الماروتى جابت اسطوانه!!!!!!

[mrghost]

السلام عليكم ورحمة الله وبركاته
الحمد لله على كل شيئ الماروتى جابت اسطوانه مع انها لسه مكملتش 25000 كيلو وموديل 2010
ومش عارف السبب بس انا كنت بشم ريحتها من فتره ووطيت الدبرياج وبرضه مفيش فايده
محدش يعرف بتتباع بكام؟ زايه احسن نوع؟

[Amr Axel]

متستغربش ديه الحاجة الوحيدة اللي لاحظتها في الماروتي اسطوانة الدبرياج بتفور بسرعة و خاصة لو الرجل تقيلة مش بتكمل
و عندك اكتر من مكان
فيه مبيعات مودرن موتورز في الدقي لو عايز تضمن انك هتاخد قطع غيار اصلية
او سوزوكي سنتر في التوفيقية فوق اسماك ابو غالي اسمع انه بيجيب قطع غيار اصلية
و اكرم حمدي في شارع دمشق قدام ابراهيم مباشرة بس اسعاره نار دايما
و فيه محلات في شارع احمد حلمي شبرا و فيه في ميدان ابن الحكم اللي بعد التجنيد مباشرة بس معرفش ايه نظام قطع الغيار عندهم

[mrghost]

الف الف شكر على الرد وفعلا والدى بيمشى بيها وطريقه كله زحمه فأكيد محمل على الدبرياج قدر الله وماشاء فعل عموما هروح اى مكان من اللى قولتلى عليه واعرف السعر ان شاء الله

[alking_2006]

نصيحة لوجه الله
بلاش محلات احمد حلمى الا لو كنت عارف واحد معين و واثق منه
علشان انا لاحظت ان معظمهم مش مضمونين
او لو هتتعامل تعامل مع محل ميدو الكينج و سيبك من المحلات الصغيرة اللى هناك اللى بتجيب اى حاجة

و عموما انت صاحب الاختيار

[AMRSPEED]

يتحس بأيه ياباشا عشان اعرف امتى باظت

[mrghost]

يتحس بأيه ياباشا عشان اعرف امتى باظت

الدبرياج بيعلى وتلاقى العربيه لما تدوس بنزين وانت مديها اى غيار العربيه مش بتسحب علطول الرغم ان صوت الموتور عالى
والعربيه كمان مش بتفرك (تعمل امريكانى )

[karimfahmy99]

الدبرياج بيعلى وتلاقى العربيه لما تدوس بنزين وانت مديها اى غيار العربيه مش بتسحب علطول الرغم ان صوت الموتور عالى
والعربيه كمان مش بتفرك (تعمل امريكانى )

مهو ممكن برضوا يكون فى زيت على الاسطوانة مش لازم تكون الاسطوانة بايظة - هى الطبة الكاوتش اللى بتغطى الاسطوانة موجودة و لا لأ ؟؟ و هل فى اثار زيت تحت العربية لما تركن فترة ؟

[mrghost]

لسه جاى من عند الميكانيكى
وفك الفتيس واتضح ان الاسطوانه اتمسحت والديسك كمان فيه ريجه وجبت الديسك ب 125 جنيه هندى تقريبا والاسطوانه ب 115 يابانى والميكانيكى سايبه بيركبهم ان شاء الله

[mrghost]

الحمد لله استلمت العربيه من الميكانيكى بس غالى اوى اخد مصنعيه 230 جنيه المفترى بس بصراحه انا بتعامل معاه لان شغله زى التوكيل بالظبط وبيرجع الحاجه زى ماكانت الحمد لله

[micromoud]

انا عندى برضه اسطوانه وديسك بس متعايش معاها ... انا سألت فى مودرن موتورز الاسطوانة والديسك والبليه هيدخلو فى 650 جنيه :)))

[Amr Axel]

الف مبروك و حمد الله ع سلامة الماروتي :)
حاول بقي الرجل تكون خفيفة ع الدبرياج احسن موضوع الدبرياج ده مشكلة و وجع دماغ اكتر حاجة بتجنني في العربية ان الدبرياج او الفتيس يحصلهم حاجة

[mrghost]

بإذن الله بس والدى اللى بيركبها مش انا وطريقه كله زحمه(صلاح سالم)