جنوط 13 للماروتى

[bode_mw_2005]

شباب الماروتى الاعزاء
انا بعد ما بعت الاونو اللى كانت حيلتى قررت اجيب ماروتى بس كنت عايز اسأل هو لو غيرت الجنط اللى فيها بجنوط سبور 13 هاتأثر على العفشه ولا عادى ؟

[Amr Axel]

الف مبروك مقدما و العربية طبعا غنية عن التعريف
و معتقدش ان بوصة تأثر و الــ13 ع الماروتي هتبقي جامدة جدااا
و ده موضوع كده في الخباثة هههههه

http://www.nilemotors.net/Nile/232923-a.html

و بالتوفيق ان شاء الله

[karimfahmy99]

بس اعتقد انى لو غير الجنوط لازم يغير الكاوتش و يجيب كاوتش اوطى من الاصلى يعنى اللى زاد ف الجنط تقللة ف ارتفاع الكاوتش

[خالد]

صديقى العزيز : إليك تلك المعلومات التى قد تفيدك ، مع خالص تحياتى
كثير منا يحب أن يغير في مظهر سيارته لتكون بالشكل الذي يهواه هو ..ويحبه قلبه ..
ويأتي هذا التغيير أحيانا بشكل خاطئ وعلى حساب أداء السيارة ...
فمثلا الجنوط والكفرات من الأمور التي تزيد من جمال السيارة , وبها تكتمل الصورة الرياضية لدى البعض ...
ولكن ألا ترى معي أن شركة مثل شركة Gmمثلا_ والتي تبلغ ميزانية أبحاث تطوير السيارت لديها ميزانية عدة دول عربية مجتمعة _ أنها قد درست افضل السبل والمواصفات لوضع الإطار الصحيح على سيارتك المثالية ..
ضع في الحسبان ( ثبات السيارة _ إستهلاك البنزين _ عزم المحرك _ التكلفة ).

إليك بعض الملاحظات التي يجب أن تتنبه إليها قبل الشروع في تغيير الإطارات أو الجنوط :
إذا احببت يوم تغيير الإطارات والجنوط فلابد من عمل بعض الحسابات , حتى لا تفقد أي شيء مما سبق ذكره ...كيف..؟؟؟
- من المعروف فيزيائيا أنه كلما زاد سطح التماس ..زادت مقاومة الإحتكاك ..اي عند تركيب إطار أعرض من المصمم للسيارة فإن ذلك ربما يفيد في الثبات ...لكنه سوف يزيد من إستهلاك الوقود ..بالإضافة الى قلة العزم .
- بعض الأشخاص يريد أن يكبر حجم الإطار على نفس الجنط ...أو تغيير الجنط والإطار معا ليملاء الفراغ في الرفرف..فهو يرى أن ذلك أجمل ...صحيح ممكن أن يكون جميلا ...ولكن ذلك سوف يقلل من عزم السيارة بشكل كبير بالإضافة الى زيادة ملحوظة في إستهلاك البنزين ..وإليك السبب:
عندما يزيد حجم الإطار فإنه بلا شك سوف يزيد من محيط الإطار الكلي وهذا المحيط سوف يكون اطول من المواصفات التي جاءت بها السيارة , ولذلك يتوجب على المحرك أن يبذل جهدا أكبر لتعويض هذا المحيط وبالتالي فإن ذلك يزيد من إستهلاك الوقود ..وكمحصلة نهائية فلن يكون المحرك بأفضل حال مما كان عليه قبل التعديل ..وتجد هنا ان المحرك وبخاصة في السرعات العالية تجد السيارة لا يمكن لها أن تصل الى السرعات التي كانت تصلها قبل التعديل ..

معادلة بسيطة :نريد أن نحول مقاس الإطار الى ( الإنش )وهذا المقياس سوف يكون قطر الإطار ...( قطر الدائرة التي يمثلها الإطار ).
....دعنا نفترض أن مقاس الإطار اصلا هو :
225/70/16
225 هو العرض ...
70 هو المسافة بين الجنط وسطح الإطار الملامس للأرض...
16 هو مقاس الجنط...
نريد أن نزيد من عرض الإطار دون أن نخسر محيط الإطار حتى يبقى عزم السيارة كما نريده ..فما هو المقاس الأمثل .؟؟؟
أولا علينا معرفة كم إنش هذا الإطار ؟

المحيط225 (ضرب) 0.70 (تقسيم) 25(وهو رقم ثابت) (ضرب) 2(رقم ثابت) (+) 16مقاس الجنط = 28.6إنش.

