مش مبسوط من السحب

[mesaharaty]

فى أواخر شهر يوليو الماضى رحت للميكانيكى بشكوى إن سحب العربية ضعيف وقام بتغيير الأبلاتين والكوندنسر ولم يغير البوجيهات على أساس إنها لسه كويسة وكمان عمل ضبط تاكيهات علشان العربية كانت بتاكل بنزين والدنيا اتظبطت .
المشكلة بقى حاليا إنى ابتديت احس إن السحب قل مرة تانية ( بعد حوالى 4 شهور من الصيانة اللى باقول لحضراتكم عليها دى)
فهل المشكلة كده إنى ماغيرتش البوجيهات عند تغيير طقم الكهرباء ، يعنى من الممكن إن البوجيهات تكون محتاجة تتغير ؟ فضلا عن تنظيف فلتر الهوا أو حتى تغييره بجديد .

العربية لسه ماكملتش 18000 كم

هل كده أنا بافكر فى الإتجاه الصح؟

مع الشكر

[Amr Axel]

مكنش المفروض يجي ناحية طقم الكهربا و العربية اساسا تعتبر جديدة و اللي بيتغير لو حسيت بحاجة بسببهم هي البوجيهات و الابلاتين بس
اما بالنسبة السحب الضعيف و البنزين اللي بيتاكل
نضف فلتر الهوا و شوف البوجيهات و فلتر البنزين و و ظبط ضغط هوا العجل و ظبط الليلة ديه كلها , لو كله مظبوط و برده السحب ضعيف و بتاكل بنزين
ممكن يكون السبب في اسطوانة الدبرياج

[mesaharaty]

شكرا يا Axel
بس أنا كده قلقت على الدبرياج ...

هل فيه أفكار تانية من إخوتى هنا ؟

[karimfahmy99]

اعراض تلف او قرب تلف البوجيهات بتكون واضحة خصوصا مع اول دوارة الصبح بتبان ف غياب الدوارة الصبح حتى مع رفع الشفاط و لازم الشفاط ف الشتا يتشد سنتين مش اكتر و زى الاخ اكسل مقال مكنش فى داعى لاى تغير عملتة ربما ضبط الابلاتين لا اكثر ان لم يكن لادع . موضوع ضبط التاكيهات كان برضوا بدرى علية . عموما راجع ع الحاجات اللى قال عليها اكسل و موضوع الدبرياج دا ممكن تجربة بنفسك شد فرامل اليد كويس جدا و اطلع ع الاول عادى مع بنزين زيادة شوية بسيطة عن العادى لو الدبرياج سليم العربية لازم هتبطل لو سبت رجلك خالص لو بايظ ممكن تلاقى العربية لسة دايرة و مش بتمشى يبقى كدة الاسطوانة مهربة . و ممكن اسباب قلة السحب ان كهربة العربية مخنوقة يعنى ماخرة و دا بيكون نتيجة ان الابلاتين ريح فتغير خلوص الفتحة و دا طبيعى بيحصل لتاكل فبرة الابلاتين و دا اللى قلتة ف الاول كان كفاية يظبط فتحة الابلاتين و يظبط الكهربة