شحن الدينامو عالى

[aymanay32]

شحن الدينامو عالى عندى حوالى 14 و مع الاكسراتير بيوصل 16 فولت
حرق لى شاحن الموبايل مرتين
هل اسيبه و لا اصلحة و فين احسن واحد يصلحه و لو سيبته ممكن يبوظ خالص

[Amr Axel]

المفروض الحد الاقصي 14
و لازم تعمله بسرعة لأن زيادة شحن الدينمو بيتنج عنها ان لا قدر الله البطارية تضرب
فلازم تظبطه فورا و يفضل اول ما تصحي بكرة ان شاء الله و اللي يعملك القصة ديه كهربائي سيارات

بالتوفيق ان شاء الله

[karimfahmy99]

زى الاخ الفاضل ما قال هذة المشكلة لها اضرار سوف تظهر على المدى البعيد بس مش بعيد اوى اول حاجة طبعا البطارية دى حاجة بالاضافة الى اللمبات مع الوقت هطير كمان

السؤال لاهل الخبرة هوا شحن الدينامو ف الماروتى بيظبط عن طريق كتاوت عادى و لا عن طريق كتاوت الاكتوفاير ؟؟ لو كتاوت عادى دا ممكن يتظبط بس لو كتاوت اكتوفاير دا لازم بيتغير ملوش تظبيط

[aymanay32]

[QUOTE=karimfahmy99;3873855361]زى الاخ الفاضل ما قال هذة المشكلة لها اضرار سوف تظهر على المدى البعيد بس مش بعيد اوى اول حاجة طبعا البطارية دى حاجة بالاضافة الى اللمبات مع الوقت هطير كمان

السؤال لاهل الخبرة هوا شحن الدينامو ف الماروتى بيظبط عن طريق كتاوت عادى و لا عن طريق كتاوت الاكتوفاير ؟؟ لو كتاوت عادى دا ممكن يتظبط بس لو كتاوت اكتوفاير دا لازم بيتغير ملوش تظبيط[/QU


شكله ايه الكتاوت الاكتوفاير ده و ايه الفرق بينه و بين العادى


و سؤال للماروتيه حد جرب يقيس شحن الدينامو منكم علشان يطمن عليه


و استفسار منى
انا جربت اشغل النور و المروحة و الراديو و كل حاجة جاب الشحن بتاع الدينامو 13
ممكن اركب حاجة فى العربية بحيث انها تسحب الشحن الزيادة طول ما انا ماشى بس مش عارف افتكر ايه الحاجة دى غير طبعا انى اركب تكييف فهل هناك احد عنده فكرة ممكن تكون ايه غير التكييف

[karimfahmy99]

استاذ ايمن طبيعى لما هتشغل كل اللى قلت علية الفولت هيسقط بس دا مش الحل . الحل كهربائى يشوف المشكلة و معتقدش الموضوع هيكون مكلف اوى حتى لو غيرت كتاوت عادة او اكتوفير . بس اعتقد بنسبة 90% انة اكتوفير و برضوا اعتقد انة مش هيتجاوز ال 100 ج بالمصنعية

[aymanay32]

يعنى ايه كناوت اكتوفير

[aymanay32]

روحت للكهربائى قال نفك الدينامو و بعدين قاللى هوه ده الكتاوت داخل الدينامو
و شكله اشبه ب الجزء الالمونيوم بتاع المروحة بتاعة بروسيسور الكمبيوتر
و بعت عامل يجيب زيه
و ركبه و قاللى تمام كدة

مشيت على ان كله تمام
من يومين اشتريت شاحن موبايل و جيت اركبه اتحرق لان الشحن لسه عالى
عاوز ارجع له تانى يركب لى كتاوت خارجى
بس ينفع يركب 2 كتاوت على دينامو واحد

[karimfahmy99]

يعنى تمام زى ما قلت كتاوت اكتوفاير هوة الاسم دا اساسا جه لان الكتاوت بيكون راكب على الدينامو الاكتوفاير يعنى المقصود ان كلمة اكتوفاير دا للدينامو مش للكتاوت . يعنى مثلا السيات 133 القديم كان دينامو عادة + كتاوت خارجى و ناس كير كانت تغيرة و تحط دينامو اكتوفاير لانة احسن و اسرع . بس تسهيلا لما بتيجى تشترى بتقول كتاوت اكتوفاير بدل متقول كتاوت لانة كدة هيجيبلك كتاوت عادة خارجى

اما لما غيرت الكتاوت عند الكهربائى مقسش الشحن ؟؟ يعنى قالك كدة تمام على اساس اية ؟ المفروض انة لما بيخلص يقيس الشحن و يتاكد انة بقى تمام مش يقول كدة تمام من الهوا . فيفضل قبل ما تروحلة شوف اى حد تانى و قولة عاوز اقيس الشحن و اعرف الشحن كام لو 14 او 14.2 يبقى ماشى كويس مفيش مشكلة اطمن . اما موضوع شاحن الموبايل اللى اتحرق فغالبا لانة صينى او نوع ردئ صينى يفضل شاحن اصلى للسيارة و اذا اتحرق لانك لقيت الشحن معدى 14.2 يبقى لية حق يتحرق . الخلاصة قيس الشحن عند اى حد و اعرف كام القراءة و بعدين هنعرف العيب فين ف الشاحن و لا الكتاوت الجديد بس غالبا هيطلع من الشاحن

عموما بس للى ميعرفش الكتاوت وظيفتة الاساسية تثبيت شدة التيار عند درجة معينة و لا يتجاوزها . يعنى لو دورت العربية و سايبها ف حالها هتلاقى القراءة مثلا 13 فولت و لما بتزود هيوصل 14 و لو زودت كمان هيفضل ثابت على 14 مهما زودت مش هيعلى عن كدة

[hani_elashry]

احب اضيف معلومه هو اسمه rectifier و معناها دائره توحيد لكن المفروض نسميها regulator و معناها دائره تثبيت الجهد