الرداتير فية عفريت

[ehab_11_22]

العربية كنت غيرتلها مياة خضراء تركيز 90 % أغلى مياة فى العالم وكانت العلبة نص لتر ب 20 جنية مش دا المهم

المهم أن العربية بعد مدة حوالى 4 شهور بدأت الاحظ أن المياة ناقصة وبقيت أزودها كل شوية من القربة وأبص الاقيها نقصت تانى

ومع الوقت بدأت الاحظ أن غطاء القربة يتفتح لوحدووو وملاقيش ولا نقطة فى القربة

مع العلم أنى مش لاقى أى تسريب والحمد لله المروحة بتشتغل كويس والعربية مش بتسخن

رحت لميكانيكى كذا مرة يبص ويقولى مش شايف أى تسريب وقالى غير غطا الر داتير غيرتو وباردو المية بتنقص بس غطا القربىة مبقاش يتفتح زى الاول

رحت لميكانيكى تانى باردو قعد يبص ملاقش حاجة بتسرب قالى الرداتير دا عايز يتسلك روح لبتاع رداتير

رحت لبتاع الرداتير قالى أن الماروتى بيتفك من جوة الرداتير سلك حلزونى هو دا الى بيسلك الرداتير بقولو طيب بيتركب تانى قالى لا ومالوش أى تأثير فى دورة المياة

فياريت ياجماعة تقولولى أية رأيكو فى الكلام دا

[karimfahmy99]

شوف هقولك تعمل اية . اول حاجة نزل المية دى خالص و اغسل الدورة و املاها مية عادية من الحنفية - فك الشبكة و اغسل سربنتينة الردياتير بخرطوم مياة من الاتجاهين - لما تملى القربة خللى المستوى قبل الماكس شوية . و جرب و بلغنا النتيجة و بعدين نكمل لما نعرف النتيجة

خارج الموضوع : اللى بيوعد بحاجة بينفذها اعتقد فاهم قصدى اية

[ehab_11_22]

شوف هقولك تعمل اية . اول حاجة نزل المية دى خالص و اغسل الدورة و املاها مية عادية من الحنفية - فك الشبكة و اغسل سربنتينة الردياتير بخرطوم مياة من الاتجاهين - لما تملى القربة خللى المستوى قبل الماكس شوية . و جرب و بلغنا النتيجة و بعدين نكمل لما نعرف النتيجة

خارج الموضوع : اللى بيوعد بحاجة بينفذها اعتقد فاهم قصدى اية

يا أستاذ كريم انا عايز ققولك أن المياة الى فى الرادتير بنسة 90 % من الحنفية لانى كل شوية بزودها أنا بس كنت عايز أخد رأيك فى موضوع أنى أسلك الرداتير وأشيل السلك الى فى الرداتير دا عشان بتاع الرداتيرات قالى أن السلك دا بيطلع ومبيركبش تانى


بالنسبة لخارج الموضوع : أنا قلت لحضرتك أنى برجع متأخر ومبحبش الصراحة أكون تقيل على حد عشان كدا مرديتش أنى أكلمك وأزعجك

[Amr Axel]

بص انا وجهة نظري ان ممكن يكون السبب في المية اللي جبتها مش كويسة
فجرب تحط مية خضرا بتاعت موبيل مثلا و شوف اللي هيحصل
و جيب المية من البنزينة نفسها متجبش من محلات او ماركت لأن الناس ليهم تجارب سيئة من الانواع ده

[ehab_11_22]

بص انا وجهة نظري ان ممكن يكون السبب في المية اللي جبتها مش كويسة
فجرب تحط مية خضرا بتاعت موبيل مثلا و شوف اللي هيحصل
و جيب المية من البنزينة نفسها متجبش من محلات او ماركت لأن الناس ليهم تجارب سيئة من الانواع ده

بس أنا خايف أروح أغسل دورة المياة وأحط مياة جديدة واللى أعرفو أن مياة موبيل الجركن ب60 جنية وتنقص تانى

ولا أنت أية رأيك ؟؟

[mesaharaty]

حضرتك روح لبتاع رادياتير محترم وقول له عاوز أنضف دورة الرادياتير وأغير المياه كلها وقبل ما تروح له اشترى جركن مياه من موبيل سعره حوالى 60 جنيه .
حيغسل لك الرادياتير من جوة ومن برة ويخرج الاتربة والرواسب وتحط المياه الجديدة على نضافة وطبعا لما يفك خليه يبص لك هل فيه خروم ولا تسريبات مثلا علشان بالمرة تتعمل .
وإن شاء الله المشكلة تتحل وابقى عرفنا عملت ايه

[hamaza81]

لا يا جدعان
يشوف مشكلة المياة ايه الاول قبل ما يحط مياة غالية

طب ماتخلي بتاع الرادياتير يغسلكهولك غسلة حلوة بضغط المياة
من غير قصة التسليك دي لاني مش مقتنع ان اي حاجة تتشال مالهاش علاقة بدورة المياة وإلا هي محطوطة ليه أساسا

[Amr Axel]

بس أنا خايف أروح أغسل دورة المياة وأحط مياة جديدة واللى أعرفو أن مياة موبيل الجركن ب60 جنية وتنقص تانى

ولا أنت أية رأيك ؟؟

زي ما استاذ hamaza قال
نضف الدورة و الريدياتير بدون شيل اي حاجة عشان مش ناقصة فزلكة منهم
ينضفها و هو ساكت ميعملش فيها انيشتاين و شوف المية نقصت يبقي غير المية و شوف مية موبيل

