ماروتي 2008

[Moudi11282]

السادة الاعضاء. تحياتي،

الحمد لله اشتريت ماروتي 2008 عاملة 17000 كم، عربية جميلة اوى.

عندي فيها مشكلة واحدة، طول ما انا ماشي بطيء العربية كويسة جدا، بس لما بجري 70-80 كدة بلاقيها كل شوية تقوم منتشة. هل دة يكون من طقم الكهرباء ولا من الكربيراتير.

مع العلم اني امبارح جبت منظف كاربيراتير مع البنزين و برضه مافيش فايدة نفس الموضوع. انا حاطيت بنزين 92.

يرجي المساعدة من اهل الخبرة.

شكرا جزيلا

[SunSet]

ربنا يبارك لك فيها ويديك خيرها ويبعد عنك شرها

جبتها بكام وحالتها كانت ايه ؟

[M.Al-Hefnawy]

النتشة دي دي من طقم الكهربا. غير البوجيهات والابلاتين ونضف فلتر البنزين وان شاء الله هتلاقيها كويسة والتكلفة بسيطة طقم البوجيهات بـ 45 جنيه والابلاتين الياباني بـ 20 - 25 جنيه.

[karimfahmy99]

غالبا العيب دا هتلاقية ظبط كهربة من الاسبيراتير

[sab3aawy]

كانت بتعمل معايا كدة وهى جديدة واتحلت المشكلة بعد اول تغيير للبوجيهات والأبلاتين (متغيرش كوندنسر الفابريكة) وضبط الاسبراتير