Tweet
سوزكي جراند فيتارا
ايه رايكم يا جماعه انا قدامي سوزوكي جراد فيتارا موديل 2006 زيرو في المعرض وانا عاجبني شكلها قوي بس في ناس كتير خوفوني منها وقالوا انها ضيقه وان عفشتها وحشه وانها 4×4 شكلا فقط عشان هي 1600سي سي وبكده هتبقي تقيله مش هتسحب كويس يا ريت تقولولي رايكم فيها بصراحه مميزاتها وعيوبها........وشكرا
-
-
العربية من حيث التصميم ممتازة و اكثر من ممتازة من ناحية التصميم الداخلى و دة اللى بتعتمد علية اعتماد كبير
من حيث الاداء فالعربية ايضاً ممتازة كاستخدام (جيب مدن) اى داخل المدينة الاداء كويس جداً و بتبعد عن المطبات و ارتفاع بيخليك بعيد عن المشاكل ... لكن قصاد كدة فى الاستخدام داخل المدن مش هاتعرف توفر بنزين معاها
سحب العربية معقول جوة البلد ...إنما فى السفر بعد ال 100 صعب الحقيقة ..هاتجيب 120 و 140 بس هاتحس ان العربية بتبذل جهد كبير جداً
عفشة العربية ماتنتظرش النعومة الفائقة المتناسبة مع التصميم الخارجى العربية عفشتها فعلاً مش اد كدة و التقفيل و الجودة ليا ملاحظات علية كتير من وجهة نظرى
العربية بشكل عام افضل جيب مدن موجودة و بالسعر دة بجانب طبعاً الدايهاتسو تيريوس و لكن الفيتارا تتفوق عليها من حيث الثبات-الوسع-التصميم الداخلى
الخلاصة : لو بتدور على جيب جوة البلد و معاك فلوسها ..فتوكل على الله العربية تحفة
لو بتدور على جيب تنفع جوة البلد وبرة فى السفر و كمان سفارى .. يبقى تعيد حساباتك
وربنا يوفقك إن شاء الله -
لو نفسك في فيتارا دور علي فيتارا تسعينات 2000 سي سي 6 سلندر عربية جامدة و احسن من الجديدة من ناحية الجودة و التحملComment
-
شكرا جزيلاComment
Comment