جزء فى الموتور عاوز اعرف بتاع ايه للماروتي

[eltorbeny]

سلام عليكم

كنت عاوز اعرف وظيفة الجزء الى فى الصورة ده ايه




وفي جزئ منه اما احط ايدي جمبة احس ان فيه شفط كده فهل ده المفروض انه بيتوصل بخرطوم ما ولا بيشفط هوا وخلاص

[hamaza81]

دا ليه علاقة بالشفاط اللي بتسخن بيه العربية الصبح
وتقريبا بيدخل هوا زيادة للموتور أثناء عملية التسخين
والله أعلم

[eltorbeny]

دا ليه علاقة بالشفاط اللي بتسخن بيه العربية الصبح
وتقريبا بيدخل هوا زيادة للموتور أثناء عملية التسخين
والله أعلم

متشكر جدا ياباشا
ياريت يكون حد عنده معلومات اكتر ويقدر يفيدنا

[msa142]

متشكر جدا ياباشا
ياريت يكون حد عنده معلومات اكتر ويقدر يفيدنا

تقريبا له علاقة بضغط الهواء الى خارج من الكربراتير للتانك او بيخفض ضغط الهوا الخارج من التانك للكربراتير.دا الى اقدر افيدك بيه على حد علمى .. تقدر تعمل سيرش على الكلمة دى vacuum actuator solenoid

[micromoud]

دا ليه علاقة بالشفاط اللي بتسخن بيه العربية الصبح
وتقريبا بيدخل هوا زيادة للموتور أثناء عملية التسخين
والله أعلم

انا مع الرأى ده وفى ميكانيكى مرة سألته وقالى ان الجزء ده له علاقة بالتكييف والهوا اللى بيدخل للهوايات !!

[eltorbeny]

طب هو فيه كام خرطوم خارج منه عشان حاسس ان فيه حاجة عندي مخلوعة

[msa142]

طب هو فيه كام خرطوم خارج منه عشان حاسس ان فيه حاجة عندي مخلوعة

حضرتك عندك واحد مش راكب الى هوا فى النص الاخضر .. دور كدا على خرطوم شفاف اكيد هوا دا الى فك من عندك .. ولو الدنيا تمام عندى ونزلت هبقى اصورلك الخرطوم عشان تشوف هوا طالع من اى منطقة بالظبط.

[aymanay32]

القطعة دى راكبة فى الميتسوبيشى اللانسر كمان

[ahmedhawas]

القطعة دي إسمها EVAP purge valve وهي عبارة عن solenoid valve تبع نظام ال Evaporative emission control system
الأول شوف الصورة دي:

بصراحة الصورة بتاعتك مش موضحاها أوي ، ومش مبينة الخراطيم اللي رايحالها!!
-باختصار نظام ال Evaporative emission system هدفه تقليل نسبة الهيدروكربون أو أبخرة نظام الوقود المنبعثة إلى الهواء الجوي (سواء كان نظام كاربراتير أو حقن إلكتروني).
-لما الموتور بيكون مطفي : الأبخرة دي بتتجمع في العلبة السودا اللي موجودة في أقصى الجنب الشمال من الصورة بتاعتك وطالع منها خرطومين ، ودي إسمها Charcoal canister وبيكون فيها
كربون نشط بيحتفظ أو بيخزن أبخرة البنزين اللي جاية من تنك البنزين والموتور مطفي.
- لما تيجي تشغل الموتور : الكمبيوتر بيبعت سيجنال للevap purge valve فيسمح بمرور الأبخرة دي بنسبة معينة مع ال fresh airاللي معدي من بعد البوابة.
-النسبة دي بتكون على حسب قراية ال Maf sensor لو موجود ، يعني على حسب كمية الهوا اللي عدت عشان ميأثرش على نسبة الخليط ، وبالتالي ميأثرش على أداء الموتور ومعدل الإستهلاك.
-وبالتالي بالنسبة لل charcoal canister عندك خرطومين (واحد in جاي من التنك)(والتاني out خارج منه).
-وكذلك لل evap purge عندك فيشة كهربا عشان تشغل السولينويد وخرطومين(واحد in اللي جاي من الcharcoal canister) (والتاني out إلى مانيفولد السحب).

نفس النظام موجود في عربيات تانية كتير .. بس غالبا علبة الكربونcharcoal بتكون أسطوانية الشكل ..
شكلها في الماروتي غريب شويتين.

تحياتي.