[dr.hazem]

اعتقد ان كل المشكله ان غطا الريديتير مش مظبوط او دورة المية واخده هوا

هل العربية بتسخن ؟؟؟
انت لما بتزود الميه بتزود في القربه ولا في الريديتير؟؟؟
ياترى بتفتح غطا الريديتير كتير عشان تشيك هل في ميه ولا لأ؟؟
لون الميه جوة الرديتير خضرا ولا بنية ولا شفافه؟؟ وصافيه ولا معكرة؟؟


تحياتي

[ganash]

حضرتك قولت ان غطا القربه بيتفتح لوحده ممكن يكون المشكله منه والريداتير بياخد هوا

[karimfahmy99]

يا أستاذ كريم انا عايز ققولك أن المياة الى فى الرادتير بنسة 90 % من الحنفية لانى كل شوية بزودها أنا بس كنت عايز أخد رأيك فى موضوع أنى أسلك الرداتير وأشيل السلك الى فى الرداتير دا عشان بتاع الرداتيرات قالى أن السلك دا بيطلع ومبيركبش تانى


بالنسبة لخارج الموضوع : أنا قلت لحضرتك أنى برجع متأخر ومبحبش الصراحة أكون تقيل على حد عشان كدا مرديتش أنى أكلمك وأزعجك

عموما احنا فيها لو تحب تجيلى يوم الجمعة بعد الصلاة نظبط الدنيا و نغسل من برة و نعمل دورتين تنضيف للمية اهلا بيك و متعملش اى حاجة من اللى بتوع الردياتيرات بيقولوة على الاقل تعالا ابص و اشوف لو مش عاوز تعمل حاجة - لما اشوف حجتك اية المرة دى

[ehab_11_22]

اعتقد ان كل المشكله ان غطا الريديتير مش مظبوط او دورة المية واخده هوا

هل العربية بتسخن ؟؟؟
انت لما بتزود الميه بتزود في القربه ولا في الريديتير؟؟؟
ياترى بتفتح غطا الريديتير كتير عشان تشيك هل في ميه ولا لأ؟؟
لون الميه جوة الرديتير خضرا ولا بنية ولا شفافه؟؟ وصافيه ولا معكرة؟؟


تحياتي

غطا الرداتير أنا غيرتووو والسبب أن غطا القربة كان كل شوية الاقية مفتووح فالميكانيكى قالى أن غطا الرداتير هو الى بايظ غيرو فغيرتووو وفعلا غطا القربة مبقاش يتفتح لفترة وبعد كدا رجع فتحلى بوقووو تانى

هل العربية بتسخن ؟؟؟ العربية الحمد لله مش بتسخن ولما بتوصل للنص المروحة بتشتغل
انت لما بتزود الميه بتزود في القربه ولا في الريديتير؟؟؟ بزود فى القربة بس ساعات كنت ببص على الرداتير وبزود فى الرداتير
ياترى بتفتح غطا الريديتير كتير عشان تشيك هل في ميه ولا لأ؟؟ من ساعة ماجبت الغطا الأخرانى مفتحتوش غير مرتين والكلام دا من حوالى شهر بس طبعا لما رحت للميكانيكة فتحوة كذا مرة
لون الميه جوة الرديتير خضرا ولا بنية ولا شفافه؟؟ وصافيه ولا معكرة؟؟ المياة لونها صافية

[ehab_11_22]

حضرتك قولت ان غطا القربه بيتفتح لوحده ممكن يكون المشكله منه والريداتير بياخد هوا

والله أنا كنت عايز أغير القربة كلها ب 10 جنية بس للأسف مش لاقيها غير عند سوزوكى سنتر والمكان دا بعيد عليا شوية أنا ساكن فى زايد
والميكانيكى قالى مالهاش دعوة القربة العيب من غطا الرداتير

وأنا فعلا كنت لاحظت حاجة أن الميكانيكى التانى لما فتح الغطا بتاع الرداتير وزود بنزين المياة كانت تنزل لتحت يسيب بنزين المياة تقوم راجعة طالعة بارة الرداتير

عشان كدا قالى روح سلك الرداتير

[ehab_11_22]

عموما احنا فيها لو تحب تجيلى يوم الجمعة بعد الصلاة نظبط الدنيا و نغسل من برة و نعمل دورتين تنضيف للمية اهلا بيك و متعملش اى حاجة من اللى بتوع الردياتيرات بيقولوة على الاقل تعالا ابص و اشوف لو مش عاوز تعمل حاجة - لما اشوف حجتك اية المرة دى :u_thin1[1]:

أن شاء الله نتقابل انا لو منزلتش الخميس يبقى نتقابل الجمعة بعد الصلاة وأستنى منى تليفون

[karimfahmy99]

وأنا فعلا كنت لاحظت حاجة أن الميكانيكى التانى لما فتح الغطا بتاع الرداتير وزود بنزين المياة كانت تنزل لتحت يسيب بنزين المياة تقوم راجعة طالعة بارة الرداتير

عشان كدا قالى روح سلك الرداتير

دا طبيعى جدا مفهوش اى مشكلة

أن شاء الله نتقابل انا لو منزلتش الخميس يبقى نتقابل الجمعة بعد الصلاة وأستنى منى تليفون

اهو منتظر التليفون و ماسك الموبايل من دلوقت