استفسار فى سوزوكى التو

[polo61]

الحمد لله استلمت التو 800 cc مكيفة
سؤال بس لو سمحتوا هل مؤشر الحرارة على ال 90 فى منتصف العداد وده كان فى بداية تجربتها ده طبيعى ولا معناه فيه مشكلة ؟
لأن استفسرنا وقالوا كل العربيات الجديدة كلها كده نفس النظام
افيدونا

شكرا مقدما لكل من يتفضل بالرد
جزاكم الله كل خير

[SEATLOVER]

الف الف مبروك يا Polo
ربنا يباركلك فيها
بص يا سيدى مؤشر الحرارة على الوضع 90 دة منهى الطبيعى و هو دة المفروض طول ما انت ماشى بالعربية .... بعد كدة هو دة اللى مش طبيعيى

ما تقلقش خالص ..وربنا يسترها معاك ويكفيك شرها

[engahmed29]

ايوه صديقى ، ده طبيعى انا كنت قلقان منه فى الاول برضه ، بس طبعا ده بس عشان احنا مش متعودين على عداد الحرارة انه يكون واقف على حيله

[mo7amed_omara]

Polo كنت عايز اعرف اخبار التكييف اية اصل العربية 800 سىسى فيا ترى بتستحمل التكييف؟؟؟؟؟؟؟؟

[polo61]

شكرا لكم على الرد
الله يبارك فيكم العربية ماشاء الله شيك جدا
بالنسبة للتكييف وتحميله عالموتور له كمبريسور لوحده يعنى مافيش تحميل عالموتور على حد علمى
اما فى الاستلام وجدته اوك خاصة العربية متقفلة كويس جدا
يعنى الافادة بعد الالف ك ان شاء الله

[pointer]

الف مبرووووووووووووووووووك ربنا يدي لك خيرها ويمنع عنك شرها ويحفظك من كل سوء

[marsleno]

ازيكم انا لو سمحتو عضو جديد وعايزة اشتري التو 800 سي سي بس بيقولوا انها مش بتستحمل المسافات البعيدة يعني من اخر الهرم لغاية مثلا مصر الجديدة او مدينة نصر ما ينفعش فممكن حد يكون مجربها يرد علي ولي اشتري لادا 2107 افضل لانها تقريبا نفس السعر في حدود 47000 المصري
وشكرا ليكم وتعاونكم

[engahmed29]

ازيك انت ؟

مفيش حاجة يا سيدى اسمها عربية بتستحمل و عربية لا ، اى عربية جديدة حتستحمل معاك طبعا و اى عربية قديمة و مستهلكة حتى لو مرسيدس ممكن تبوظ منك ، المهم العربية ماشاء الله بتسافر عادى القاهرة اسكندرية و مفيش اى مشكلة ان شاء الله فى المسافات مدام بتحافظ على صيانتها .
اما اللادا المصري فهى حاجة تانية خالص من ناحية الحجم بس انشف بمراحل ، طبعا اللادا مشكلتها السي سي العالى يعنى استهلاك البنزين و الترخيص ، بالاضافة الى انها تقفيل مصري و انا مش بحبه .

[meedoo]

لاتوجد مقارنه بين اللاداو الالتو فى الرفاهيه معى الالتو من شهرين عربيه ممتازه بس ضيقه شويه و التكييف يابانى 100% و اداءه ممتاز

[polo61]

اشكر كل من اهتم ورد وافاد بخصوص مؤشر الحرارة

[mohamedwasfy]

ربنا يباركلك فيها ويكفيك شرهاز بس انا ليه سوال عندك العربيه بعد 120 ايه اخبار الثبات بتاعها وكمان التكيف مع السرعه فيه مشكله؟

[poopoo_966]

مبروك الالتو عليك و لو متاخرة

لاتوجد مقارنه بين اللاداو الالتو فى الرفاهيه معى الالتو من شهرين عربيه ممتازه بس ضيقه شويه و التكييف يابانى 100% و اداءه ممتاز

بس ممكن تكلمنا عن مساحة الشنطه و هل الكنبه على قضيبين يعنى ممكن تطلع ادام شويه و تزود مساحة الشنطه و لا تنتنى بس ذى الماروتى و ايه اخبار القعده على الكنبه مريحه و لا ضيقه

[dolceca]

انا حجزت الالتو 1100 و جربت القاعده فى الكنبه الى وراء هى ضيقه فعلا و لو الكرسى الامامي راجع لوره تبقى صعبه موت بس برده كله بيشكر فيها و انا علشان كده حجزتها

[polo61]

ياجماعة سامحونى على التأخير فى الرد
الحقيقة العربية لبنتى وانا هاسألها وارد عليكم
العربية ماكملتش شهر ولسه فى التليين حاليا
بس الاستاذ ميدو بيقول ان ثباتها رائع

[mohamedwasfy]

انا معايا عربيه التو 800 سى سى (تكييف) عامله 15000 كيلو وهبيعها عشان ظروف السفر ودا رقم موبايلى للجادين فقط 0102244628