اتنصب عليا يا رجالة ..

[amr_bekhit]

السلام عليكم و رحمة الله

انا و الحمد لله على كل حال يبدو انى اتنصب عليا يا رجالة
السؤال : هل يمكن ان الميكانيكي يكون عندوه انعدام للضمير و يبدل البطارية بأخرى ؟
الواقعة : روحت لميكانيكي علشان يغير قواعد الماتور علشان بيقول كانت متهالكة ( مش عارف ازاى مع ان العربية عاملة فقط 23000 كيلو موديل 2009 )
المهم غيرها و بعدين تاني يوم وجدت بطارية شكلها مريب و لونها أحمر و ليس لبنى مائل للزرقة
كما تعودت دائما على منظر العربية لأنى بملا قربة المياه و براجع المياه فى الرادياتير دوما.

روحتلوه و كنا هنشد مع بعض لكن الناس قالوا البطارية ليها ضمان و شوف رقمها و ابقى تعالى اتهم الراجل بعدها !! كلام منطقى صح

رجعت وجدت فقط كتيب الضمان به أرقام الماتور و الشاسية و بعض التدوينات
و وجدت ان البطارية دي مكان المفكات معلم فيها و شكلها كفرانة كما تشاهدون فى الصور المرفقة ؟

السؤال: ما هو نوع البطارية التى تأتي مع السيارة الماروتي ؟ و ارجو من الأعضاء الكرام الإجابة على هذا السؤال
النوع اللى راكب عندي دلوقتى اسمه ( EXIDE ) حتى دخلت اشوف اسم الماركة ده لقيت العلامات التجارية بتاعتوه على النت مختلف خالص عن اللى ملزوق على جنب البطارية

و كمان مش شايف رقم للبطارية أساسا
اتصلت بمودرن اللى هو توكيل السوزوكي قالوللى السيارة لما تتباع يطلع معها 2 ضمان واحد للسيارة و واحد للبطارية !!
بصراحة الكلام ده مش واكل معايا ( it doesn't make sense )

كلمت خدمة العملاء فى مودرن زي ما قولتلكوا و قولت للاوبيرتور اللى بيكلمنى فى اى حاجة فى نظامكوا بتاع الكمبيوتر بيقول ان السيارة اللى رقم شاسيها كذا و متورها كذا يكون راكب فيها بطارية ررقم كذا ؟ قالى لأه

بصراحة اتفقعت .. علشان انا اشتغلت فى برمجيات كتيرة و منها لوكلاء سيارات و فيها تفصيلات فى قمة السخافة ..
قولت مش مشكلة انا اروح النيابة لمعارفنا و هناك يعملوا جواب للمودرن ديه مطلوب فيها رقم البطارية بتاعت السيارة ام رقم شاسيه كذا و موتور كذا

اترككم مع الصور المرفقة و انتظر تعليقاتكم

[ahmedsrs]

الموضوع منتهى ياباشا انت بطاريتك لبنى ودى لونها احمر يبقى انت الصح الباش ميكانيكى شكله نصاب انت تاخد كام واحد من صحابك الجامدين وتروح تعمله مشكلة وتعلى صوتك وياريت تلبسه كمان قضية قله العربية كان فيها موبايل وفلوس

[Ahmed_Rahem]

الحل بسيط، شيل الحديدة الى ماسكة البطارية بالعربية، لو مفيش مترحها تراب يبقى دى بتاعت العربية لو فية يبقى متركبة قريب.

واحسن حاجة تفضل واقف جنب عربيتك وهى بتتصلح، خصوصاً لو انت مش خبرة فى الميكانيكا.

