صوت خروشة غريب مع ضغط دواسة البنزين !!

[Amr Axel]

بسم الله الرحمن الرحيم
السلام عليكم و رحمة الله و بركاته

طبعا بعد ازمة البنزين اللي احنا فيها حطيت امبارح من بنزينة شل قدام الميراج اول مرة احط منها بس مش عارف ليه قلقت من البنزين ليكون مش تمام بس كنت مضطر
و مشيت عادي مفيش اي مشاكل حوالي نص ساعة و رجعت ركنت العربية لغاية انهاردة مع العلم اني كنت لسه مغير الزيت لفيسكو و منضف الانجيكشن و فلتر الهوا
و ماشي الفترة اللي فاتت مفيش مشاكل نهائي لغاية انهاردة حصلت حاجة غريبة اوي في العربية

دورت و استنيت كام دقيقة عقبال ما نضفت العربية و جيت بركب دوست بدون ما اقصد دواسة البنزين سمعت صوت خروشة و انا دايس بنزين
شيلت رجلي الصوت راح , دوست تاني سمعت نفس صوت الخروشة , قولت اجرب ادوس دبرياج و ادوس تكة بنزين لقيت مفيش صوت خروشة لما دوست دبرياج و في نفس الوقت سنة بنزين يا حلاوة هي هتقلب بطقم دبرياج و لا ايه ؟؟!! مش كفاية العربية كانت هتتسرق من يومين
المهم مشيت و العربية سحبها مش عاجبني من بعد 60 العربية بتشد نفسها بالعافية
المهم بعد مشوار قصير ركنت و دوست بنزين صوت الخروشة مش موجود طب الحمد الله قولت لما العربية سخنت الصوت راح و لا ايه !!
العربية هديت و نزلت قيست الزيت و شوفت اللزوجة و لونه اغمق شوية و مفيش مشاكل
قولت ادور و ازود بنزين و الكبوت مفتوح لقيت صوت الموتور خشن ع غير العادة
بقيت عمال اجرب كل حاجة عشان اعرف المصدر ايه مش قادر اوصلها و احترت
راجع البيت الصوت ع التالت و العربية بتسحب بالعافية بعد الـ60
رجعت و ركنت قولت اجرب ادوس سنة بنزين و اشوف الصوت مش موجود برده

مش عارف ايه حكاية الخروشة و السحب اللي ضعف فجأة و احترت هل يكون السبب هو البنزين اللي حاطيته امبارح مغشوش فعلا زي ما توقعت و لا سبب تاني ؟؟؟
فايه رأيكم في الكلام ده ؟؟؟؟

[dr.hazem]

احتمال كبير جدا يكون البنزين اللعين
لان اكتر من حد دلوقتي عمال يشتكي ان السحب فيه مشاكل وخصوصا لو كنت سبت التنكي لحد ما قرب من الآخر يعني ممكن الفلتر اتسد بتاع البنزين

عموما شوف لما هتمون مره كمان هيختلف الوضع ولا هوا هوا

[Amr Axel]

احتمال كبير جدا يكون البنزين اللعين
لان اكتر من حد دلوقتي عمال يشتكي ان السحب فيه مشاكل وخصوصا لو كنت سبت التنكي لحد ما قرب من الآخر يعني ممكن الفلتر اتسد بتاع البنزين

عموما شوف لما هتمون مره كمان هيختلف الوضع ولا هوا هوا

انا فعلا شاكك في البنزين لأن الدنيا قبلها كانت الحمد الله كويسة
بس التنك مكنش فاضي كان فيه حوالي 10-15 لتر بنزين 92 من موبيل الميراج و البنزينة ديه نضيفة و بحط دايما منها بس اخر مرة يوم الاتنين اللي فات لما حطيت الريحة مكنتش عجباني
و بحط 92 بالرغم ان التنك مكتوب عليه 90 فيما فوق لكن بطلت احط 90 من بدري لأنه في الفترة الاخيرة بيطير بسرعة و سحب العربية فيه مش تمام
فشكل البنزين كان مغشوش غشة سودا ع دماغتهم بس كنت مضطر احط لأن كان ورايا مشاوير كتيير انهاردة متنفعش من غير العربية اما نشوف المرة الجاية ان شاء الله لما دول يخلصوا ايه اللي هيحصل و كده كده قريب ان شاء الله المفروض اغير فلتر البنزين
بس هل مثلا فيه اسباب تانية للخروشة ديه بنفس الاعراض ؟؟؟

[dr.hazem]

انا فعلا شاكك في البنزين لأن الدنيا قبلها كانت الحمد الله كويسة
بس التنك مكنش فاضي كان فيه حوالي 10-15 لتر بنزين 92 من موبيل الميراج و البنزينة ديه نضيفة و بحط دايما منها بس اخر مرة يوم الاتنين اللي فات لما حطيت الريحة مكنتش عجباني
و بحط 92 بالرغم ان التنك مكتوب عليه 90 فيما فوق لكن بطلت احط 90 من بدري لأنه في الفترة الاخيرة بيطير بسرعة و سحب العربية فيه مش تمام
فشكل البنزين كان مغشوش غشة سودا ع دماغتهم بس كنت مضطر احط لأن كان ورايا مشاوير كتيير انهاردة متنفعش من غير العربية اما نشوف المرة الجاية ان شاء الله لما دول يخلصوا ايه اللي هيحصل و كده كده قريب ان شاء الله المفروض اغير فلتر البنزين
بس هل مثلا فيه اسباب تانية للخروشة ديه بنفس الاعراض ؟؟؟

ممكن للصدفه البحته الشكمان محتاج تربيط والعربية بارده بيبقى يرج ويخروش وان كنت اشك لان انت عندك شكوى من السحب كمان

