استلمت الماروتي 2008

[botros]

يا جماعه ؟ ليا 3 اسئله عن الماروتى :
1- فيها عداد للكيلو للرحله ؟ اللى بيتصفر كل مسافه معينه ؟
2- عداد الكيلو كام رقم ؟ 5 ارقام و الا 6 ؟ يعنى بعد 99999 بيقلب صفر ؟ و الا بيكون 099999 ؟
3- صندوق التروس كام نقله ؟ 4 و الا 5 ؟

انا بسال الاسئله دى لانى على النت شفت اختلافات عجيبه ؟ مره بعداد مسافه و مره لا . مره 4 نقلات و مره 5 ؟ و كده و اتلخبطت بصراحه . و مش عارف اللى بتنزل مصر انهى فيهم ؟

[Abdm]

ألف مبروك وربنا يباركلك فيها يديك خيرها ويكفيك شرها ويا ريت تقولنا هل يوجد فرق عن 2007 وابقى كلمنا عن تجربتك معها وخد بالك من التلين و أمشى براحتك وربنا يستر طريقنا جميعا

[maak333]

الله يبارك فيكو جمعيا وعقبال منبارك للي لسه مجباش اولا العربية 4 نقلات مش 5 وفيها عداد رحلات اللي بيتصفر كل شوية والعداد الاساسي 5 ارقام 99999 وبعدين يقلب 00000 اما بالنسبة للفروق اللي بينها وبين 2007 انا الحقيقة مركبتش ال2007 بس الفرق اللي لاحظته ان بقي في من قدام حرف S ومن ورا كلمت Suzuki مكان شكل القديم اللي كان في ال2007 وكلمة ماروتي اما بالنسبة لتجربتي معاها حتي اللان الحمدلله انا شايف انها عربية ممتازة جدا وبالذات في موضوع البنزين بجد بتمشي حوالي 10 الي 12 كيلو بلتر واحد يعني انا يوم ماستلامتها كانت عملة حوالي 60 كيلو ومكنش فيها بنزين يمكن لتر او 2 لان كان المؤشر علي E روحت حطيت حوالي 11 لتر المهم لما روحت افولها تاني كان العداد عامل حوالي 170 كيلو ....الحقيقة فعلا عربية اقتصلدية جدا والحمدلله وانا شخصيا بنصح بيها اي حد حتي لو كانت اسرة بس تكون صغيرة يعني 4 افراد وإن شاء الله هابقي اقولكم علي الاخبار....وشكرا
أبو مريم

[Abdm]

حاول تتأكد تانى من موضوع معدل البنزين أو لو فى حاجة عايزة تتظبط فى العربية لانى متأكد أنى المعدل بتاعها أعلى من كدة بكتير من المفروض انة يكون من 18 :20 كيلو لكل لتر اكشف وأتاكد تانى ورد علينا
( المعدل الوسطى بتعاها بيكون حوالى 375/20 )

[SEATLOVER]

حاول تتأكد تانى من موضوع معدل البنزين أو لو فى حاجة عايزة تتظبط فى العربية لانى متأكد أنى المعدل بتاعها أعلى من كدة بكتير من المفروض انة يكون من 18 :20 كيلو لكل لتر اكشف وأتاكد تانى ورد علينا
( المعدل الوسطى بتعاها بيكون حوالى 375/20 )

اية يا Abdm متخوفش الراجل :)
هى بس عشان لسة العربية لسة جديدة و الموتور فى التليين هاتلاقيها استهلاكها اعلى شوية من الطبيعى بتاعها لكن مع الوقت و المشى بالعربية إن شاء الله استهلاكها هايتظبط و ممكن توصل ل 350 فى الصفيحة

[ronygirl]

الف الف مبروك
انا كمان لسه جايبة ماروتى
اشترتها من المصرية كاش ب 35500 وكان المعرض مركب الفرش ومجهز الاستبن والكوريك والعده كله تمام بس لسه الورق بتاعها مخلصش
ربنا يكرم
بس عاوزة اعرف منك لو سمحت
انت رخصت سنة ولا 3 وكلفتك كام بالتفصيل لو سمحت
الف مبروك ربنا يكفيك شرها ويباركلك فيها

[maak333]

اسف اني مرديتش بسرعة كنت مشغول الكام يوم اللي فاتو ..
انا رخصت سنة عشان انا جايبها بالقسط عملت حوالي 400وشوية كده غير اللي اديتو للراجل اللي جي معايا من المعرض انتي ممكن ترخصي 3 سنين طالما كاش و ده افضل لان يوم الترخيص ده بيبقي زحمة وطوابير....
أبو مريم

[hossam_chixo]

الف الف مبروك على العربية
بس فى حد قال ان الفرش مبيركبش على العربية ازاى مكن حد يوضح
و لكم جزيل الشكر

[maak333]

هو الفرش مش مبيركبش علي العربية هو بيجي مش راكب وبعدين انت بتركبو هو فعلا في مشكلة انو مبيركبش كويس لانو عبارة عن كلبسات في كام واحدة منهم كانت مش مظبوطة فمكنتش بتكبس في الارضية كويس بس هو فيه ميزة بردو انك ممكن تخلعوا بسهولة عشان التنضيف....وشكرا
ابو مريم

[bassem.naguib]

ألف ألف مبروك ..

ورجاء قراءة الدعاء التالي عند شراء سيارة جديدة :
"اللهم أني أسألك من خيرها ومن خير ما جبلتها علي .. واعوذ بك من شرها ومن شر ما جبلتها علي"

[amlolo]

1000 مبروك ربنا يديك خيره ويكفيك شرها

[momoking2000]

مبروك
انا كمان اشتريت ماروتى 2008

[botros]

حد اشتراها الاسبوع ده ؟ من اول يوم الخميس اللى فات الى الان ؟
انا سمعت انها بقيت ب 38الف . زادت 2000 جنيه ؟

2000 جنيه كتير على الماروتى حته واحده . يعنى 6% ؟؟ متهيالى كتير .

[amlolo]

هي زادت فعلا حتي عند المصرية هي بقت ب 38000 من اخبار سيارات السبت

[momoking2000]

الماروتى وصل تمنها فعلا 38.000 جنيه بس فى معارض بتبيع على 37.000 جنيه