سلك الدبرياج

[alking_2006]

السلام عليكم

عندى سؤال للماروتيه الكرام

حد غير سلك الدبرياج قبل كدا؟ طب حد لا قدر الله قطع منه سلك الدبرياج؟

اصلى كنت عايز اتعلم اغيره ازاى علشان عرفت انه لو اتقطع لا قدر الله الواحد مش بيعرف يمشى بالعربية الا بطرق معينه بتحمل على الماتور زى انى اطفى العربية و اجيب التانى و ادور و هيا واخده الغيار التانى و اكمل الطريق على كدا

كنت عايز اجيب سلك دبرياج احتياطى اخليه معايا فى العربية زى منا شايل طقم كهربا احتياطى و سير دينامو

بس المشكلة انى عايز اعرف اغيره ازاى فياريت حد يفيدنى
و شكرا للجميع

[aymanay32]

فعلا فكرة اننا نخلى فى العربية سلك دبرياج احتياطى و كمان سير دينامو احتياطى بس يا ترى سعرهم كام

[alking_2006]

سير الدينامو ب 10 جنيه

[Italiano81]

سلك الدبرياج بي 30

[alking_2006]

طب دا كلام هايل و عرفنا الاسعار
يا ريت حد يفيدنا فى كيفية تركيبه
و خصوصا الباشمهندس سبعاوى

[love7amada]

اتقطع عند صاحبي قبل كده و قطرناه لاقرب ميكانيكي و غيرهوله

[Amr Axel]

ممكن تدور في اليوتيوب تحت اسم
installing a clutch cable

و ان شاء الله تلاقي فك و تركيب سلك الدبرياج

[sab3aawy]

انا مغيرتوش قبل كدة بس هو عادة مبيكونش فيه اى فن، فى الغالبية الساحقة من العربيات بيكون مربوط من نهايتيه ، النهاية اللى جو العربية غالبا بيكون السلك بينتهى بكورة صغيرة مبيتية بين فرعين شوكة ماسكة فى الدواسة وفى احوال قليلة بيكون مربوط بمسمار، هحاول اتأكد من الموضوع ده النهاردة او بكرة، اما بالنسبة للنهاية اللى عند جير بوكس فبيكون متقلوظ ومربوط بصامولة، وبين النهايتين بيكون متدكك فى جراب، عادة بيبدأ التكيبر من جوة الصالون، بنفك السلك القديم و نسقط الكورة بتاعت السلك الجديد بين فرعين الشوكة بتاعت الدواسة، او لو كان على صامولة بنربطه بها، وبعدين ندكك طرفه التانى فى مدخل الجراب اللى بيكون باين من الصالون لحد ما يدخل كل(فى بعض العربيات السلك بيتباع بالجراب بتاعه، ممكن نفك الجراب القديم ونركب الجديد، عادة الجراب بيكون راكب فى صاج العربية بفلانشة صغيرة مربوطة بمسمارين او ممكن من خلال قطعة مطاط متبيتة فى صاج العربية،لو السلك بيطلع من الجراب نشيله خالص ونركب الجراب الجيد منفردا وبعدين لما نربط السلك فىالدواسة نبق ندككه، لو السلك مش بيطلع م نالجراب فى الحالىة دى نبتدى من الحوض، نفك الجراب القديم ونركب الجديد بالسلك ونفوت طرف السلك الى صالون العربية، بعض ما نخلص تركيب السلك فى الصالون نلف من الناحية التانية من الحوض ونقابل السلك، نفوته من الخرم بتاع شداد الدبرياج ونربط عليه الصامولة بتاعته وبعدين نجرب علو الدواسة، لو الدواسة عليت زيادة عن المعتاد نهوى الصامولة شوية، لو واطية نربط الصامولة شوية، الموضوع ده كان بياخد منى فى العربيات اللى عملته فيها(128 و 127 وسيات وعربيات يابانى قديمة)10 دقائق

[alking_2006]

مشكور جدا باشمهندس سبعاوى و واضح ان سلك الدبرياج فى الماروتى بيعمر ما شاء الله عكس الفيات بدليل ان محدش عدى عليه الحوار دا قبل كدا