عموما متقلقش وابقى شوف لما تفول المره الجايه

انا عن نفسي اول مره العربية توصل عند الاي
كنت بعبي دايما على النص او التلت
وعن نفسي غالبا لما تتحل الازمه هغير الفلتر باذن الله


تعرف حد ياعمرو يغيرلي سير الكاتينه ؟؟
عايز اروح لاسلام بس الهرم بعيد قوي عليا
لو في حد حوالينا اروحله واغير لاني خايف يعملها معايا

انا اشتريت السير وناقصني تركيبه بس


سلامي

[Amr Axel]

ممكن للصدفه البحته الشكمان محتاج تربيط والعربية بارده بيبقى يرج ويخروش وان كنت اشك لان انت عندك شكوى من السحب كمان

عموما متقلقش وابقى شوف لما تفول المره الجايه

انا عن نفسي اول مره العربية توصل عند الاي
كنت بعبي دايما على النص او التلت
وعن نفسي غالبا لما تتحل الازمه هغير الفلتر باذن الله


تعرف حد ياعمرو يغيرلي سير الكاتينه ؟؟
عايز اروح لاسلام بس الهرم بعيد قوي عليا
لو في حد حوالينا اروحله واغير لاني خايف يعملها معايا

انا اشتريت السير وناقصني تركيبه بس


سلامي

انا كذلك مش بيسيبه ينزل للاخر و هغير الفلتر ان شاء الله بعد الازمة ديه
بالنسبة تغيير السير انا بتعامل مع واحد في المطرية و العائلة كلها بتتعامل معاه من زمان جدااا
هو في شارع نجيب معوض متفرع من شارع المطراوي ورا قسم المطرية القديم
هتدخل شارع نجيب معوض و تمشي لقدام شوية و تسأل ع بشمهندس عصام الميكانيكي
و ده رقمه 0101979302 برده قوله بس من طرف عمرو

[Italiano81]

ممكن للصدفه البحته الشكمان محتاج تربيط والعربية بارده بيبقى يرج ويخروش وان كنت اشك لان انت عندك شكوى من السحب كمان

عموما متقلقش وابقى شوف لما تفول المره الجايه

انا عن نفسي اول مره العربية توصل عند الاي
كنت بعبي دايما على النص او التلت
وعن نفسي غالبا لما تتحل الازمه هغير الفلتر باذن الله


تعرف حد ياعمرو يغيرلي سير الكاتينه ؟؟
عايز اروح لاسلام بس الهرم بعيد قوي عليا
لو في حد حوالينا اروحله واغير لاني خايف يعملها معايا

انا اشتريت السير وناقصني تركيبه بس


سلامي

باشا خلى بالك اوى من تركيب سير الكاتينه عشان انا لسه ملسوع منه لما عملت العمره الراجل ركبه مش مشدود اوى وبعد 1500 كيلو السير رخى زيارده والعربيه بطلت ودخلت فى موال تغير صبابات ةاليله دخلت فى 650 جنيه

[kar!m]

ممكن يكون زيت الفتيس عاوز يتغير .. أو بلية الدبرياج تعبانه.

[Amr Axel]

ممكن يكون زيت الفتيس عاوز يتغير .. أو بلية الدبرياج تعبانه.

وارد البلية الزيت لسه ملحقش كام شهر و موصلش لـ30 الف حتي

[Amr Axel]

اخر الاعراض من يومين في الساقعة اللي فاتت كانت نسبة مية خفيفة بتنزل من الشكمان مفيش مشاكل و بحط صباع الشكمان مفيهوش سواد
دلوقتي ملاحظ زي بقع زيت في الارض تحت مخرج الشكمان ع الارض مع العلم ان مقياس الزيت مظبوط
و بحط ايدي في الشكمان لقيت سواد زي سواد الفحم :(
شكله البنزين الزفت اللي حطيته قالب الدنيا عندي

[dr_asaos]

طيب معلشى يا باشا أنا هاشاركك فى موضوعك...أنا برده بسمع خروشة وللدقة زى صوت ساعة اليد كدة لما تحطها فى ودنك...الصوت ده بيزيد مع دوسة البنزين تحس انه بيتسارع وبيتباطئ جدا لما أشيل رجلى من على الدواسة بس مش بيختفى لا بسخونة العربية ولا ببرودتها..والصوت ده بسمعه جوه صالون العربية هو صوت خافت بس بسمعه اوضح من كبوت العربية لما بفتحه ناحية اليمين يعنى ناحية السواق ...ومش عارف ده ايه...ولما بدوس الدبرياش مش بيأثر على الصوت ده...أنا لسه مغير زيت الفتيس وزيت الموتور والكاتينة ..ومش عارف ده ممكن يكون ايه خصوصا ان الصوت على ما اعتقد بعيد عن ناحية السيور اللى فى شمال حوض العربية...مش عارف بئه!!

[aymanay32]

اخر الاعراض من يومين في الساقعة اللي فاتت كانت نسبة مية خفيفة بتنزل من الشكمان مفيش مشاكل و بحط صباع الشكمان مفيهوش سواد
دلوقتي ملاحظ زي بقع زيت في الارض تحت مخرج الشكمان ع الارض مع العلم ان مقياس الزيت مظبوط
و بحط ايدي في الشكمان لقيت سواد زي سواد الفحم :(
شكله البنزين الزفت اللي حطيته قالب الدنيا عندي

شوف المسامير بتوع وش السلندر ممكن يكونوا سايبين شوية و عايزين يتربطوا

[Amr Axel]

شكرا لمساعدتكم جميعا

و الحل انتهي كل القلق ده طلع فعلا زي ما توقعت و زي ما د \ حازم قال البنزين اللي كان بتاع اليومين اللي فاتوا كان ضايع و كان عامل كل القرف ده في العربية