السنتر لوك بيفتح لوحده

[zooma783]

عندي سؤال وشكوى ...
معايا ماروتي 2010 و السنتر لوك بعد حوالي سنة من شرائي للعربية بقة بيفتح لوحده، روحت التوكيل نيسان اللي في الحضرة-اسكندرية قاللي "السنتر بيعلق وأنا فصلتهولك عن الانذار" يعني أقفل العربية بالمفتاح مش بالريموت و كذلك الفتح ، قولتله العربية في الضمان ممكن تغير السنتر ، قاللي لما المتخصصين ييجوا من القاهرة علشان إحنا توكيل نيسان و السوزكي إحنا مش متخصصين فيه، ومن وقتها آدي وش الضيف ، الكلام ده كان من شهر 7-2011.

هل من مفيد؟؟

[Amr Axel]

الأفضل كهربائي سيارات يشوفلك القصة ديه لأن ممكن يكون اكتر من سبب و انا مقدرش احدد السبب لأني ببصم في الموضوع
فممكن تكون اسلاك ملمسة او غسلت العربية و المية قامت بالواجب او فيوز او... او ....الخ..الخ
ففي كل الحالات هتروح لكهربائي او المهندس في التوكيل
لو مركبه عندهم في التوكيل متعتقهمش نطلهم كل شوية لحد ما يصلحوهلك

[karimfahmy99]

ممكن وصف تفصيلى اكتر اية اللى بيحصل لما بتدوس على الريموت لتامين السيارة

عموما العيب ممكن يكون من الطرمبة الام اللى على باب السواق او من وحدة التحكم بالسنتر او من وحدة الانذار نفسها . لو مفيش وحدة تحكم للسنتر يبقى العيب من الطرمبة او من وحدة الانذار . مين اللى ركب السنتر و الانذار ؟؟ و نوع الانذار اية ؟

[hamaza81]

سيبك من التوكيل في موضوع السنتر دا
أنا هنا في القاهرة وكان عندي مشكلة
ورحت التوكيل في الدقي في الصيانات العادية وقولتلهم عندي حاجة في الانذار والسنتر
قالولي هانبعتك للمكان اللي ركبنا فيه في مدينة نصر
نفضت ورحت لواحد عندنا في شارع المطبعة هرم اسمه مايسترو بتاع اكسسوار وانذار وسنتر وظبطلي الدنيا وأخد 10 جنية تقريبا

[LORD.ADeL]

سيبك من التوكيل في موضوع السنتر دا
أنا هنا في القاهرة وكان عندي مشكلة
ورحت التوكيل في الدقي في الصيانات العادية وقولتلهم عندي حاجة في الانذار والسنتر
قالولي هانبعتك للمكان اللي ركبنا فيه في مدينة نصر
نفضت ورحت لواحد عندنا في شارع المطبعة هرم اسمه مايسترو بتاع اكسسوار وانذار وسنتر وظبطلي الدنيا وأخد 10 جنية تقريبا

++1
كبر دماغك والله
توكيل مين ياباشا دول نامين ع روحهم
شوفلك حد عندك فى اليكس مشهور وتمام فى الاكسسورات والانذار وكدة
وهيشيك لك ع الاربع ابواب واحتمال كبير زي ما ناس حلوة قالتلك طرومبه مكنه بتاعت سنتر وعايزة تتضبط او بووووووم باظت وتكلفه لا تتعدي ال20.؟ تضبيط
والله مستعان

[zooma783]

النذار و السنتر جاي مع العربية (كماليات) بس انا في الغالب هسيبني من التوكيل ،، بس في حد يعرف حد كويس في اسكندرية ينصحني بيه؟