الكوبلن بيشتغلني... دلوني أعمل ايه؟؟؟؟؟؟

[karim_maruti]

السلام عليكم ..... انا ركبت في الماروتي بتاعتي كوبلن هندي امبارح لأن الكوبلن القديم كان باظ ... المهم .... طلعت أجرب العربيه لاقيت نفس صوت الطقطقه هو هو بتاع الكوبلن الأولاني .... الميكانيكي قالي ده ممكن يكون لسه بيتلين ... وأمشي بيه شويه ولو لسه نفس الصوت هفكه ونرجعه ونجيب واحد غيره .... وبعد ما مشيت شويه لاقيت الصوت راح والعربيه ميه ميه ... النهارده الصبح بسخن وطالع لاقيت نفس صوت الطقطقه ولما مشيت شويه راح الصوت .... فكده ايه النظام حد يدلني الله يباركلكم .... كده الكوبلن بيشتغلني يا رجاله

[alking_2006]

الكوبلن لو بايظ بتظهر صوت الطقطقه دى اول ما تبتدى تمشى بالعربية سواء الصبح او بليل ملهاش علاقة و بعد ما بتشد بالعربية و تجيب التانى و كدا بيروح الصوت دا الطبيعى

السؤال كمان هل غيرت الداخلى و لا الخارجى و لا الاتنين

[mado83]

ممكن تكون من قاعده الفتيس لو على الطوالى ولو فى الملفات يبقى ممكن من البطاحه

[Amr Axel]

ممكن تشرح بتسمع صوت الطقطقة امتي بالظبظ و امتي بيروح
يعني و حضرتك طالع بالعربية او بتلف ع سرعة هادية او..او...
يا ريت التوضيح و ايه اللي غيرته داخلي و لا خارجي
بس ممكن يكون قاعدة او خارجي

[daliagalal]

أنا بردو بأسمع صوت طقطقة بعد ما بأخلص الملف يعني وأنا بأعدل الدركسيون، وكانت في الأول بتظهر وأنا باخد الملف على سرعة جامدة بس دلوقتي بتظهر حتى وأنا ماشية بطيء.. بس الميكانيكي كان شافها أول لما الصوت بدأ وجربها بنفسه وقاللي مفيش صوت ولا حاجة... بس قاللي خدي الملف بالراحة... مش عارفة أعمل إيه؟ وهي كده كوبلن داخلي ولا خارجي؟؟

[abogogo]

أنا بردو بأسمع صوت طقطقة بعد ما بأخلص الملف يعني وأنا بأعدل الدركسيون، وكانت في الأول بتظهر وأنا باخد الملف على سرعة جامدة بس دلوقتي بتظهر حتى وأنا ماشية بطيء.. بس الميكانيكي كان شافها أول لما الصوت بدأ وجربها بنفسه وقاللي مفيش صوت ولا حاجة... بس قاللي خدي الملف بالراحة... مش عارفة أعمل إيه؟ وهي كده كوبلن داخلي ولا خارجي؟؟

لو صوت الطقطقه بيظهر في الملفات يبقى كوبلن خارجي لو صوت الطقطقة بيظهر وانت طالع طوالى يبقى كوبلن داخلي وبيظهر مع اول طلعة ولما تهدي وتيجي تطلع