هل تغيير الزيت خارج التوكيل يؤثر على الضمان ؟

[Dr_Smart]

انا عملت صيانة ال 30 بدري على 27 الف وغيرت زيت موبيل 1

بس انا مابحبش اسيبه 10 الاف كيلو .. بفضل اغيره على 8

وحاليا انا عامل 35 الف كيلو .. هل ممكن اغير الزيت والفلتر بره التوكيل وخلاص ؟

عشان الموضوع مش مستاهل مشوار للتوكيل وفي نفس الوقت صعب اسيب الزيت لغاية صيانة ال40

هل تغيير الزيت بره التوكيل يؤثر على الضمان ؟؟؟

مع العلم اني هبقى اغيره تاني في التوكيل في صيانة ال 40 يعني مالهمش حاجه عندي

[Amr Axel]

شئ كويس انك تحافظ ع الموتور بس لو غيرت ع 9 او 10 مش هتحصل حاجة المهم بس تبص من وقت للتاني ع لزوجة الزيت
لأن ممكن قبل الــ10 الاف اللزوجة تروح فتابع من وقت للتاني

بالنسبة موضوع ايه اللي يطلع العربية من الضمان و ايه ميطلعش بيبقي ع حسب التوكيل و ممكن تلاقي اتنين قالولك كلام مختلف في نفس التوكيل هههههه

فتغيير الزيت في التوكيل هو مصاريف ومشوارة ع الفاضي
الزيت هو هو و طريقة التغيير هي هي و ده موضوع يوضح ازاي الزيت و الفلتر بيتغيروا

http://www.nilemotors.net/Nile/223782-a.html

اما بالنسبة لقطع الغيار و اي شغل ميكانيكا و الحاجات التقيلة عشان عربيتك SX4 sedan خليها في التوكيل فلوس زيادة بس اضمن احسن ما واحد يفتي برة فيها و يخرب الدنيا

انما الزيت في اي مكان المهم بس جيب علبة الزيت من البنزينة و تتفتح قدامك
و فلتر الزيت غيره كل مرة او كل مرتين و عايز تجيبه من برة جيبه عايز تجيبه من قسم المبيعات و تخليه عندك عشان لما تغير جيبه
حضرتك قدامك الخيارات و ليك حرية الاختيار :)

و بالتوفيق ان شاء الله

[Dr_Smart]

شكرا يا فندم على الرد

[MMamdouh]

الفيصل فى الضمان هو اجراء الصيانات فى مواعيدها و اثبات ذلك فى كتيب الضمان... معنى كدة انك لو تقدر تغير الزيت برة التوكيل فى مركز خدمة معتمد و تختم كتيب الضمان من عندهم كاثبات انك عملت الصيانة فى موعدها يبقى مفيش مشاكل

MMamdouh