و الريش تكون اعرض من الاصلية وكلة هيبقى تمام ( مروحة الهوندا سيفيك )

[arc_adham]

شكرا استاذ hm 414

ياريت حضرتك توضح ليه فى الزحمه مش هايكون كويس

و منين التكيف و العنوان

و شكرا جدا لك

[arc_adham]

شكرا استاذ emad

طمنتينى جداااااااااااااااااااااااااااااااااااااااا

و اتمنى حضرتك تقولى العنوان بتاع التكيف و اسعاره ايه

و شكرا جداااااااااااااااااااااااا

[dr.hazem]

شكرا استاذ hm 414

ياريت حضرتك توضح ليه فى الزحمه مش هايكون كويس

و منين التكيف و العنوان

و شكرا جدا لك

زي كل العربيات الموجوده
كفاءة التكييف بتعتمد بشكل كبير على تبادل الحرارة بين السربنتينه والهواء المحيط
في الزحمة الشديده بيكون الهواء المحيط اسخن من السربنتينه اصلا ولا يتم تبادل الحراره وبالتالي كفاءة التكييف بتقل جامد

طبعا ده فكل العربيات
يبقى انه في الحاله دي قدرة التكييف ستعتمد بشكل كلي على الكباس وهتحط عليه حمل مضاعف
فلو الماتور من فئه عاليه ممكن يكون كافي لاستمرارية التبريد بالشكل المناسب
انما الماروتي بماتورها الصغير متتوقعش منها في الزحام الشديد (واقصد بيه الزحام الذي يتوقف معه الزمان وتكون واقف ومبتمشيش) فمتتوقعش انها هتكيفك في الظروف دي
بل على العكس هتلاقي مؤشر الحرارة علي ولو انت من النوع اللي قلبك ضعيف هتتخض وتطفيه في حين لو سبته هو مش هيعلى عن الحد المسموح بيه

ايا كان لو انت مش من النوع اللي بتفهم في العربيات وبتعرف تتصرف وتعمل صيانات بنفسك وكده فمنصحكش تركبه لانك مش هتعرف تتعامل مع الموضوع
اما لو انت دايس في العربيات فبقولك ركبه وانت متطمن لان عالاقل هضمن ان عينك متابعه مؤشر الحراره باستمرار...



تحياتي

[arc_adham]

يعنى طالما مش عارف كويس فى العربيات حضرتك شايف بلاش منه ؟؟

[hamaza81]

ايا كان لو انت مش من النوع اللي بتفهم في العربيات وبتعرف تتصرف وتعمل صيانات بنفسك وكده فمنصحكش تركبه لانك مش هتعرف تتعامل مع الموضوع
اما لو انت دايس في العربيات فبقولك ركبه وانت متطمن لان عالاقل هضمن ان عينك متابعه مؤشر الحراره باستمرار...

الراجل دا جابلك من الآخر
وبرضه عشان فعلا العربية لما بتبقى زيرو وتعطل منك لأي سبب هاتحس ان الدنيا كلها سودة وهاتكره نفسك وهاتكره العربية

[sab3aawy]

انا ايضا عامل 10 آلاف كيلومتر بالتكييف وأؤكد على كل كلمة قالها د. حازم ، التكييف للماروتى مفيد لو كان جزء من طريقك بتتحرك فيه على سرعات اعلى من الأول، لكن لو كل حركتك فى الزحام مش هتكسب من التكييف حاجة، و عموما العربية الماروتى سهلة الصيانة بس لازم تكون عندك خلفية عن السيارات

[aymanay32]

انا عربيتى مارورتى 2005 مركب لها تكيف من ساعة ما استلمتها و عاملة دلوقتى 150000 كيلو و العربية تمام و الحمداللة بس لما تركب تكيف حاول تغير مروحة الردياتير بمروحة سرعتها اشد و الريش تكون اعرض من الاصلية وكلة هيبقى تمام ( مروحة الهوندا سيفيك )

جزاك الله خيرا

طمنتنى
.