سوزوكي ماروتي

[rawanaltoka]

كنت بسأل عن عربية سوزوكي ماروتي
انا بصراحة قريت كل الي اتكتب عنها في المنتدي
وحاسة اني توهت فية
انا ناوية اجيت ماروتي هي كويسة وعلي اد الايد
بس انا لسة جديدة نوفي زي ما بيقولو في العربيات
يعني مفروض اتدرب علي السواقة قد اية قبل ما اجيبها
يعني احسن مكان اجييها منه واحسن سعر ( انا في الجيزة)
واية امكانيها
وياتري فية سوزوكي ماروتي 2012 نازلة بالتكييف والا لاء

[karim_maruti]

السلام عليكم
أولا العربيه حبيبه قلبي ممتازه وأنا ماشاء الله طاير بيه في كل حته وسفر ومع أصحابي .... بس أهم حاجه تكرميها مش تهينيهاش وهي هتبقى معاكي زي الفل ... بالنسبه للتوكيل أنا تعاملت معاه مره ومكررتهاش تاني ومش ناوي أكررها (زباله) بس قطع الغيار برا التوكيل متوافره و الأصلي منها وسعرها حلو ..... أما بالنسبه لأنك مش بتسوقي قبل كده فدي مش مشكله فيه أماكن تعليم قياده كتير عندها ماروتي ولو مش عايزه تروحي مدرسه قياده أشتريها وخلي حد يوصلهالك لحته فاضيه وهو يوم هتخدي عليها وعلى أبعادها وهتبقى في أيدك سهله جداااا ..... توكلي على الله وأشتريها بس حكايه 2012 بتكييف دي مش عارف ....
* نصيحه أخيره : ماتخليش حد يشتغل في العربيه يعني كماليات وكده لأن اللعب في العربيه الزيرو عند حد مش فاهم بيبقى مشكله .... وحطلها موبيل1 اللي هو 10000 كيلو .. ولو تقدري تحطلها بنزين 92 يستحسن بجد هتلاقيها مريحاكي جداااا ... بس لو هنتيها ماتزعليش منها بقى
وربنا يرزقك خيرها ويكفيكي شرها... وأي أسئله عن الماروتي تحت أمرك

[Amr Axel]

زي ما استاذ كريم قالك بالنسبة العربية و الموضوع ده برده بيتكلم عنها

http://www.nilemotors.net/Nile/229742-a.html

بالنسبة سعرها فسعرها الحالي 39 الف و بتبقي فاضية

http://www.nilemotors.net/Nile/244008-a.html

بالنسبة التعود فهو يوم ولا يومين و هتاخدي ع ابعاد العربية و سواقتها بشكل عام لأن العربية حجمها مناسب
و هتريحك في الركنة

و اي استفسار اتفضلي

و بالتوفيق ان شاء الله

[rawanaltoka]

الف الف شكرا ياجماعة
ربنا يجزيكم خير ويباركلكم في وقتكم

[love7amada]

بدل ما تجبيها زيرو ب 39 هاتيها كسر زيرو ب 29 و انتي اولي بال 10 الاف الفرق
و لا ايه ؟؟