28.6 هذا هو الرقم السحري... يجب أن نحاول أن نبقي عليه ..
ولتزيد العرض دون فقدان المحيط علينا إختيار :
275/60/16
العرض اصبح 275 ..وهذا رائع ..تعال نطبق المعادلة :
المحيط275 (ضرب) 0.60 (تقسيم)25(وهو رقم ثابت) (ضرب) 2(رقم ثابت) (+) 16 مقاس الجنط = 29.2إنش ...
رقم قريب الى 28.6 ..ولو إستطعنا جعل المقاس يطابق 28.6 كالأصلي فهذا أفضل..
تعال نغير المقاس :
275/65/16
المحيط275 (ضرب)0.65 (قسمةعلى)25(وهو رقم ثابت) (ثم الناتج نضربه فى ) 2(رقم ثابت) ثم نجمع الناتج(+) 16 مقاس الجنط = 30.3إنش ...

فرق بينه وبين المقاس الأصلي 28.6-30.3= 1.7 إنش تقريبا 4.5سم. وهذا كثير وسوف يؤدي الى ضعف عزم السيارة خاصة على السرعة العالية بالإضافة الى إستهلاك واضح في البنزين ...

آمل ان لا اكون شوشت اذهانكم في الرجوع الى المدرسة بهذه الرياضيات ...ولكنها مفيدة ...



طبق هذه المعادلة عند شروعك في تغيير حجم الإطار ...
------------------------------------------

ولمعرفة معنى الرموز على الإطار قد يفيدك هذا :

J يتحمل سرعة قصوى مقدارها 100 كم/ساعة.
K يتحمل سرعة قصوى مقدارها 110 كم/ساعة.
L يتحمل سرعة قصوى مقدارها 120 كم/ساعة.
M يتحمل سرعة قصوى مقدارها 130 كم/ساعة.
N يتحمل سرعة قصوى مقدارها 140 كم/ساعة.
P يتحمل سرعة قصوى مقدارها 150 كم/ساعة.
Q يتحمل سرعة قصوى مقدارها 160 كم/ساعة.
R يتحمل سرعة قصوى مقدارها 170 كم/ساعة.
S يتحمل سرعة قصوى مقدارها 180 كم/ساعة.
T يتحمل سرعة قصوى مقدارها 190 كم/ساعة.
H يتحمل سرعة قصوى مقدارها 210 كم/ساعة.
Vr يتحمل سرعة قصوى مقدارها 210 كم/ساعة.
Zr يتحمل سرعة قصوى مقدارها 240 كم/ساعة.
V يتحمل سرعة قصوى مقدارها 240 كم/ساعة.
W يتحمل سرعة قصوى مقدارها 270 كم/ساعة.
منقول

[خالد]

إذن لو طبقنا تلك المعادلة على الماروتى تكون كالآتى:
المقاس الأصلى للماروتى هو = 145/70/12
تطبيق المعادلة = 145 * 0.7 ÷25 * 2 + 12 = 20.12 وهذا هو الرقم السحرى الذى يجب أن نحافظ عليه

لو حضرتك عاوز تجيب جنط 13
يبقى نحاول نغير المقاسات التانية لنقترب من الرقم الأصلى بتاع السيارة وياسلام لو عرفنا نجيب الرقم بالظبط
المقاسات المقترحة = 155/65/13
طيب نشوف المعادلة هتبقى أزاى :
155 *65 ÷ 25 *2 + 13 = 21.06
الله ، الفرق بسيط جداً بينه وبين الأصلى وهو = 21.06 - 20.12 = 0.94 أعتقد أنه فرق بسيط
الخلاصة : تآخد المعادلة دى معاك فى دماغك وتشوف المقاسات المتاحة عند المحل من الكاوتش 13 وتضرب وتقسم وتطبق المعادلة وتطلع بالرقم لو لقيته مطابق أو قريب من الأصلى تتوكل على الله وتجيبه
وربنا يوفقك وأبقى طمنا عملت أيه
مع خالص تحياتى