انا مغيرتوش قبل كدة بس هو عادة مبيكونش فيه اى فن، فى الغالبية الساحقة من العربيات بيكون مربوط من نهايتيه ، النهاية اللى جو العربية غالبا بيكون السلك بينتهى بكورة صغيرة مبيتية بين فرعين شوكة ماسكة فى الدواسة وفى احوال قليلة بيكون مربوط بمسمار، هحاول اتأكد من الموضوع ده النهاردة او بكرة، اما بالنسبة للنهاية اللى عند جير بوكس فبيكون متقلوظ ومربوط بصامولة، وبين النهايتين بيكون متدكك فى جراب، عادة بيبدأ التكيبر من جوة الصالون، بنفك السلك القديم و نسقط الكورة بتاعت السلك الجديد بين فرعين الشوكة بتاعت الدواسة، او لو كان على صامولة بنربطه بها، وبعدين ندكك طرفه التانى فى مدخل الجراب اللى بيكون باين من الصالون لحد ما يدخل كل(فى بعض العربيات السلك بيتباع بالجراب بتاعه، ممكن نفك الجراب القديم ونركب الجديد، عادة الجراب بيكون راكب فى صاج العربية بفلانشة صغيرة مربوطة بمسمارين او ممكن من خلال قطعة مطاط متبيتة فى صاج العربية،لو السلك بيطلع من الجراب نشيله خالص ونركب الجراب الجيد منفردا وبعدين لما نربط السلك فىالدواسة نبق ندككه، لو السلك مش بيطلع م نالجراب فى الحالىة دى نبتدى من الحوض، نفك الجراب القديم ونركب الجديد بالسلك ونفوت طرف السلك الى صالون العربية، بعض ما نخلص تركيب السلك فى الصالون نلف من الناحية التانية من الحوض ونقابل السلك، نفوته من الخرم بتاع شداد الدبرياج ونربط عليه الصامولة بتاعته وبعدين نجرب علو الدواسة، لو الدواسة عليت زيادة عن المعتاد نهوى الصامولة شوية، لو واطية نربط الصامولة شوية، الموضوع ده كان بياخد منى فى العربيات اللى عملته فيها(128 و 127 وسيات وعربيات يابانى قديمة)10 دقائق

[aymanay32]

انا مغيرتوش قبل كدة بس هو عادة مبيكونش فيه اى فن، فى الغالبية الساحقة من العربيات بيكون مربوط من نهايتيه ، النهاية اللى جو العربية غالبا بيكون السلك بينتهى بكورة صغيرة مبيتية بين فرعين شوكة ماسكة فى الدواسة وفى احوال قليلة بيكون مربوط بمسمار، هحاول اتأكد من الموضوع ده النهاردة او بكرة، اما بالنسبة للنهاية اللى عند جير بوكس فبيكون متقلوظ ومربوط بصامولة، وبين النهايتين بيكون متدكك فى جراب، عادة بيبدأ التكيبر من جوة الصالون، بنفك السلك القديم و نسقط الكورة بتاعت السلك الجديد بين فرعين الشوكة بتاعت الدواسة، او لو كان على صامولة بنربطه بها، وبعدين ندكك طرفه التانى فى مدخل الجراب اللى بيكون باين من الصالون لحد ما يدخل كل(فى بعض العربيات السلك بيتباع بالجراب بتاعه، ممكن نفك الجراب القديم ونركب الجديد، عادة الجراب بيكون راكب فى صاج العربية بفلانشة صغيرة مربوطة بمسمارين او ممكن من خلال قطعة مطاط متبيتة فى صاج العربية،لو السلك بيطلع من الجراب نشيله خالص ونركب الجراب الجيد منفردا وبعدين لما نربط السلك فىالدواسة نبق ندككه، لو السلك مش بيطلع م نالجراب فى الحالىة دى نبتدى من الحوض، نفك الجراب القديم ونركب الجديد بالسلك ونفوت طرف السلك الى صالون العربية، بعض ما نخلص تركيب السلك فى الصالون نلف من الناحية التانية من الحوض ونقابل السلك، نفوته من الخرم بتاع شداد الدبرياج ونربط عليه الصامولة بتاعته وبعدين نجرب علو الدواسة، لو الدواسة عليت زيادة عن المعتاد نهوى الصامولة شوية، لو واطية نربط الصامولة شوية، الموضوع ده كان بياخد منى فى العربيات اللى عملته فيها(128 و 127 وسيات وعربيات يابانى قديمة)10 دقائق

الله ينور عليك

[alking_2006]

للأسف سلك الدبرياج اتقطع منى امبارح فى عزززز الزحمة و اعلان نتيجة الانتخابات و جارى تغييره

[mesaharaty]

طيب ازاى تعرف إن العطل سببه هو انقطاع سلك الدبرياج ؟
هل له مقدمات تشعر بيها قبل ان ينقطع ؟
وإيه حالة العربية عند انقطاع السلك ؟

[alking_2006]

طيب ازاى تعرف إن العطل سببه هو انقطاع سلك الدبرياج ؟
هل له مقدمات تشعر بيها قبل ان ينقطع ؟
وإيه حالة العربية عند انقطاع السلك ؟

اول ما السلك بينقطع بتلاقى دواسة الدبرياج بقت زى الميه تحت رجليك
و طبعا ملووووووش اى مقدمات هو وظيفته انه ينقطع فجأة :)
و حالة العربية بتكون طبيعية و دايرة و كل حاجة تمام لكن مش بتعرف تدى اى نقلات و لا تمشى بيها لا قدام و لا ورا

الحمد لله جبته من سوزوكى سنتر ب 50 جنيه و رحت عند الميكانيكى غيره