[amr_bekhit]

الموضوع منتهى ياباشا انت بطاريتك لبنى ودى لونها احمر يبقى انت الصح الباش ميكانيكى شكله نصاب انت تاخد كام واحد من صحابك الجامدين وتروح تعمله مشكلة وتعلى صوتك وياريت تلبسه كمان قضية قله العربية كان فيها موبايل وفلوس

يا سيدي ان كل ما هنالك انا عارف بطاريتي لونها لبنى مائل للأزرق و مش عايز غيرها
و موضوع الفولس و الموبايل ده يبقى افترا انا عندي عيال و حبش حد يفترى عليا و زمن الشقاوة خلص خلاص.
انا هروح بكرة ان شاء الله على مودرن و احاول اشوف بيانات البطارية و لو عصلجوا كما اتوقع
هخلى وكيل النيابة يطلبها رسمي ان شاء الله
اكيد البطارية اللى كانت راكبة فى العربية و جاية من الهند بيها متسجلة عليها فى مكان ما فى الشركة. دي بطارية مش باكو بسكويت
اعلموك بالتطورات

[amr_bekhit]

الحل بسيط، شيل الحديدة الى ماسكة البطارية بالعربية، لو مفيش مترحها تراب يبقى دى بتاعت العربية لو فية يبقى متركبة قريب.

حصل و هو عمل كده على اساس تبقى مطبعة و كانت مطبعة فعلا لكن ده مردود عليه و السبب بسيط ان الحديدة اللى ماسكة البطارية هى واحدة فى كل الموديلات بتاعت الماروتي 800 و البطارية الحمرا دي بتاعت ماروتي برضوه او من نفس الفيه بتاعتها علشان دي بطارية بحديدة كهربا رفيعة مختلفة عن باقى العربيات

واحسن حاجة تفضل واقف جنب عربيتك وهى بتتصلح، خصوصاً لو انت مش خبرة فى الميكانيكا.

حصل يا باشا لكن وقت الصلاة بس هو اللى العربية اتسابت فيه

بس انا وجدت امر غريب وجدت الإستيكر الأخضر اللى عليها انها متعبية فى 1997/08 كما باين من الصورة المرفقة


ده دليل انها بطارية تنتمي لألفية تانية خالص

[karimfahmy99]

هل باين على الصواميل انها اضرب فيها مفتاح ؟؟ صواميل الماسك و الاتاشاط - عموما عندى جار عندة ماروتى هبقى ابص اشوف نوعها و لونها

[morsi]

يا سيدي ان كل ما هنالك انا عارف بطاريتي لونها لبنى مائل للأزرق و مش عايز غيرها
و موضوع الفولس و الموبايل ده يبقى افترا انا عندي عيال و حبش حد يفترى عليا و زمن الشقاوة خلص خلاص.
انا هروح بكرة ان شاء الله على مودرن و احاول اشوف بيانات البطارية و لو عصلجوا كما اتوقع
هخلى وكيل النيابة يطلبها رسمي ان شاء الله
اكيد البطارية اللى كانت راكبة فى العربية و جاية من الهند بيها متسجلة عليها فى مكان ما فى الشركة. دي بطارية مش باكو بسكويت
اعلموك بالتطورات

رأييى الشخصى كبر دماغك وأستعوض ربنا وماتضيعش وقتك اكتر من كدا فى موضوع البطارية ده لأن حضرتك اتنصب عليك وخلاص وصعب جدا تثبت اللى حصل وحتى لو مودرن اعطاك رقم البطارية سواء بالنيابة أو بالتراضى ازاى هاتثبت ان الميكانيكى هو اللى سرقها؟ساعتها هايقول ان العربية بتاعتك جايه له بالبطارية الحمرا وان انت بتتبلى عليه ومش هاتعرف تاخد منه حق ولا باطل.حضرتك انس الموضوع ده خالص وعيش حياتك وأخرج من الموضوع ده بدرس انك ماتسيبش عربيتك تتصلح الا قدام عينك .