[Amr Axel]

بس اعتقد انى لو غير الجنوط لازم يغير الكاوتش و يجيب كاوتش اوطى من الاصلى يعنى اللى زاد ف الجنط تقلله ف ارتفاع الكاوتش

فعلا يعني مثلا مينفعش يركب 13\65\165 يعني 145-155
اما بالنسبة الجنط عادي لأن هو مثلا مش هيغير لمقاس 15 و لا 17 ده من 12 لــ13 يعني حاجة لاتذكر
بالنسبة الكاوتش يجيب حاجة اقل في الارتفاع و نسيت انبهك لحاجة يا bode_mw_2005 ان لو غيرت الكاوتش باكبر لو مثلا ماشي ع 90 الردار ممكن يشوفك 94 لأن كل ما قطر العجل بقي اكبر كل ما كانت القراية اعلي

و مش عايز اصدمك بس المقاسات ديه بتبقي صعبة شوية انك تلاقيها لأنها قليلة

[LORD.ADeL]

باشا كلام رجاله وافي جدا واصلي مفيش بعد كدة
بس نصيحه ولا ليها اي لازمه لانها مع مرور وقت هتتعب لك العفشه
ناس كتير بشكرو فى عربيه من ثبات واختلاف بعد تغيرر بس مع وقت هتحسها فى عفشه
واصلا عفشه عربيه نشفه يعنى زلطه تحس بيها وانت سايق ؟ فادي حاجه ترجع لحضرتك فى مقام الاول والاخير
ودي وجه نظري متواضعه جدا قد اكون ع صواب ااو ع خطا والله مستعان.

[Abdm]

حضرتك لو هتغير جنوط يبقى لازم تغيير كاوتش . دلوقتى فى عندك حلين

1- أما تسيب الجنط ذى ما هو وتغير الكاوتش فقط للتعريض وأنسب مقاس جديد على نفس الجنط هو 12/165/65

2- لو هتغير الجنط يبقى لازم تغير الكاوتش أيضا ويكون المقاس 13/155/60
لو راعيت المقاسات المضبوطة صح مع جنوط خفيفة وماركة نظيفة علشان ما تقلش على العفشة مش هيكون فى أى مشاكل بأذن الله
والله الموفق والمستعان

[Abdm]

حضرتك لو هتغير جنوط يبقى لازم تغيير كاوتش . دلوقتى فى عندك حلين

1- أما تسيب الجنط ذى ما هو وتغير الكاوتش فقط للتعريض وأنسب مقاس جديد على نفس الجنط هو 12/165/65

2- لو هتغير الجنط يبقى لازم تغير الكاوتش أيضا ويكون المقاس 13/155/60
لو راعيت المقاسات المضبوطة صح مع جنوط خفيفة وماركة نظيفة علشان ما تقلش على العفشة مش هيكون فى أى مشاكل بأذن الله
والله الموفق والمستعان

فى مقاسات أخرى أيضا مناسبة حسابيا أكتر لكن من الناحية الشكلية هيعرض الكاوتش وحسب أختيار اللى هيركب يعنى لو مش عايز يعرض قوى هيختار اللى فوق . واللى عايز يعرض شوية هيختار اللى تحت ومش هتختلف كتير قوى عن اللى فوق لكن هى أحسن وأدق من الناحية الحسابية والقياسية وأقرب الى المقاس الآصلى وهى

1- 12/175/60 دة هيزود العرض ويقلل الآرتفاع

2- 13/165/55 ودة أيضا هيزود العرض ويقلل الآرتفاع
والله الموفق والمستعان

[bode_mw_2005]

شباب
بجد مش عارف اقولكم ايه . جزاكم الله خيرا على المعلومات القيمه دى وان شاء الله لو كان ليا نصيب واشتريت العربيه دى هاخد بكلامكم على طول

[maruti]

اوعا تجيب المقاس دا155/65/13
انا جبت المقاس دا عندي وكان بيحك في الشفه بتاعت الرفر الي ورا ومشيت شويه بيهم واكلت مطب الفردتين اتقطعو ومينفعوش تاني