ترشيح زيت جامد على الموتور

[dr_asaos]

السلام عليكم يا شباب الخير...وأنا بفحص موتور العربية كدة بالصدفة لقيت ترشيح جامد على المتور من الجنب كدة قرب تحت ..وواضح انه لسه حديث..بس يعنى مفيش زيت تحت العربية... للعلم أنا لسه مغير الزيت من ألف كيلو تقريبا... دلوقتى المفروض انى أغسل موتور العربية الاول وبعد كدة أشوف الجوان اللى تحت ده؟ ولا يتكشف على الجوان الأول ونربطه كويس وبعد كدة نغسل موتور العربية؟ ولا اغير الجوان من الاخر وبعد كدة نغسل الموتور؟ حد يرتبلى الخطوات الله يكرمكم!!

[dr.hazem]

هو الراجل حطلك كام لتر زيت؟؟؟

[dr_asaos]

هو الراجل حطلك كام لتر زيت؟؟؟

والله مش فاكر بس هو بيسيب جزء....بحيث انى لما اجمع الباقى بعد 3 تغييرات يكفوا تغييرة من غير ما أشترى جديد!! أعتقد 3 لتر..أنا بحط موبيل 1...وعلى العموم هشوف المقياس بكرة قبل ما ادور العربية وهى باردة ان شاء الله وأقولك

[Amr Axel]

ممكن يكون ان الزيت زيادة عن الماكس و بيرشح و شوف فيه ترشيح حوالين الغطا و لا لأ
بالنسبة غسيل الموتور يفضل انك تنضفه مرة واحدة في السنة و خاصة بعد الشتا و باقي الوقت بالهوا

بالتوفيق ان شاء الله

[dr_asaos]

ممكن يكون ان الزيت زيادة عن الماكس و بيرشح و شوف فيه ترشيح حوالين الغطا و لا لأ
بالنسبة غسيل الموتور يفضل انك تنضفه مرة واحدة في السنة و خاصة بعد الشتا و باقي الوقت بالهوا

بالتوفيق ان شاء الله

لا يا صديقى العزيز مفيش ترشيح حواليا الغطا عشان كدة برشح موضوع الجوان...أنا قصدى بئه الخطوات ايه...أإسل الأول وبعدين أربط على الجوان ولا العكس؟عشان ما أقعدشى أغسل مليون مرة!!

[Amr Axel]

وجهة نظري ان يتكشف الأول و بعدين تغسل عشان متغسلش كل شوية و بعد التظبيط و الغسل تشوف فيه ترشيح تاني و لا لأ

[dr_asaos]

وجهة نظري ان يتكشف الأول و بعدين تغسل عشان متغسلش كل شوية و بعد التظبيط و الغسل تشوف فيه ترشيح تاني و لا لأ

أنا برده بقول كدة..وفى حاجة أنا شفت مقياس الزيت...لقيت الزيت زيادة عن النقطتين زيادة واضحة...أعمل ايه بئه؟ وهل ده يخلى الجوان يضرب ولا مجرد الزيت الزيادة يفلت بدون ما يبوظ الجوان؟

[SASA3]

هو لو الغطا بتاع الزيت بيجيب زيت اقفلة كويس و بعدها افتحه نص تكه

و لو كمية الزيت قليلة ممكن يكون بخر زيت خفيف اعتقد ملوش تاثير جامد

بس شيك على الاولسيلات الاول

و يفضل متغسلش الموتور كتير اخره تنفضه بمسدس هواء

[lad]

اغسل الاول

[dr_asaos]

كدة كدة لازم أغسل عشان الزيت اللى على المتور مش قليل....بس دلوقتى الزيت زيادة المفروض انى أصرف الزيت الزيادة ده الاول... صح ولا ايه؟

[Amr Axel]

لو الزيادة بسيطة ان شاء الله مفيش حاجة بس لازم يتقلل للماكس
اما لوالزيادة كتييرة ممكن يروح فيها الاويل سيلز و توصل للبوجيهات و قصة سودا و وجع دماغ فالافضل تحاول تخلي الزيت مظبوط و ممكن تسحب الزيادة بحتة سفنجة او بسرنجة او خرطوم رفيع و تركب فيه البخاخة و تشد

[alking_2006]

اه بتروح لأى حد بيغير زيت يفكلك الطبه اللى تحت و ينزل حبة الزيت الزيادة و يقفل الطبه تانى

[dr.hazem]

ممكن اقولك على طريقة تسحب بيها

هات سرنجه 20 مل ووصلها خرطوم صغنن من اللي بيبقى لونه شفاف ورفيع ودخل الخرطوم من مكان المقياس واسحب شوية وقيس لحد اما تتأكد ان الزيت على الشرطه العلوية مش اكتر

بالمناسبة العربية مبتاخدش 3 لتر باي حال من الاحوال
العربية بتاخد 2 ونص بدون الفلتر
3 الا ربع بالفلتر


تحياتي

[dr.hazem]

بوست مكرر خطأً

[dr_asaos]

شكرا جزيلا يا شباب على الردود دى...ان شاء الله أظبط الزيت على الماكسيمم.. وبعد كدة أغسل..يا مسهل...