مش عارف زوبه مالها ( الماروتي بتاعتي)؟؟؟؟؟

[karim_maruti]

السلام عليكم .... انا معايا ماروتي 2008 فيه كام مشكله كده وعايز رد عليهم
1) فيه ريحه شياط بتيجي من عند المروحه اللي في التابلوه مع ان الميه الخضره مظبوطه ومؤشر الحراره قبل النص و الزيت مظبوط.
2) الفرامل مش بتسعفني يعني لما احاول افرمل فجأه بحس انها بتفرمل متأخر ثانيه او ثانيتين مع اني لسه مغير التيل من وقت مش بعيد.
3) لما باخد ملف U turn بلاقي ان فيه صوت تكتكه عند الكاوتش اليمين بس مش عارف ده من ايه.


مؤخرا عايز ميكانيكي يكون جاااااااامد وخصوصا في الماروتي وأمييييييييين مش نصاب وقريب من 6 أكتوبر:.. ومحدش يقولي التوكيل لأنه أول اللي نصبوا عليا... بروح أدفع قد كده وباخد خدمه زفت وقطع غيار أغلى مرتين تلاته من بره

[alking_2006]

1 مش حابب افتى

2 اكشف على التيل تانى و اكشف على زيت الباكم و خللى الميكانيكى يكشفلك على دورة الفرامل لحسن تكون واخده هوا

3 دا كوبلن خارجى يمين عايز يتغير

[karim_maruti]

شكرا يا باشا على الإفاده

[eng_ahmedmf]

فعلا موضوع الكوبلن ده اكيد بس الباقي انا مش عندي اي فكره عنده

[abogogo]

السلام عليكم .... انا معايا ماروتي 2008 فيه كام مشكله كده وعايز رد عليهم
1) فيه ريحه شياط بتيجي من عند المروحه اللي في التابلوه مع ان الميه الخضره مظبوطه ومؤشر الحراره قبل النص و الزيت مظبوط.
رائحة الشياط ممكن يكون في قفله كهرباء بتسخن سلك الكهرباء او كيس بلاستيك لازق في بيت الفرن بتاع الشكمان من الامام او سير دينامو او كاتينه مش مظبوط وبيعمل احتكاك
2) الفرامل مش بتسعفني يعني لما احاول افرمل فجأه بحس انها بتفرمل متأخر ثانيه او ثانيتين مع اني لسه مغير التيل من وقت مش بعيد.
راجع زيت الباكم ممكن الفرامل واخده هوا والتيل محتاج تظبيط
3) لما باخد ملف U turn بلاقي ان فيه صوت تكتكه عند الكاوتش اليمين بس مش عارف ده من ايه.
كوبلن خارجي يمين عاوز يتغيير

مؤخرا عايز ميكانيكي يكون جاااااااامد وخصوصا في الماروتي وأمييييييييين مش نصاب وقريب من 6 أكتوبر:.. ومحدش يقولي التوكيل لأنه أول اللي نصبوا عليا... بروح أدفع قد كده وباخد خدمه زفت وقطع غيار أغلى مرتين تلاته من بره

[karim_maruti]

ربنا يكرمك يا باشا ...... بس هو فيه سؤال هو الكوبلن ده غالي .... هزعل يعني ولا ايه

[alking_2006]

ربنا يكرمك يا باشا ...... بس هو فيه سؤال هو الكوبلن ده غالي .... هزعل يعني ولا ايه

و الله انا كنت جبت الكوبلن اليمين و الشمال و كمان الداخلى و الخارجى بالأكسات و كمان الهندى الاصلى بتاع العربية و كان عامل 750 جنيه

فأنا متهيألى بالنسبة لك هتبقى فى حدود 150 جنيه كدا تزيد او تقل حاجة بسيطة

انا اعرف ميكانيكى كويس و برنس فى الماروتى و تقريبا غيرلى كل حاجة فيها بس فى شبرا

[Amr Axel]

بالنسبة ريحة الشياط حاول تتبع الريحة و تعرف منين

بالنسبة الفرامل راجع ع تيل الفرامل و الزيت و لو الزيت بقالك سنة مغيرتوش نزله كله و حط زيت جديد لأن الزيت المفروض يتغير كل سنة عشان باخد رطوبة و شوائب و بلاوي

بالنسبة التكتكة حاجة من الاتنين ياما البطاحة ياما كوبلن بس غالبا كوبلن

و اعرف ميكانيكي كويس و ثقة بس في المطرية لو عايز قولي

[josephn]

بالنسبة ريحة الشياط حاول تتبع الريحة و تعرف منين

بالنسبة الفرامل راجع ع تيل الفرامل و الزيت و لو الزيت بقالك سنة مغيرتوش نزله كله و حط زيت جديد لأن الزيت المفروض يتغير كل سنة عشان باخد رطوبة و شوائب و بلاوي

بالنسبة التكتكة حاجة من الاتنين ياما البطاحة ياما كوبلن بس غالبا كوبلن

و اعرف ميكانيكي كويس و ثقة بس في المطرية لو عايز قولي

أول مرة أعرف أن الزيت بيأخذ رطوبة فعلاً الكلام ده بجد أصلى أنا مغيرتوش خالص و بحس بموضوع الفرامل ده بس بقول ممكن تراب أو ميه جت على التيل