70 كيلو فى الصفيحة ساعدوووووووونى!!!

[Silenty]

السلام عليكم ورحمة الله وبركاتة

حد يفهمنى ويكسب فيا ثواب
العربية 1000 سى سى 3 سلندر فى كتالوجها بتعمل 250-300 كيلو فى الصفيحة
انما فى الحقيقةعملت معايا 140 كيلو فى 35 لتر يعنى تقريبا 70 كيلو فى الصفيحة ....يعنى انا لو مسقط مكنة v6 ومقضيها شد و قرص على المكنة مش هتعمل المعدل دة !!!!

المهم كان فية دخنة سوداء واتعالجت بنسبة 80 فى المية بعد تنضيف الكاربيراتير ولسة معدل الاستهلاك هو هو
بعد الكشف على الكاربيراتير فى مركز الصفا قالولى لازم يتفك وهيتكلف 120 جنية غير قطع الغيار .
المهم انا عارف ان استهلاك البنزين بيعلى اما يكون فى عيب فى الكاربيراتير ..... بس هل ياترى ممكن يكون بيعلى لدرجة انها بدل ماتعمل 300 كيلو ى الصفيحة تعمل 70 كيلو بس ؟؟؟!!؟!
يعنى اتوكل على الله واصلحة والمشكلة دى هتتحل ويرجع الاستهلاك لمعدلة الطبيعى .. ولا الاستهلاك المبالغ فية دة ممكن يكون عيبة حاجة تانية غير الكاربيراتير
ملحوظة : مافيش تسريب فى الخراطيم وغطا التانك سليم واول ما بفتحة بيبقى فى ضغط هواء جامد يطلع منة

[elmkaneeki]

انت شايل كوعة الثرموستات ؟

[Silenty]

انت شايل كوعة الثرموستات ؟

هى ليها علاقة ؟؟؟!؟!!!
انا بصراحة مشعارف هيا متشالة ولا لا بس لو هى بتاعت الحرارة اظن انها موجودة لان درجة الحرارة على طوول فى النص بس لو بجرى تجاة الريح بتقل

[ahmedsrs]

ياباشا لو حالة الكربراتير تعبانة غيره هتفرق كتير فى الاستهلاك

[elmkaneeki]

هى ليها علاقة ؟؟؟!؟!!!
انا بصراحة مشعارف هيا متشالة ولا لا بس لو هى بتاعت الحرارة اظن انها موجودة لان درجة الحرارة على طوول فى النص بس لو بجرى تجاة الريح بتقل

بتفرق جدا جدا

[Silenty]

ياباشا لو حالة الكربراتير تعبانة غيره هتفرق كتير فى الاستهلاك

ماهو ياباشا اناعارف ان الكاربيراتير عايز يتصلح بس سوألى هنا هو الكاربيراتير ممكن ياكل بنزين للدرجة دى ؟؟؟؟
70 كيلو فى الصفيحة على مكنة 1000 سى سى 3 سلندر !!!!!!

[Silenty]

بتفرق جدا جدا

طب معلش اعرف ازاى هى موجودة ولا لا .... هل لازم افك الكوعة واشوف ولا فى طريقة تانية عشان اعرف بيها ؟؟!!!
ومعلش مش عارف دة لية علاقة بالموضوع ولا لا بس لاحظت ان مالك العربية القديم كان بيحطلها 80 وماكنش بيشتكى من موضوع الاستهلاك دة
فهل فعلا موضوع ان ال 90 بيطير بسرعة عن ال 80 دة حقيقة ؟؟؟!!!

[elmkaneeki]

طب الموضوع دة ظهر فى البرد بس ولا فى الصيف كمان ؟

[Maged_Samy]

يتم ضبط نسبه مخلوط الهواء مع البنزين من الكربراتير مع تغيير بك السرعة الى بك اصغر اذا لزم الامر واعادة ضبط توقيت الشرارة من الاسبراتير وذلك بعد التأكد من :
1- اسطوانة الدبرياج سليمة والسحب كويس .
2- مفيش عجله بتسخن علشان مفرمله .
3- عدم وجود ثقوب فى الشكمان .
4- ضبط التاكيهات بشكل سليم على البارد .
5- ضغط الهواء فى الكاوتش سليم .
6- يتم قياس الاستهلاك عن طريق التفويل وحساب الكيلومتر وليس عن طريق امبير البنزين لاحتمال تلفه .

[Silenty]

طب الموضوع دة ظهر فى البرد بس ولا فى الصيف كمان ؟

ماعرفش والله ياباشا انا لسة شاريها مابقالهاش شهر ...بس فعلا استهلاك بنزين مستفز جدا لدرجة خلتنى اشك انو عيب كاربيراتير بس ....اكييييييد فى حاجة تانية بتسرب او بتخليها تاكل بنزين ... اية هى بقى دة اللى هايجننى

يتم ضبط نسبه مخلوط الهواء مع البنزين من الكربراتير مع تغيير بك السرعة الى بك اصغر اذا لزم الامر واعادة ضبط توقيت الشرارة من الاسبراتير وذلك بعد التأكد من :
1- اسطوانة الدبرياج سليمة والسحب كويس .
2- مفيش عجله بتسخن علشان مفرمله .
3- عدم وجود ثقوب فى الشكمان .
4- ضبط التاكيهات بشكل سليم على البارد .
5- ضغط الهواء فى الكاوتش سليم .
6- يتم قياس الاستهلاك عن طريق التفويل وحساب الكيلومتر وليس عن طريق امبير البنزين لاحتمال تلفه .

1- سليمة زى الفل والسحب بسم الله ماشاء الله ممتاز بالنسبة الى مكنة 1000 سى سى
2- مافيش عجل بيسخن لا
3-مش عارف بس زى ماقولت لحضرت الحمد لله مش بشتكى من اى مشاكل فى السحب او كتمة فى العربية
4-لو بتتقاس بصوت التكتكة اللى بتعملة لو مش مظبوطة يبقى الحمد لله برضو مافيش اى صوت
5-سليييم
6-واعرف منين هو المؤشر سليم ولا بايظ ؟؟!! هل ممكن مثلا اسيبها لحد علامة ال e واقوم مفولها واشوف هتاخد كام لتر واقارن اللى خدتة بالسعة اللترية للتانك ؟؟؟

[Silenty]

معلش يا جماعة انا سمعت قبل كدة ان الاستهلاك بيفرق برضو بعد ما تحط المنظف اللى بيتحط مع تفويلة التانك دة...... الكلام دة صحيح ؟؟!!!
وهو المنظف دة ينفع للكاربيراتير والانجيكشن ولا انجيكشن بس ؟؟؟

[Maged_Samy]

6-واعرف منين هو المؤشر سليم ولا بايظ ؟؟!! هل ممكن مثلا اسيبها لحد علامة ال e واقوم مفولها واشوف هتاخد كام لتر واقارن اللى خدتة بالسعة اللترية للتانك ؟؟؟

حضرتك تفول لغاية الزور وتاخد قراءة العداد بتاع المسافات وتمشى بيها كده 200 كيلو وترجع تفول تانى وبكده تقدر تعرفك كام كيلو بياخدو كام لتر .