تغيير زيت الماروتي

[Moudi11282]

سؤال للماروتية
انا لسة جايب ماروتي مستعملة و كنت عايز اغير زيت و فلتر، بس مش عارف العربية بتاخد اد ايه زيت، و لو هغير الفلتر تاخد اد ايه؟ و ايه هو احسن نوع زيت للعربية؟

تحياتي للجميع

[Italiano81]

لو تغيير زيت بس بتاخد 2 ونص لتر ولو زيت و فلتر بتاخد 3 الا ربع وبلنسبه لافضل زيت مش عارف بلظبط انا بستعمل شلل 3000 وفيه ناس كتير هنا بترشح شلل

[dr.hazem]

انا عن نفسي بستخدم فيسكو 3000 وبنزله كل 11000 كيلو وهو يستحمل لحد 15 ألف

سعره بالتغيير بكله 116 جنيه واداؤه ممتاز

لو العربية مكنتها قديمه او حالتها وحشه ممكن تحطلها زيت يتغير كل 3000 كيلو وخلاص

والكميه زي مقال اخونا اتاليانو..

تحياتي

[sofianesof]

عموما مبروك السيارة اخي

[Amr Axel]

الف مبروك ع العربية و زي ما الاخوة الاعضاء قالولك بالنسبة كمية الزيت
اما افضل نوع ده ع حسب الزيت اللي شايفه مريحك و عامة فيه
موبيل 1 : عن تجربة و بستخدمه
شل : الناس بتشكر في ادائه لكن مجربتوش

اما الانواع التانية فمعنديش فكرة عن ادائها

و ده موضوع تفاريح :)

http://www.nilemotors.net/Nile/223782-a.html

و بالتوفيق ان شاء الله

[ehab_11_22]

شل 5000 الًأصفر أعتقد دا الأفضل

[karimfahmy99]

انا لما غيرت حطيت زيت فيسكو 5000 زى قرينة موبيل وان يعنى زيت تخليقى 100% بس الفرق ان فيسكو اماراتى الصنع و عمرة الافتراضى 20000 الى 25000 كم بس طبعا مش هسيبة الفترة دى كلها ف جونا الجميل الخالى من العوادم و الاتربة . و زى الاخوة ما قالو كل حالة موتور مختلفة عن التانية يعنى حسب حالة الموتور بتختار الزيت

[Moudi11282]

شكرا للاخوة الاعضاء علي الافادة

[dr_asaos]

انا عن نفسي بستخدم فيسكو 3000 وبنزله كل 11000 كيلو وهو يستحمل لحد 15 ألف

سعره بالتغيير بكله 116 جنيه واداؤه ممتاز

لو العربية مكنتها قديمه او حالتها وحشه ممكن تحطلها زيت يتغير كل 3000 كيلو وخلاص

والكميه زي مقال اخونا اتاليانو..

تحياتي

أول مرة أسمع عن الزيت ده وسعره جنان...شكرا جدا للافادة... بس أنا لسه كنت مغير بموبيل 1 وبغيره كل 10 الاف كيلو

[خالد]

أنا بحط فيسكو 5000 ممتاز جداً جداً وبنزله على 10000 كم وممكن يقعد أكتر من كده بس قلبى مش بيطاوعنى !!

[sab3aawy]

انا بستعمل الفيسكو 2000 وبنزله كل 5000 كيلومتر وبغير الفلتر كل 10 آلاف كيلو، بس فكر انقل للفيسكو 3000 علشان بيعيش اكتر

[khalidawad]

أسلام عليكم
كتالوج الماروتى بيقول الزيت يكون APi sf sj or Sh 20w50
دلوقت الفيكو ده أنواعه
3000 كم و أسمه Ngv سعره 70 وهو APi SF
5000 كم و اسمه 2000 سعره 105 وهو API sg
كما بالصورة التاليه
السؤال API SJ هل تساوى API Sg
أفادكم الله
2shared - download Maruti Visco oil.JPG

[dr.hazem]

أسلام عليكم
كتالوج الماروتى بيقول الزيت يكون api sf sj or sh 20w50
دلوقت الفيكو ده أنواعه
3000 كم و أسمه ngv سعره 70 وهو api sf
5000 كم و اسمه 2000 سعره 105 وهو api sg
كما بالصورة التاليه
السؤال api sj هل تساوى api sg
أفادكم الله
2shared - download maruti visco oil.jpg

عزيزي
مبدئيا الفيسكو ان جي في مش هوا ال3000 وبالمناسبه تمنه 116 جنيه
ثانيا:
المواصفات المكتوبه في الكتالوج دي اتلغت من المصنعين والموجود حاليا حاجات احدث
الخيارات سهله وواصحه بالنسبه للماروتي
الفيسكو 2000 او 3000 كلهم مناسبين للعربية واسعارهم ممتازه


تحياتي

[dr.hazem]

الفيسكو 3000 بره بينزل بلزوجه 10 40 انما عندنا بينزل 20 50
حاولت اوجد الفرق بين فيسكو 2000 وفيسكو 3000 لكن ملقتش
الاتنين 20 50
والاتنين متقاربين في المواصفات
لكن غالبا الفيسكو 3000 عليه نسبة ريسورس اعلى بتخليه يعيش اكتر

وبالمناسبه
الفيسكو 3000 بيعيش لحد 15 ألف كيلو في اصعب الظروف


تحياتي

[karimfahmy99]

اللى اعرفة ان الفيسكو 3000 نصف تخليقة - يعنى زيت معدنى على تخليقى - اما ال 5000 تخليقى بالكامل - عموما للعلم فقط ان سرعة تبخير الزيوت التخليقية اعلى من الزيوت المعدنية بمعنى ان ممكن الزيت التخليقى ينقص اسرع من المعدنى و دا طبيعى مش عيب ف العربية و دا يشمل كمان زيت موبيل وان لانة تخليقى - يعنى كل 5000كم راجع على مقاس الزيت لو الموتور حالتة كويسة او قيس على فترات اقل لو الموتور 75% للى بيستخدم التخليقى تحديدا و برضوا حتى لو معدنى راجع مستوى الزيت دائما