[ehab_11_22]

اللى أعرفو أن البطارية الى بتيجى مع الماروتى بطارية جافة ac delco

اللى أنا شايفوو أن البطارية مش جافة وشكلها غريب

من الاخر أحتسب الى الله ولو هاتعرف تاخد حقك من غير ماتدخل نفسك فى مشاكل جامدة يبقى خير

الموضوع هايطور لأنكو تمسكو فى بعض لا ياعم مشى حالك بدى

أنا أتسرق منى قبل كدا جوز كبالن أمامى وأتصلت بالميكانيكى حلفلى بأيمانات الله كلها أن مستحيل يحصل كدا فى ورشتو بس هاعمل أية أروح أضربو طب أستفدت أية ولا حاجة

الله يكون فى عونك وبعد كدا تشوف ميكانيكى محترم حتى لو غالى

[amr_bekhit]

هل باين على الصواميل انها اضرب فيها مفتاح ؟؟ صواميل الماسك و الاتاشاط - عموما عندى جار عندة ماروتى هبقى ابص اشوف نوعها و لونها

و الله الصورة امامك هتجد ان عدد الفك اشتغلت فيها لما هرتها .. اضغط على الصورة للتكبير
و اشكرك للإهتمام بالسؤال

[amr_bekhit]

وصعب جدا تثبت اللى حصل وحتى لو مودرن اعطاك رقم البطارية سواء بالنيابة أو بالتراضى ازاى هاتثبت ان الميكانيكى هو اللى سرقها؟ساعتها هايقول ان العربية بتاعتك جايه له بالبطارية الحمرا وان انت بتتبلى عليه ومش هاتعرف تاخد منه حق ولا باطل.

يمكن عندك حق بس اللى غايظنى و انا عندوه جاب كذا ميكانيكي و بتاع الكهرباء و الانذار و كلهم يقولوا دي بطاريتك و كان لونها احمر مش ازرق ، و قولتلوه هوديك النيابة كشوا فى الأول و بعدين قاعد يشتم شتايم مش كويسة خالص فى الحكومة على اساس ان النيابة مش هماه فى حاجة ، قدام الجمهرة اللى كانت واقفة ساعتها ، وكيل النيابة قالى حتى لو مش هنثبت عليه البطارية اقل واجب يشيل قضية " النيل من هيبة الدولة و مؤسساتها " و ونجيب كل اللى واقفين و هتلاقى عليهم احكام يا هربنين من الجيش و هيترفعوا كده او كده .. كل ده طبعا هايل بس كل اللى انا عايزوه البطارية بتاعتى علشان لما اجى ابيعها اقول للراجل اللى يشتريها دي بطاريتها الحقيقية سواء وحشة او حلوة ..

بصراحة شارع الميكانيكية اللى فى العرب جنب شريط القطار عند القرية الأولمبية تجاربى معاهم سيئة جدا .. واحد كان هيخربلي الكاربراتير قبل كده و التاني حمار انذار و التالت نصب عليا فى البطارية .. بجد لا أنصح اى شخص يروح هناك

[khaled_amer]

رأييى الشخصى كبر دماغك وأستعوض ربنا وماتضيعش وقتك اكتر من كدا فى موضوع البطارية ده لأن حضرتك اتنصب عليك وخلاص وصعب جدا تثبت اللى حصل وحتى لو مودرن اعطاك رقم البطارية سواء بالنيابة أو بالتراضى ازاى هاتثبت ان الميكانيكى هو اللى سرقها؟ساعتها هايقول ان العربية بتاعتك جايه له بالبطارية الحمرا وان انت بتتبلى عليه ومش هاتعرف تاخد منه حق ولا باطل.حضرتك انس الموضوع ده خالص وعيش حياتك وأخرج من الموضوع ده بدرس انك ماتسيبش عربيتك تتصلح الا قدام عينك .

