زيت الماروتي

[amrfares]

النهارده رحت غيرت زيت الماروتي لصيانه 10000 وحطيت زيت xhp 5000 بس الراجل جاب الجيركن وفتحه قدامنا بس حسيت انه مش متبرشم فقالي ان العبوات الجديده كده بس هو كان عنده عبوات كتير وكمان لون الزيت طمني فهو اصفر مخضر
فارجو رأيكم في المسأله ديه وازاي اعرف ان الزيت ده نظيف و يعمل 5000 كم
برجاء سرعه الرد

[exact]

كنت اتمنى افيدك..بس انا انقلبت على موبيل مؤخرا وبقيت باستعمل شيل الاصفر 20w-50

[amrfares]

كده برده مفيش رد

[Amr Axel]

انا بغير موبيل و البرشام غلس في فتحه اساسا
بس انا وجهة نظري ان طالما شايف الزيت تحاول تكمل بيه الــ5000 و تتابع لزوجته كل شوية
و لما تتمهم ان شاء الله
غيره بس جيب الزيت من البنزينة نفسها و تشوف انها متبرشمة كويس بنفسك

لوقلقان و مش مطمن مفيش غير انك تغير و تتبع نفس الخطوة لما تيجي تشتري العلبة

و بالتوفيق ان شاء الله

[amrfares]

لا هو فتح العلبه بالساهل زي علبه الكوكاكولا ولما قلتله قال الجديد كله كده

[Amr Axel]

لا هو فتح العلبه بالساهل زي علبه الكوكاكولا ولما قلتله قال الجديد كله كده

مش عارف و الله يمكن
بس انا لسه مغير برده موبيل و جديدة و زي مقولتلك

و عالعموم وجهة نظري زي مقولتلك عديها و تابع اللزوجة و بعدين ابقي اشتري الجيركن من البنزينة نفسها

لو مقلق يبقي غير بقي

:b4_048:

[RAMYALI_1982]

ياباشا فى حل سهل لو انت ناوى تكمل على نفس نوع الزيت اشترى واحدة من بنزينة موبل ولو طلع مفتوح يبقى كلامة صح لو طلع مقفول متفتحوش روح بالجركن المقفول وحطة فى عينة واعملة بليكة وخلية يغيرك الزيت تانى على حسابة عشان يبطل ينصب

[amrfares]

رحت غيرت الزيت النهارده عند واحد تاني بس قالي ان الزيت كان نظيف بس انتو عارفين الوقايه خير من العلاج بس كان في فرق في طريقه فتح العلبتين الاخيره الي بتتشد لفوق والقديمه زي علبه الكولا