تماااااااااااااااااااااااااااااااااااااااااااااااا ااااااااااااااااااااااااااااااام

[karimfahmy99]

هل باين على الصواميل انها اضرب فيها مفتاح ؟؟ صواميل الماسك و الاتاشاط - عموما عندى جار عندة ماروتى هبقى ابص اشوف نوعها و لونها

القيت نظرة على سيارة جارى موديل 2011 و البطارية مطابقة تماما ف الاسم و الشكل و اللون و غير جافة

[Lion_Heart]

حصل و هو عمل كده على اساس تبقى مطبعة و كانت مطبعة فعلا لكن ده مردود عليه و السبب بسيط ان الحديدة اللى ماسكة البطارية هى واحدة فى كل الموديلات بتاعت الماروتي 800 و البطارية الحمرا دي بتاعت ماروتي برضوه او من نفس الفيه بتاعتها علشان دي بطارية بحديدة كهربا رفيعة مختلفة عن باقى العربيات


حصل يا باشا لكن وقت الصلاة بس هو اللى العربية اتسابت فيه

بس انا وجدت امر غريب وجدت الإستيكر الأخضر اللى عليها انها متعبية فى 1997/08 كما باين من الصورة المرفقة


ده دليل انها بطارية تنتمي لألفية تانية خالص

لا اطمن هيا 19-7-2008
على العموم استعوض ربنا و ماتشتغلش الا عند واحد معروف
و ماتسبش عربيتك تانى ابدا و حد شغال فيها

[Amr Axel]

اولا هي البطارية اللي كانت نازلة في عربيتي الألتو كانت زي بطاريتك لونها احمر من فوق

ثانيا هل حضرتك متاكد لأن ساعات الشخص ممكن يختلف معاه اللون بدون قصد انا قبل كده عملت مشكلة ع غطا بسبب اختلاف اللون و اتضح اني كنت غلطان و هو اللي كان فعلا عندي ( جل من لا يسهو ) فحاول تتأكد من البطارية الفبريكة اللي بتنزل لأن معتقدش ان الميكانيكي هيكون جاهز عنده بطارية 40 امبير قديمة يبدلها في ساعتها و الله اعلم

اما لو حضرتك متاكد 100 % مش هقولك غير ربنا يعوض عليك لأنك مش هتقدر تثبت
و اللي عليك دلوقتي انك تشد ع واحد بتاع بطاريات تعملها صيانة و تشوفها صالحة و لا لأ او لو لقيتها خلاص بتجيب جاز اقلبها و جيب واحدة تانية و بتديله القديمة و تخصم من تمن الجديدة و الأفضل لما تشتري بطارية جيبها من وكيلها مباشرة بلاش المحلات

و بعد كده طول ما العربية بتتصلح متسيبهاش ابدا و يفضل لو هتروح تصلح تاخد معاك اي شخص يقعد عند العربية في حالة ان الميكانيكي قال روح اشتري قطع غيار و مش هتقدر تقفل العربية و حاول تشوف ناس معروف عنهم الامانة و التعامل و الصنعة

[amr_bekhit]

القيت نظرة على سيارة جارى موديل 2011 و البطارية مطابقة تماما ف الاسم و الشكل و اللون و غير جافة

بجــــــــــــــــــــــــــــــــد ؟
يعنى جارك الكريم بطاريتوه ماركة ( Exide ) حمراء اللون و لها نفس الشكل الخارجي البدن أبيض و السطح العلوى أحمر ؟
و الله انا هتجنن اصلى عارف بطاريتى زرقاء اللون علشان انا دائما اراجع المياه اللى فى القربة جنب البطارية و اديك بتؤكد انها حمراء و مطابقة للبطارية الظاهرة فى الصور اللى انا ارفقتها هنا ..

عموما شكرا على الاهتمام و جزاك الله خير
ألحق اتصل بمعرفتى فى النيابة لحسن دا ناوي ينفخ الميكانيكي (إن بعض الظن إثم) و يمكن متبدلة من مدة -و انا مش واخد بالى غير لما جيه يغير قواعد الموتور- بعيد عن الواد ده و كان هيلبسها ، ربنا ما يوقعنا تحت ايد حد مفتري أو نصاب